جبت بطارية ٧٠ امبير جافة هل فيها مشكلة ؟

[Ahmedhk]

العربية سيات قرطبة ١٩٩٤ ماتور ١٤٠٠ سي سي
السلام عليكم كان عندي قبل كده علطول كنت بجيب بطاريات سائلة ٥٥ أمبير
لكن عشان موصل امبليفير و سماعات و كده قلت اجيب ٧٠ امبير جافة لاني واجهت مشاكل كتير قبل كده هل عادي ولا فيها مشكلة الكهرباء تزيد او حاجة
لما جربت اقيسها بالجهاز البطارية و العربية مش دايرة كان المؤشر على (١٢.٣٥) و الرقم ده قبل ما تركب و هي لسة جديدة
و بعدين دورت الرقم بقى ١٣.٣٠ و يزيد شوية و يقل شوية في في حدود الل ١٣.٣ و ١٣.٦ و هكذا يقل و يزيد فهل كده مضبوط ؟؟؟ فعايز اعرف لو حد يعرف الارقام ده كده تمام و لو غلط الصح يكون ايه ؟

هل الل ٧٠ امبير عادي اركبها ؟ ولا غلط ؟
شكرا

[SYD]

اولا ألف مبروك البطارية

أحب أقولك ان اللي بيحدد هتجيب امبير كام عدة أشياء
رقم 1 الدينامو كام امبير - لازم الدينامو يكون امبيره اعلي من البطارية عشان يقدر يشحنها ويعوض الأستهلاك اللي حصلها
وبالتالي دينامو 70 امبير (دة الأستوك بتاع العربية) يبقي البطارية 55 هي الأنسب
لو هتعلي بأمبير البطارية بتغير دينامو عشان تحافظ عليها وتشتغل معاك بأعلي كفاءة وتقدر تشحن

رقم 2 - احب اقولك ان طول ما العربية دايرة فانت محمل علي الدينامو والبطارية مالهاش اي لازمة وبتفضل تشحن فقط لحد لما تملي والكتاوت بتاع الدينامو يفصل دايرة الشحن

رقم 3 البطارية كل شغلها تقويم المحرك - اول لما يدور - الدينامو يستلم منها الشغل والدينامو بيشغلك ويشحن البطارية في نفس الوقت
بيبقي في جهد بسيط اوي علي البطارية من الكونترولر لأنه بيشتغل علي البطارية مش الدينامو

وبالتالي اللي بيحدد البطارية كام امبير
1- الدينامو زي ما قولنا
2- سعة المحرك (كل ما كان المحرك كبير بيحتاج بطارية اكبر عشان تقدر تقومه)
3- بتشغل ايه وهي العربية مبطلة (كاسيت انوار زجاج سنتر الخ )
واحنا كدة كدة معظم الحاجات دي مش بنستخدمها وهي العربية مبطلة ولا انت بتحب تسمع كاسيت والعربية مبطلة ؟؟

لو عندك اي استفسارات تاني انا تحت امرك

تحياتي

[SYD]

بالنسبة لسؤالك عن ان المؤشر مش ثابت وانت بتقيس فدة طبعاً مش صح
المفروض المؤشر إلي حد ما بيبقي ثابت ولما بتزود احمال بيقل ولما بتدوس بنزين بيزيد وبيزيد طبعا لحد معين مش بيفضل يزيد علي طول

اكشف علي كتاوت الدينامو والسير وبلية الشداد

تحياتي

[mahmoud_ali]

اولا ألف مبروك البطارية

أحب أقولك ان اللي بيحدد هتجيب امبير كام عدة أشياء
رقم 1 الدينامو كام امبير - لازم الدينامو يكون امبيره اعلي من البطارية عشان يقدر يشحنها ويعوض الأستهلاك اللي حصلها
وبالتالي دينامو 70 امبير (دة الأستوك بتاع العربية) يبقي البطارية 55 هي الأنسب
لو هتعلي بأمبير البطارية بتغير دينامو عشان تحافظ عليها وتشتغل معاك بأعلي كفاءة وتقدر تشحن

رقم 2 - احب اقولك ان طول ما العربية دايرة فانت محمل علي الدينامو والبطارية مالهاش اي لازمة وبتفضل تشحن فقط لحد لما تملي والكتاوت بتاع الدينامو يفصل دايرة الشحن

رقم 3 البطارية كل شغلها تقويم المحرك - اول لما يدور - الدينامو يستلم منها الشغل والدينامو بيشغلك ويشحن البطارية في نفس الوقت
بيبقي في جهد بسيط اوي علي البطارية من الكونترولر لأنه بيشتغل علي البطارية مش الدينامو

وبالتالي اللي بيحدد البطارية كام امبير
1- الدينامو زي ما قولنا
2- سعة المحرك (كل ما كان المحرك كبير بيحتاج بطارية اكبر عشان تقدر تقومه)
3- بتشغل ايه وهي العربية مبطلة (كاسيت انوار زجاج سنتر الخ )
واحنا كدة كدة معظم الحاجات دي مش بنستخدمها وهي العربية مبطلة ولا انت بتحب تسمع كاسيت والعربية مبطلة ؟؟

لو عندك اي استفسارات تاني انا تحت امرك

تحياتي

تحليل هايل تسلم ايدك. انا معرفش الدينامو عندى كام بس هوا الاستوك بتاع العربيه وانا جايب بطاريه فارتا 70 امبير ده كده غلط؟

[Ahmedhk]

الف شكر على الرد
انا كان قصدي انو بيتحرك ما بين ١٣.٣ و ١٣.٦. لما كنت بشغل الكاسيت والانوار و اقفلهم كان بيزيد لما اشغل و يقل لما اقفلو مش قصدي و انا مبعملش حاجة
بس دلوقتي انا جبتها و ركبتها هل كده فيها مشكلة على الدينامو لأن لو فيها مشكلة اغيرها ..
وسؤال بس عشان انا لسة مش فاهمو هو ممكن الل ٧٠ امبير تطلع كمية طاقة اكبر فتاثر على اسلاك العربية ؟؟
و هل معنى كده لو الدينمو ٧٠ و البطارية ٧٠ يبقى كتاوت الدينمو مش هيفصل و بالتالي هيأثر على الدينمو ؟
شكرا.

[SYD]

تحليل هايل تسلم ايدك. انا معرفش الدينامو عندى كام بس هوا الاستوك بتاع العربيه وانا جايب بطاريه فارتا 70 امبير ده كده غلط؟

مش فكرة غلط
هو كل ماهو نالك مش هتشحن في الوقت والكم المطلوبين وبالتالي عمر اقصر من الطبيعي وفي المقابل اداء متميز جداً طول فترة شغلها

تحياتي

[SYD]

الف شكر على الرد
انا كان قصدي انو بيتحرك ما بين ١٣.٣ و ١٣.٦. لما كنت بشغل الكاسيت والانوار و اقفلهم كان بيزيد لما اشغل و يقل لما اقفلو مش قصدي و انا مبعملش حاجة
بس دلوقتي انا جبتها و ركبتها هل كده فيها مشكلة على الدينامو لأن لو فيها مشكلة اغيرها ..
وسؤال بس عشان انا لسة مش فاهمو هو ممكن الل ٧٠ امبير تطلع كمية طاقة اكبر فتاثر على اسلاك العربية ؟؟
شكرا.

لا ان شاء الله مفيش مشاكل لأن الفرق بين 70 و 55 مش كبير جداً
زي ما رديت في الرد السابق
اداء متميز وعمر اقصر
لكن خرج البطاريات كلهم واحد
لأن فرق الجهد (الفولت) كله ثابت في بطاريات السيارات الملاكي (12 فولت) ودة يعتبر فرق الجهد بين القطبين
اما الأمبير فهو وحدة قياس شدة التيار ولو زاد اوي ممكن فعلا يحرق السلك
والعلاقة بين الأمبير والفولت هي الواط او القدرة الكهربية زي مثلا اللمبات وما شابه
اللمبة بتحتاج قد ايه كهربا عشان تشتغل ودة بنعبر عنه بالواط اللي هو (الفولت × الأمبير) وكدة كدة الحاجات دي كلها بتشتغل علي كتاوت وفيوزات لحمايتها من شدة التيار (الأمبير العالي)

فهمت حضرتك قصدي ؟
اتمني يكون الشرح مبسط

تحياتي

[SYD]

ثم ان كدة كدة احنا متفقين انك شغال علي الدينمو وليس البطارية
وكمان بيبقي في حاجة اسمها ريجلاتور بينظم الكهرباء والكلام دة كله

[SYD]

أستاذ Ahmedhk
ماتشغلش بالك خلاص
الف مبروك البطارية وربنا يباركلك فيها
احنا طول عمرنا كنا ماشيين بالبركة وبنركب اي حاجة فأي حتة واهي ماشية ببركة ربنا
حضرتك لسه جديد معانا في القسم والمنتدي
اعتبرنا هنا كلنا اخواتك وقبل ما تفكر حتي تلمع العربية لا مانع من استشارتنا وأخذ الرأي
احنا هنا اتعودنا علي كدة
قبل وبعد اي صيانة لازم نستشير بعض
قبل بنسأل وبعد بنعمل تقرير
علشان كلنا نستفاد

دي نصيحة ليس اكثر واتمني حضرتك تتقبل مروري بسعة صدر

تحياتي

[Ahmedhk]

الف شكر لردك
هو لو على عمرها هيقل مش مشكلة اهم حاجة متأثرش على حاجة تانية .
أنا بالفعل من ساعة ما سالت على طقم الدبرياج هنا و انا بقيت كل حاجة جديا قبل ما اعملها بعمل كده و كل شوية ادخل اشوف حد رد ولا لأ

[SYD]

الف شكر لردك
هو لو على عمرها هيقل مش مشكلة اهم حاجة متأثرش على حاجة تانية .
أنا بالفعل من ساعة ما سالت على طقم الدبرياج هنا و انا بقيت كل حاجة جديا قبل ما اعملها بعمل كده و كل شوية ادخل اشوف حد رد ولا لأ

ربنا يباركلك فيها
واحنا كلنا هنا عشان نفيد بعض
لا تتردد في السؤال

تحياتي

[ehab_mansour]

مافيش مشكله خالص لأن البطارية اساسا مش بتتشحن بقيمة امبيرها اللي بتخرجه او المخزن بداخلها

البطارية ال70 امبير بتسحب تيار شحن من الدينامو يعادل 12 الي 15 % من قيمة امبيرها و النسبة دي ثابته لكل انواع البطاريات
بمعني ان البطارية ال 70 امبير كبيرها تسحب 10 امبير للشحن من الدينامو لذلك .... مافيش اي مشكلة خالص ولا هتسيح حاجه ولا هتأثر علي حاجه فقط هتديك قدرة اكبر للتشغيل يعني مثلا لو عندك مشكلة في العربية و جربت تدور 10 مرات و بعدين البطارية ال 55 امبير نامت ده مش هيحصل دلوقتي إلا بعد 15 مرة مثلا

اما موضوع نزول الجهد معاك قليلا مع التحميل فده طبيعي جدا ولا يعبر عن مشكلة اساسا و عندي و عند كل الناس نفس القصة

و كذلك لو واقف منتظر مثلا و شغلت الكاسيت او الانوار الخافته او الانتظار و انت مبطل كل ده لن يؤثر علي اداء البطارية لأن سعتها التخزينية كبيرة بزياده

و بالتوفيق للجميع

[Ahmedhk]

مافيش مشكله خالص لأن البطارية اساسا مش بتتشحن بقيمة امبيرها اللي بتخرجه او المخزن بداخلها

البطارية ال70 امبير بتسحب تيار شحن من الدينامو يعادل 12 الي 15 % من قيمة امبيرها و النسبة دي ثابته لكل انواع البطاريات
بمعني ان البطارية ال 70 امبير كبيرها تسحب 10 امبير للشحن من الدينامو لذلك .... مافيش اي مشكلة خالص ولا هتسيح حاجه ولا هتأثر علي حاجه فقط هتديك قدرة اكبر للتشغيل يعني مثلا لو عندك مشكلة في العربية و جربت تدور 10 مرات و بعدين البطارية ال 55 امبير نامت ده مش هيحصل دلوقتي إلا بعد 15 مرة مثلا

اما موضوع نزول الجهد معاك قليلا مع التحميل فده طبيعي جدا ولا يعبر عن مشكلة اساسا و عندي و عند كل الناس نفس القصة

و كذلك لو واقف منتظر مثلا و شغلت الكاسيت او الانوار الخافته او الانتظار و انت مبطل كل ده لن يؤثر علي اداء البطارية لأن سعتها التخزينية كبيرة بزياده

و بالتوفيق للجميع

شكرا للرد المتقن و الشرح المبسط.

[hossamalsadik]

قراءت كثيرا موضوعات متخصصه متعلقة بنفس الموضوع محل المناقشه وانتهيت بنفس النتيجه الى قلها م إيهاب بك
فلا تقلق البطاريه ال 70 امبير هتديك افضل اداء او بمعنى ادق فتره اطول لتشغيل كافة الكماليات ونتا مبطل العربيه
ولا تاثر على اى شيىء بالعربيه
أما لو كانت مش من الناس الى بتشغل كاسيت مثلا ومعاه أى كمالية أو أنوار لفتره طويله يبقى هتكون ال 55 أمبير مناسبه جدا وطبعا وفر فى فرق السعر

[Ahmedhk]

شكرا لردك استاذ حسام
انا بالفعل عشان موصل سماعات و امبليفير فرشحت الل ٧٠ شكرا لردودكم .