طاسات سيات

[tgaber]

أنا دايخ على طاسات سيات 15 والعلامة علي في الشبكة لو حد يعرف بتتباع فين أو عنده قديم ياريت يساعدني

[tgaber]

هو أنا طلبت حاجة غريبة ليه مفيش رد

[ehab_mansour]

السلام عليكم

حضرتك اصبر لما حد يدخل عنده معلومة مفيدة يرد عشان كده فيه تأخير في الرد لأن محدش عنده معلومه

بخصوص الطاسات فهي موجوده في الحرفيين و موجوده عند محل عباد الرحمن للاستيراد في فيصل شارع اللبيني .. ده اكتر واحد لقيت عنده طاسات بس هو كشخصية و العيال اللي عنده مقرف شوية في التعامل فلو عايز روح شوف الطقم اللي يعجبك استيراد و فاصل معاه و لو عجبك خده بالسعر اللي يناسبك

انا كمان عندي طاسه ضايعه من زمان و اشتريت من عنده واحده شبه اللي عندي و حالتها ممتازة ب 30 جنيه و كان قلي الطقم كله ب 150 و ده للمقاس 14 و شفت عنده مقاس 15 سيات بس المهم تعجبك شكل الطاسات لأني دوخت علي ما لقيت طاسه تعجبني و قريبه من الطقم عندي و نضيفه

و كمان ممكن يفكلك العلامه و يديهالك و لكن زي ما قلتلك تعامل معه بحرص هو و العيال اللي عنده و خد اللي يعجبك و فاصل و لو معجبكش السعر او الحاجه سيبه و امشي و حاجتك ركبها و انت واقف و اتأكد انها تمام