قطع غير BOSCH vs Original

[tgaber]

استفسار عن قطع غيار BOSCH هل هي أفضل من original لو حد جربها يا ريت يقول تجربته على الاقل متأكدين انها اللماني أنا إن شاء الله ناوي اجرب تيل الفرامل

[ehab_mansour]

بوش شركة تعمل بالصناعات المغذية للسيارات زيها زي الشركات اللي صنعت نفس القطع الاوريجينال لمصنع العربية وقت تجميعها

يعني من الاخر ثق تماما ان مصنعي السيارات حول العالم جميعا مش بيصنعوا اكسسوارات و مستهلكات السيارات دائما بيكون ليهم موردين موثوق فيهم زي بوش بيوردوا ليهم قطع غيار باسمهم

الدليل :-
1- كل اجزاء الكهرباء و الكنترول لعربيات فولكس معظمها من انتاج بوش + سيمنز زي الكنترولات و الحساسات و دائرة الاشعال
2- طقم دبرياج سيارات فولكس تقريبا معظمه فاليو و دي مصنع للصناعات المغذية للسيارات
3- البوجيهات الاوريجينال معظمها بين بوش و ان جي كي ngk
طبعا فاليو و بوش و مايلي و ساكس و غيرهم كثيرون بيصنعوا كلهم التيل و السيور و اطقم الدبرياج و هكذا لكن تلاقي بعضهم متجه اكثر للميكانيكا و الاخر متجه اكثر للكهرباء و لكن فيه مشتركات كتير في الصناعه بينهم

لذلك اي قطعة غيار تصنيع اصلي و مضمونه اشتريها من اي مورد المهم تكون مطابقة للمواصفات و المقاسات و تصلح تتركب هنا سواء في محرك او تيل او غيره و مصنعه في بلد محترمه تضمن و تعتمد الجودة في صناعتها و ليس شغل الصين و تحت بير السلم

[akmm]

بوش شركة تعمل بالصناعات المغذية للسيارات زيها زي الشركات اللي صنعت نفس القطع الاوريجينال لمصنع العربية وقت تجميعها

يعني من الاخر ثق تماما ان مصنعي السيارات حول العالم جميعا مش بيصنعوا اكسسوارات و مستهلكات السيارات دائما بيكون ليهم موردين موثوق فيهم زي بوش بيوردوا ليهم قطع غيار باسمهم

الدليل :-
1- كل اجزاء الكهرباء و الكنترول لعربيات فولكس معظمها من انتاج بوش + سيمنز زي الكنترولات و الحساسات و دائرة الاشعال
2- طقم دبرياج سيارات فولكس تقريبا معظمه فاليو و دي مصنع للصناعات المغذية للسيارات
3- البوجيهات الاوريجينال معظمها بين بوش و ان جي كي ngk
طبعا فاليو و بوش و مايلي و ساكس و غيرهم كثيرون بيصنعوا كلهم التيل و السيور و اطقم الدبرياج و هكذا لكن تلاقي بعضهم متجه اكثر للميكانيكا و الاخر متجه اكثر للكهرباء و لكن فيه مشتركات كتير في الصناعه بينهم

لذلك اي قطعة غيار تصنيع اصلي و مضمونه اشتريها من اي مورد المهم تكون مطابقة للمواصفات و المقاسات و تصلح تتركب هنا سواء في محرك او تيل او غيره و مصنعه في بلد محترمه تضمن و تعتمد الجودة في صناعتها و ليس شغل الصين و تحت بير السلم

كلام صح الصح ومن الآخر ............. المشكله ان المضروب يطابق تماما الاصللى في كل شىء إلا الجوده .

[mohammad isdf]

بس أهم حاجه تركز فى مصدر قطعةا لغيار ربما تكون بوش وبردوا مضروب ، اهم حاجه من مكان موثوق فيه

[tgaber]

أنا شفت مركز صيانه و قطع غيار BOSCH service center بس لسة متعملتش معاه أكيد قطع الغيار هتبقى الأصلي بس الله اعلم بمستوى الصيانة

[Hazem_Ahmed]

following