نويت اظبط شوية حاجات في العربية

[the magice]

السلام عليكم
نويت اظبط شوية حاجات في العربية و محتاج مشوره وخبره الاعضاء الكرام العربية عندي محتاجة الاتي
1 تابلوه كامل بالفريم وهنا في حاجة عاوز ليها توضيح ايه الفرق بين الفريم اللي في النص والكونسول عشان المسميات دي روشتني بصراحة وانا بسأل وسمعت اسعار غريبه تبدأ من 750 الي 1100
2 تركيب باور كامل للدركسيون وده محتاج فيه فقط نوع معين اركز عليه في السؤال ومكان محترم اعمل عنده الشغل
3 ميكانيي محترم اكشف عنده ع العربية بجهاز كشف الأعطال عشان انزل ع الحرفيين مرة واحدة اخلص كل ده خصوصا انها اول مرة اروح هناك
اسف ع الاطاله ولكم جزيل الشكر

[moumen_shafik]

السلام عليكم
نويت اظبط شوية حاجات في العربية و محتاج مشوره وخبره الاعضاء الكرام العربية عندي محتاجة الاتي
1 تابلوه كامل بالفريم وهنا في حاجة عاوز ليها توضيح ايه الفرق بين الفريم اللي في النص والكونسول عشان المسميات دي روشتني بصراحة وانا بسأل وسمعت اسعار غريبه تبدأ من 750 الي 1100
2 تركيب باور كامل للدركسيون وده محتاج فيه فقط نوع معين اركز عليه في السؤال ومكان محترم اعمل عنده الشغل
3 ميكانيي محترم اكشف عنده ع العربية بجهاز كشف الأعطال عشان انزل ع الحرفيين مرة واحدة اخلص كل ده خصوصا انها اول مرة اروح هناك
اسف ع الاطاله ولكم جزيل الشكر

انا هحاول افيد حضرتك على حد معرفتى
1 =الفريم الى فى نص التابلوه هو الجزء الى بيبقى حوالين مفاتيح الكاسيت ومفاتيح التكييف , اما الكونسول ده هو الجزء الى بيبقى واخد من تحت التبلوه لحد عصايه الهاند بريد ومغطلى على الفتيس وده فى عربيات كتير مش موجود فيها
وبالنسبه للتابلو حاول تبيع التابلوه القديم للى انت هتشترى منه الجديد
بكده هيفرق معاك ف السعر جامد
2 = بخصوص الباور مش عارف بصراحه بس الاحسن انك تجيب موتور كامل بالاسكاتره افضل
لانك لو ركبت باور على الموتور مش هيبقى بتاعه وهيعمل حمل عليه اكيد
والتكلفه هتكون قريبه من موتور جديد وخصوصا ان حضرتك بتقول فيه اعطال
تقبل مرورى

[nesr6060]

بالنسبه للكونسوله لو عاوزها انا عندى واحده كنت جايبها ب 150 بس ناويت اغير التابلو ولسه مركبتش لو كدا كلمنى

[the magice]

كده من خلال فهمي لمشاركة أ مؤمن اللي بشكره جدا ع التوضيح انا محتاج تابلوه بس من غير كونسول ف لو أ نسر عندك حاجة من التابلوه نفسه قولي وانا ان شاء الله اكلمك و اخدها منك وبالنسبة للباور انا كده ممكن اصرف نظر عنه لأني الموتور في شغل من جوه ولسه هشوف هحل ولا هسقط واحد جديد و الله المستعان

[ehab_mansour]

انصحك لو هتعمل شغل كتير و تغيير و عندك المحرك نص نص يبقي تصبر شوية و تفضي نص كامل بكل حاجه عندك و تشتري دماغك لأن الفرط في قطع الغيار الاستيراد يبكلف كتير و مش بتحس بيه + التعديلات في العربية علي نظامها القديم احيانا بيعمل مشاكل اكثر مما يفيد

[the magice]

هي مشكلة الموتور عندي في صوت تكتكه مستمر مع وجود بخر زيت زائد وفقد في طاقة المحرك تقديري المتواضع ان ده ممكن يكون طقم شنبر وجلد صبابات منتهالك و اولسيهات هل ده يعتبث شغل كتير ولا ممكن الاقي حاجه تانيه زي صبابات نفسها تحتاج تغيير او شميز او او الي اخره دي حاجة الحاجة التانية في مركز او ورشة صيانه في مصر الجديدة او قريب منها انا مش عارف جسر السويس يبعد قد ايه عن هناك

[ehab_mansour]

هي مشكلة الموتور عندي في صوت تكتكه مستمر مع وجود بخر زيت زائد وفقد في طاقة المحرك تقديري المتواضع ان ده ممكن يكون طقم شنبر وجلد صبابات منتهالك و اولسيهات هل ده يعتبث شغل كتير ولا ممكن الاقي حاجه تانيه زي صبابات نفسها تحتاج تغيير او شميز او او الي اخره دي حاجة الحاجة التانية في مركز او ورشة صيانه في مصر الجديدة او قريب منها انا مش عارف جسر السويس يبعد قد ايه عن هناك

جسر السويس جزء منه في طرف مصر الجديده يعني مافيش فرق بينهم ولا بعد
اللي قريب منه هو شاريع الاربعين خلف حديقة بدر ده فيه ناس كتير شغالين في فولكس من ضمنهم احمد عزت و انا عملت شغل عنده من قبل و كويس و امين لكن غالي شوية في المصنعيه عن غيره

اما بخصوص اللي انت بتحكيه عن المحرك فغير مضمون اسبابه لأن ممكن الامور تتطور و ممكن تكون ملمومه و لكن لما تفك و تعمر هتغير كله افضل لأن مهما كانت حالته فبيكون فيه تأكل من السنين و سوء الصيانة و الزيوت و العمل و اي عمره عموما بيكون فيها تغيير كل الحاجات اللي بتخص العمره و اللي بينها احتكاكات او تأكل

[the magice]

انا ان شاءالله نازل بكرة مصر الجديدة ربنا يسهل ان شاءالله واعرف اوصل للمكان ده وهكتب تقرير باللي حصل

[the magice]

للأسف مكانش في وقت اروح لأحمد عزت اللي قالي عليه م ايهاب لانه كان بعيد عن المكان اللي كنت فيه في مصر الجديدة شكلها طلبت مشوار مخصوص للحرفيين بس دلوقتي في حاجة هل عدم انتظام كهرباء السيارة ممكن يؤثر ع الاجزاء الداخلية للمحرك ولا دي مجرد صدفه

[ehab_mansour]

للأسف مكانش في وقت اروح لأحمد عزت اللي قالي عليه م ايهاب لانه كان بعيد عن المكان اللي كنت فيه في مصر الجديدة شكلها طلبت مشوار مخصوص للحرفيين بس دلوقتي في حاجة هل عدم انتظام كهرباء السيارة ممكن يؤثر ع الاجزاء الداخلية للمحرك ولا دي مجرد صدفه

بيؤثر و لكن علي المدي البعيد و المستمر ... اما لو تزامنو مع بعض تبقي قدرك كده