كان نفسى اصور ال 180 بس الزحمه بقى

[nesr6060]

لاول مره اجيب ال 180 بالعربيه بس الطريق كان زحمه وكنت هعمل حادثه فالحمد الله رضيت انى اصور ال 160 يالا خيرها فى غيرها طبعا مش عارف اجيب اكتر علشان الشجمان 1300 وطبعا مسدود بسبب ان الموتور القديم كان مفوت ودى الصور

[ENG.MaRk]

انت برنس ... بس السرعة مش شطارة عشان واحد صاحبي كان عامل فيها معلم و النهاية أربع فقرات في ظهره مشروخين .... اتقلب بالنترا 2013 و هو مقفل عداد ... الكاوتش ضرب منه ف ياريت ناخد العظة و حمانا الله و حماك

[nesr6060]

ربنا يسترها يا باشا وبعدين انا اتعودت على المخاطر

[ahmedfouad]

الموضوع ما اسعدنيش
بالعكس انا زعلت
بس علشان خايف عليك
مع انى ما اعرفشكش
وليا الشرف انى اعرفك
اعمل حساب خطأ الغير
والطريق ما لوش كبير
وربنا سترها معاك لحد دلوقتى
ويا رب دايماً
ربنا يحفظك من كل سوء

[shiko85]

ربنا يسترها يا باشا وبعدين انا اتعودت على المخاطر

نطلب الستر من ربنا و احنا اللى بعرض نفسنا للخطر ؟؟!! (و لا تلقوا بأيديكم الى التهلكه)
المشكله ان حضرتك ممكن تكون سائق محترف جدا جدا بس خطأ الغير و عيوب الطرق ملهاش كبير
انا بقول لحضرتك من خوفى عليك و من التجارب اللى حصلت لأصدقاء ليا رغم احترافهم السواقه و كان معاهم افضل و اغلى العربيات و فيها تجهيزات أمان كثيره جدا و بجد احساس صعب جدا لما تفقد صديق او قريب او شخص عزيز عليك
اتمنى حضرتك تفكر فأسرتك و اهلك و اصدقاءك و كل واحد ممكن يزعل عليك لو لا قدر الله حصل حاجه لحضرتك و كمان فكر حضرتك هتقول ايه يوم الحساب !!!!
دى نصيحه من اخ صغير

الموضوع ما اسعدنيش بالعكس انا زعلت بس علشان خايف عليك مع انى ما اعرفشكش وليا الشرف انى اعرفك
اعمل حساب خطأ الغير والطريق ما لوش كبير وربنا سترها معاك لحد دلوقتى ويا رب دايماً ربنا يحفظك من كل سوء

+11111 و الصوره اللى فالتوقيع بتاع حضرتك تكفى و تغنى عن اى كلام

[mohammad isdf]

مبروك يا عم نسر الإطمئنان على العربية بس خلى بالك زى ما الزملاء قالوا ممكن أى حاجه لا قدر الله تحصل مش فى الحسبان، انفجار اطار - فرك كوبلن - تبويش فى علبة الدريكسيون والصليبة او القطمة ويحصل انحراف مفاجئ - تتفاجئ بعربية ادامك - او تعارك الهوا مع السيارة وتعوم ... البلاوى كتير وربنا يكفيك ويكفينا شر المصائب يا رب

[nesr6060]

ياباشا بالنسبه للعفشه فالحمد الله هى لوحدها بايظه جلب طايعين و مساعدين راحوا مشوار ومش عارف ماجوش ليه لغايه دلوقتى و الطنابير لسه الصغيره وعاوزه تتغير و الكبالن جاتلها فتره طقطقت وبعدين اتعدلت لوحدها يعى العفشه دى ضايعه وده السبب اللى بيخلينى متاكد ان الموتور يقفل ال 200 وناوى اعملها بعد الشجمان ولتكيف والتابلو
على فكره الصوره كانت على الصحراوى ومعرفتش اصور ال 180 لان انا عارف ان فراملى ضايعه فكنت بفرمل كل شويه اول مابشوف عربيه قدامى

بالنسبه للتعديلات اللى باقيه
1- تابلو موديل 2000 بالتاتش والضفيره بتاعته وعلبه الفيوزات + التكيف
2- جاكمان كامل بتاع الموتور ال 1600 لان اللى عندى لسه بتاع ال 1300 وطبعا لان الموتور القديم كان جيب شنبر فالجاكمان ضايع ومسدود وحالته بالبلا وده اللى هيفرق جامد لما اغيره
3 - العفشه الكبيره جنبين كاملين بمساعدين غاز و جلب وكبالن ودول هيفرقوا جامد فى الثابات و ان العربيه تفتح فى السرعات الكبيره وتجمع سرعات احسن واعلى حتى لو فرقت 10 كم
4 - اسقط العربيه 10 سم لان انا معليها 10 وده هيفرق معايا تماما لانه هيخلى العربيه اثبت ولونها ثابه لغايه دلوقتى بس اللى متاكد منه ان مقاومه الهوا هتقل وبالتالى العربيه هتجيب سرعات اعلى
انشاء الله هصورلكوا العربيه لما اظبلط ده كلوا وهتبقى جايبه ال 200 كم \ س واعملها فيديو بس قبل ده كلوا احب اقولكوا ان انا عندى قرايه عداد غلط 10% بعنى لما ماشى على العداد 200 هبقى ماشى طبيعى 220 بسبب اللى انا عامله فى الجنط والكاوتشات وساعتها ابقى اشوف مين بقى معاه مكنه 1600 مش متربنه يعرف يعدينى
ادونى بس شهر للتابلو و شهر للتكيف و شهر للعفشه و شهر للجاكمان وشهر تفنيش وشوفوا العربيه يعنى 5 شهور وابقوا اتفرجوا وحاليا انا بسال على ازاى اعدل لتابلو 2000 تاتش

[J A G U A R]

لو الطريق كان فاضى كان ممكن نقول ماشى انما 160 و 180 فى زحمه لا مينفعش

[ENG.MaRk]

ربنا يسترها يا باشا وبعدين انا اتعودت على المخاطر

بالنسبة يا باشا موضوع اتعودت علي المخاطر ديه كلمة أنا مش فاهمها ...؟ متعود تموت و تصحي يعني و لا ايه ... العمر مش بعزأة

[bmya]

بالنسبة يا باشا موضوع اتعودت علي المخاطر ديه كلمة أنا مش فاهمها ...؟ متعود تموت و تصحي يعني و لا ايه ... العمر مش بعزأة

+11111111111111 ههههههههههههههههههههههههه تعليقك جااااااااااامد يباشا

[skayroad]

لاول مره اجيب ال 180 بالعربيه بس الطريق كان زحمه وكنت هعمل حادثه فالحمد الله رضيت انى اصور ال 160 يالا خيرها فى غيرها طبعا مش عارف اجيب اكتر علشان الشجمان 1300 وطبعا مسدود بسبب ان الموتور القديم كان مفوت ودى الصور

حضرتك مبصوت قوي من السرعه مستعجل يعني .. ربنا يسترها عليك