ارجو المساعدة :فتيس الابيزا 2000 فيه بوش كبير

[MOON5]

عندى عربيه ابيزا 2000 الصغيرة 1000سى سى فيها مشكلة فى عصاية الفتيس
بحس ان العصاية مش ثابتة (فيها بوش كبير) وكـأنها هاتتخلع من ايدى
مش عارف اعمل ايه وازاى اعالج الموضوع ده وياترى فيه خطر فى الوقت الحالى ولا ايه البظبط كمان لما اجى ارجع للخلف ممكن تتطلع للامام يعنى مش من اول مرة ولازم ادوس دبرياج لتحت خالص علشان اعرف ارجع للخلف
ارجو المساعدة من خبراء الابيزا مع الشكر

[dr_3eshoo]

دي حاجه من التنين
اولا يا اوسيه عصايه الفتيس عاوزة تتغير ب 65 جنيه
يا اما قواعد فتيس عاوزة تتغير برضه و دي 350 جنيه
و مش اكتر من كده
بس المهم مافيش صوت خشونه في المشي

[iBiZa]

روح لميكانيكى جولف و قولة يظبط تيش عصاية الفتيس و ممكن حاجة منهم تحتاج تتغير.

[mohamed ibiza]

ممكن يكون حشو و خلاص

[mohamed_fatouh]

انا عندى نفس المشكلة و سالت محمد سمير ميكانيكى جسر السويس و قال عصاية الفتيس البلاستيك و حلقة معدن من العصاية للفتيس للفتيس و العملية كلها فى 90 جنية المشكلة فى الابيزا 2000 انها لازم تفك الفيبر بتاع الشاسية من تحت و تحل الفتيس شغلانة جامدة علشان كدة انا كبرت دماغى و اهى ماشية زى الفل.

[MOON5]

كنت امبارح فى الحرفين بسأل على الموضوع بس ماحدش افدنى كويس
واحد قالى عصاية الفتيس عايزه تتغير وتعمل حوالى 800ج بس انا مش مصدقة
هو من ناحية انها ماشية فهى ماشية وبس انا خايف انه يكون لها تأثير على حاجه تانيه
وياريت الاستاذ محمد فتوح لو قدر يحل المشكله دى يقولى لانه يعتبر جنب الحرفين
ولمزيد من الايضاح
العصاية زى ماتكون معلقة على حاجه بسيطة وتحس كأنها هاتتخلع فى ايدك كمان لما بجيب مرشدير مابتظبطش معاى من اول مرة وممكن تخدعنى وتطلع ادام بدل ورا
حاجه غريبه

[mohamed ibiza]

الحوار كله يا اما حشو عصاية الفتيس يا اما زي ما محمد سمير قال كده و بصراحة انا شايف ان تنزيل الفتيس بالكامل عشان شوية بوش مش مستاهلة يعني ده كمان هياخد مصنعية اد تمن الحاجة و اكتر فك و تركي فتيس بقي بس لو مضايقاك اعملها

[mohamed_fatouh]

بالظبط زى ما قال محمد ابيزا و النصيحة الاخيرة روح لمحمد سمير و سيبك من اشتغالات الحرفيين

هوة اللى هيقولك اللى فيها

[mohamed_fatouh]

عرفت تحل موضوع عصاية الفتيس عندك لانى حليت هذة المشكلة بعون الله بنفسى من غير ميانيكية و لا غيرة لو لسة محتاج تعرف ازاى رد بس قولى و بالمناسبة كلفتى 1ج واحد جنيه مصرى دة لو المشكلة ان عصاية الفتيس سايبة داخل حلقة الفتيس الحديد بس؟

[msami2k]

ازاي؟


بجنيه؟؟؟؟؟

[mohamed_fatouh]

نعم و للامانة 2 جنيه 1 جنبه للكولية و 1جنيه للجوان
بص يا سي دى -انا لما لقيت العصاية فيها بوش عملت الحوار السابق و لكن يوم السبت اللى فات قلت ابص بنفسى على عصاية الفتيس لقيت ان العصاية بيكون حواليها دايرة حدبد و العصاية مبوشة داخل الدايرة دى و لكن لاحظت ان فية بقاية رنج او حلقة بلاستيك واقعة تحت عصاية الفتيس فطلعت قطع البلاستيك و كانت مفتته فقلت لنفسى ازاى اتفتت و جات منين لقيت ان عصاية الفتيس من داخل الحلقة الحيد فية مكان بيركب فية قطعة البلاستيك دى يعنى عصاية الفتيس فيها تجويف بيركب فية الرينج البلاستك علشان يسد البوش بين العصاية و الحلقة الحديد فقلت ازاى ادخل الرنج دة لو عملتة فى عصاية الفتيس فهدانى ربى انى :
لقيت ان عصاية الفتيس فوق الحلقة الحديد على طول فيها مسمار الان كى سداسى و لان انا عندى مفكات الان كى فكيت المسار دة خالص فلقيت ان الجزء اللى بيركب فية الرنج البلاستيك اصبح بيتحرك بسهوله يعنى بيتحرك لفوق وتحت و العصاية بداخلة يعنى اكتشفت ان القطعة اللى بيركب فيها الرنج منفصلة من العصاية اساسا و هية متثبتة بالمسمار السابق ذكرة ولقيت مشكلة تانية ازاى اطلع القطعة دى من راس عصاية الفتيس (مقبض الفتيس من فوق خالص) فلقيت برشامة نحاس فى اخر المقبض فشلتها من مكانها بمفك عادى فطلعت راس عصاية الفتيس من فوق و بعدين سحبت قطعة الفتيس اللى بيركب فيها الرنج و رحت لواحد بيعمل رنجات كاوتش و قلت له عاوز اعمل رنج او جوان يركب فى القطعة دى و يمون بارز لبرة 1 مم علشان يقل البوش مع الحلقة الحديد فعملها فعلا ب 1 جنيه فرحت مسقطها فى عصاية الفتيس و ربطت المسمار و ركبت راس العصاية و استعضت عن الحلقة النحاس ب افيز زى بتاع انبوبة الغاز و قفلت الحاجات دى و الحمد لله البوش اتمنع تماما من العصاية ب 2 جنيه بس.

[mohamed_fatouh]

و دى الصور:
دى صورة العصاية و هية مقفلة

و دى بعد رفع الكونسول بتاعها و واضح من فوق لتحت الكولية اللى ركبتة مكان لحقة احكام راس عصاية الفتي و بعدين المسمار الان كى و واضح بعدها الجوان الكاوتش بلونه الازرق








ارجو انى اكون افدتكم

[msami2k]

هوا انا مفهمتش قوي بس لو جربتها أطظن هتمشي
جزاكم الله خيرا