ظبط الكهرباء ودورها فى عملية سحب الماتور

[mahmoud ghanem]

السلام عليكم

الفترة اللى فاتت وبعد ما استلمت العربية من الاسطى عصام وحصل معايا كام موقف كدة بالترتيب

1- بعد ما طلعت من عندة العربية مشاء الله سحب فوق الممتاز ولحد ما طلعت الدائرى العربية اخرها 50 على الغيار الخامس ومقفولة قفلة زى ما تكون متكتفة

رجعتله طبعا وقالى متقلقش وراح ظابط الاسبراتير وقالى اطلع جرب والحمد الله تمام بس مش بنفس السحب الاولانى

2- بعد كدة بردوا العربية حاسس انها ممكن تطلع سحب احلى من كدة بس فى حاجة مش مظبوطة ورجعتله وظبط تانى وكشف عليها بالكمبيوتر وظبطها بس بردوا .. اول ما ستلمتها العربية كانت بتاكل الاسفلت غير بس الكاتمة اللى حصلتلها دى

3- قلت اظبطها انا بايدى احسن وقعدت اظبط الاسبراتير اعلى شوية واطلع اجرب
العربية هتأكل الاسفلت بس الار بى ام مش بينزل على 1.5 طول ما العربية ماشية حتى لو على المور مش بينزل غير لما العربية بتقف

4- ارجع ااوطى الاسبراتير شوية واطلع اجرب العربية تبقى مظبوطة على السلانسية بس مش هى فى السحب تحس انها مخنوقة

5- الموضوع اتكرر اكتر من مرة لحد ما وصلت للحل الوسط اللى انا عليه دلوقتى الار بى ام مظبوط والسحب احسن من الاول بس مش هو اللى انا عاوزة وشفته لما بعلى الكهرباء

العربية بتطلعلى لسانها
اعمل اية ؟؟
اظبطها ازاى دى ؟؟ ممكن البوجيهات ( انا مغيرتهاش .. يعنى اللى كانت راكبه فى الماتور القديم )
ولا الموضوع كله فى ظبط الاسبراتير

افيدونى افادكم الله

[Karim Ibiza]

بقيت شقى يا محمود
ولا انت شقى من الاول وانا مكنتش واخد بالى

انا ايام الموتور الـ 1.4 عملت زيك كده
بس فى الاخر وصلت انى اظبط الاسبراتير على العلامة فى النص وممكن ازود سنة صغيرة قوى
لأن تعلية الكهرباء اى نعم بتزود سرعة التجميع لكن بتزود استهلاك البنزين بطريقة ملحوظة جدا وهتزود التسقيف

[ehab_mansour]

ههههههههههههههههههههههههه
صديقي العزيز ده معناه حاجه واحده و اتمني متطلعش هيا !!!!!!!!!!
كاتينة العربية مش مضبوطه
لأن الكاتينة لما بتكون مضبوطه مهما عليت الار بي ام من الاسبراتير ميوصلش ل 1500 ابدا ابدا لأني جربت كل ده

راجعت علي الاسبراتير (الوش و الشاكوش ) ؟؟؟

بس معندكش حاجه تانيه ان شاء الله راجع علي دول و قلي و للأمانه العربيات دي و الموديل ده بالذات ليها ضبط دقيق جدا للاسبراتير و قريته في احد برامج السيارات و لكن لسه مأخدتش وقتي افهم الدنيا صح مع التطبيق واقعيا

ربنا يكرم و لو وصلت لحاجه هعملكم تقرير عنها ان شاء الله

[amrelsaqqa]

الاسبراتير المفروض يبقى فيه ميكانيزم لتعلية الكهربا مع الاربي ام العالى والسرعة العالية

centrifugal advance و vacuum advance
التقديم بالطرد المركزي في الاسبراتير بمعنى ان الاسبراتير من جوة فيه سوست بتفتح مع الطرد المركزى لما سرعة الموتور تعلى تقوم معلية الكهربة ع السرعة العالية ومدياك الاداء المظبوط
والـ vacuum ده عبارة عن خرطوم فاكيوم جاى من الكربراتير بيعمل نفس الموضوع بس مبنى على فكرة زيادة شفط الهوا على السرعات العالية كل ما تكون دايس بنزين وفاتح باب الكربراتير اكتر

ده التقديم بالطرد المركزى


وده الفاكيوم في الجزء اللى الراجل ماسكه بايده بيبقى جايله خرطوم من الكربراتير، اتأكد ان الخرطوم ده متوصل عندك وان الميكانيزم بتاعه في الاسبراتير شغالة يعنى لو تشفط او بتنفخ هوا جامد بيحرك حاجة جوة الاسبراتير








في العربيات الحديثة في حساسات بتحسب الكلام وجدول معد مسبقا عند الكمبيوتر بتاع العربية بيعرف يقدم قد ايه ويأخر قد ايه حسب نوع البنزين والحمل اللى ع العربية والار بي ام والسرعة

[mahmoud ghanem]

بقيت شقى يا محمود
ولا انت شقى من الاول وانا مكنتش واخد بالى

انا ايام الموتور الـ 1.4 عملت زيك كده
بس فى الاخر وصلت انى اظبط الاسبراتير على العلامة فى النص وممكن ازود سنة صغيرة قوى
لأن تعلية الكهرباء اى نعم بتزود سرعة التجميع لكن بتزود استهلاك البنزين بطريقة ملحوظة جدا وهتزود التسقيف

حبيبى يا كيمو
انا شقى من زمان بس الفرق بقى ... انا انا زمان كنت شقى اوى اوى ... دلوقتى بردو شقى بس شقى جدا بس ... ههههههههههههههههه

بصراحة الكهرباء لما بتعلى السحب والتجميع بيبقى مغرى جداً لدرجة انى فكرت مش مهم الار بى ام على 1.5 ومش مهم البنزين بس العربية تطير من على الارض ..
يعنى الحل الوسط اللى انا فيه دلوقتى صح !!

[mahmoud ghanem]

ههههههههههههههههههههههههه
صديقي العزيز ده معناه حاجه واحده و اتمني متطلعش هيا !!!!!!!!!!
كاتينة العربية مش مضبوطه
لأن الكاتينة لما بتكون مضبوطه مهما عليت الار بي ام من الاسبراتير ميوصلش ل 1500 ابدا ابدا لأني جربت كل ده

راجعت علي الاسبراتير (الوش و الشاكوش ) ؟؟؟

بس معندكش حاجه تانيه ان شاء الله راجع علي دول و قلي و للأمانه العربيات دي و الموديل ده بالذات ليها ضبط دقيق جدا للاسبراتير و قريته في احد برامج السيارات و لكن لسه مأخدتش وقتي افهم الدنيا صح مع التطبيق واقعيا

ربنا يكرم و لو وصلت لحاجه هعملكم تقرير عنها ان شاء الله

المفروض انه ملعبش فى التقسيمة لن السير اللى راكب مغيروش واللى انا فاهمة انه سقط من غير ظبط التقسيمة .. ولا انا فاهم غلط ؟؟
واعرف من فين موضوع الكاتينة دى ؟ اتأكد ازاى
وتحياتى ليك

[mahmoud ghanem]

الاسبراتير المفروض يبقى فيه ميكانيزم لتعلية الكهربا مع الاربي ام العالى والسرعة العالية

centrifugal advance و vacuum advance
التقديم بالطرد المركزي في الاسبراتير بمعنى ان الاسبراتير من جوة فيه سوست بتفتح مع الطرد المركزى لما سرعة الموتور تعلى تقوم معلية الكهربة ع السرعة العالية ومدياك الاداء المظبوط
والـ vacuum ده عبارة عن خرطوم فاكيوم جاى من الكربراتير بيعمل نفس الموضوع بس مبنى على فكرة زيادة شفط الهوا على السرعات العالية كل ما تكون دايس بنزين وفاتح باب الكربراتير اكتر

ده التقديم بالطرد المركزى


وده الفاكيوم في الجزء اللى الراجل ماسكه بايده بيبقى جايله خرطوم من الكربراتير، اتأكد ان الخرطوم ده متوصل عندك وان الميكانيزم بتاعه في الاسبراتير شغالة يعنى لو تشفط او بتنفخ هوا جامد بيحرك حاجة جوة الاسبراتير








في العربيات الحديثة في حساسات بتحسب الكلام وجدول معد مسبقا عند الكمبيوتر بتاع العربية بيعرف يقدم قد ايه ويأخر قد ايه حسب نوع البنزين والحمل اللى ع العربية والار بي ام والسرعة

انا عندى العربية رشاشات مش كربرتير !! والحساس اللى مسؤل عن دة اسمة اية ؟

[SYD]

انا عندى العربية رشاشات مش كربرتير !! والحساس اللى مسؤل عن دة اسمة اية ؟

اسمه Hall Sensor

[SYD]

بص يا حودة
كتمة السحب دي ممكن تكون من فلتر بنزين
طرمبة بنزين
سلوك بوجيهات وحشة
غطا اسبراتير
شاكوش اسبراتير

ثم انك ماغيرتش كونترول ولا فتيس
تحياتي

[sakr_skoda]

ابو حنفى انتا برنس واحنا فى قسم اسكودا تعودنا نظبط عربياتنا بنفسنا ياريت تشرفنا فى قسم اسكودا حتلاقى فى المثبتات دروس مكتبة الفيديو لسلة علم نفسة وعلى فكرة الأخت ابيزا شقيقة الاخت فليشيا اولاد شركة واحدة (فولكس واجن) وعلى العموم الدرس اللى فى الرابط حينفعك فى موضوع ظبط كهربة العربية**

http://www.nilemotors.net/Nile/339710-a.html

[Karim Ibiza]

ابو حنفى انتا برنس واحنا فى قسم اسكودا تعودنا نظبط عربياتنا بنفسنا ياريت تشرفنا فى قسم اسكودا حتلاقى فى المثبتات دروس مكتبة الفيديو لسلة علم نفسة وعلى فكرة الأخت ابيزا شقيقة الاخت فليشيا اولاد شركة واحدة (فولكس واجن) وعلى العموم الدرس اللى فى الرابط حينفعك فى موضوع ظبط كهربة العربية**

http://www.nilemotors.net/Nile/339710-a.html

الباشا الكبير وصل

[sakr_skoda]

الباشا الكبير وصل :s_thum1[1]:

كريم باشا احنا نيجى ايه بجوار عمالقة قسم سيات **** ياريت نعمل اتفاقية مشاركة بين جميع اقسام الشركة الأم***

[mahmoud ghanem]

ابو حنفى انتا برنس واحنا فى قسم اسكودا تعودنا نظبط عربياتنا بنفسنا ياريت تشرفنا فى قسم اسكودا حتلاقى فى المثبتات دروس مكتبة الفيديو لسلة علم نفسة وعلى فكرة الأخت ابيزا شقيقة الاخت فليشيا اولاد شركة واحدة (فولكس واجن) وعلى العموم الدرس اللى فى الرابط حينفعك فى موضوع ظبط كهربة العربية**

http://www.nilemotors.net/nile/339710-a.html

لى كل الشرف بتواجدى فى قسم الاسكودا وثقتى ومعرفتى بخيرة الاعضاء بالقسم واشهد الله انى احبكم جميعا

سؤال بقى علشان اتقال لى ان ماكينة باور الابيزا ممكن تركب ليها ماكينة باور الاسكودا !!! علشان ماكينة باور الابيزا دى مشاكلها كتير وبدور على بديل .
الكلام دة عاوزين نبقى نعمله موضوع لوحدة .. يعنى ايه من قطع الغيار ينفع للعربيتين بما انهم اشقاء واولاد شركة واحدة .. بس الاول اشوف موضوع ماكينة الباور دة ولو طلع مظبوط هيبقى احلى خبر لمالكى الابيزا وكل اللى بيعانى من ماكينة الباور

وتحياتى ليك

[Hazem_Ahmed]

متابع

[mohammad isdf]

الله ينور يا رجالة والله كفيتو ووفيتو