عطل التبطيل المفاجئ و حكايتي معاه مستمرة

[Ahmedhk]

السلام عليكم
العربية سيات كوردوبا ١٩٩٤ ماتور ١٤٠٠
أنا من شهر كنت كتبت موضوع التبطيل و مكنتش عارف مشاكله و البعض قالي ممكن طرمبة بنزين و اكشف على اسلام الكهرباء.
أنا كنت من فترة غيرت طقم الدبرياج
و غيرت القعدة اللي تحت الكربيراتير عشان الميكانيكي قالت لازم تتغير و كانت بتسرب هواء للماتور و ده اللي بتخليها تبطل و غيرتها بواحدة جديدة و بالفعل الماتو بقى ثابت بس المشكلة متحلتش
و غيرت بردو طرمبة بنزين و نظفت سلك الموبينة اللي بيوصل كهرباء و بصيت على اسلاك البوجيهات
و اسة امبارح جايب بطارية ٧٠ امبير جافة
و انهردة لسة بسم الله بتحرك بيها وطالع من الجراج و بعد ٢٠٠ متر كنت على التاني و سرعة ٢٠ او ٢٥ مثلا و لقيت فجأة الل rpm مات و نفس اللي كان بيحصل قبل كده و بعديها علامة البطارية نورت واستغليت السرعة اللي كنت عليها اني اقف على جنب و بعديها احاول ادور نفس المشكلة بتاعة زمان افضل اسمع صوت المارش و مش راضية تدور و بفضل اسمع صوته عالي و اكيد مش عيب بطارية ولا طرمبة لاني مغيرها و بعديها ب ٥ دقائق دارت عادي جدا و رجعت ركنتها و بطلت
مكنش ناقص غير ان و انا بركن كان فيه لمبة تحت العربية دست عليها فرقعت و انا اترعبت بطلت علطول و افتكرت حاجة و و لقيتها اللمبة

بجد انا نفسي اعرف فين المشكلة انا قربت اغير كل حاجة في العربية
و افوق من كابوس التبطيل المفاجئ ده .

[eng.salama93]

شوف الأرضي بتاع الموتور مربوط كويس ولا لأ .. انا كان عندي نفس المشكلة دي و كانت العربية بتبطل علي سرعة 160
و كنت بنزل اقرط ع الأرضي و امشي

[gadoo30]

حصلت معايا المشكلة دى 3 مرات في الدوجان
مرة كان المشط الاليكترونى بيعلق وغيرتة
والمرة التانية طلعت فيش علبة الفيوزات مهزوزة
ومرة كان عيب بنزين بعد ما لفيت حولين نفسى

[Ahmedhk]

اللي انا شاكك غيه بعد استبعاد اللي عملتهم
انا كمان كنت لسة مغير بوجيهات من اسبوعين

اللي شاكك فيه يا اسلاك البوجيهات يا فلتر بنزين دول اللي متغيروش .
يا رب سهل .

[soledad]

حصلت معايا كذا مره وكنت اسيب العربيه للصبح القيها دارت عادى لحد ما لاحظت انها بتحصل مع غسيل العربيه واكتشفت انو الكنترول كان بيدخله ميه بسيطه

[mo7a_mo7a]

حضرتك انصحك باضافة منظف دورة الوقود
حاجة زي دي ومش شرط نفس الشركة حتلاقيه في اي بنزينة كبيرة



بيتحط مع التفويلة وتطلع بيه مشوار طوالي ولو 30 دقيقة وتخلص تنك البنزين كله بعد كده براحتك وبعديها تغير فلتر بنزين وتفول
ان شاء الله حتتحل المشكلة وحتدعيلي عن تجربة

ولو ملقتش المنظف بتاع دورة البنزين كربراتير حط بتاع الانجكشن متقلقش حيؤدي نفس الدور


تحياتي

[Ahmedhk]

انا بالفعل حطيت منظف دورة البنزين ده من شهر تقريبا بس التنك لسة مخلصش لان العربية متحركتش في خلال الشهر ده غير و انا رايح اركب طقم الدبرياج و الطرمبة لفيت بيها ساعتين كده و ركنتها عشان امتحاناتي في القاهرة و لسة جي انهردة بجربها و حصل الموقف ده هو مشممكت يكون عيب بنزين زي ما احد الاعضاء أشار لان بالفعل محطتش منذ اكثر من شهر و نص ؟

احاول افضيها خالص و اخلصًو و بعديها افول ؟؟
كنت حاطط منظف دورة البنزين نوعه bizol الماني والبنزين اللي فيه منظف الدورة لسة فيها .

و ممكن لو حد يقولنا ايه اعراض لو البنزين مش نظيف او مخلوط به أي شيء
مع العلم انا علطول بحط بنزين ٩٢ و علطول من موبيل .
يا مسهل ??????

[ehab_mansour]

ده ردي عليك سابقا

كده الكلام بيقول ان فيه عندك مشكلة مش بتظهر غير مع السخونية .. يعني اعتقد ان و هي بارده مافيش مشكلة

اولا المارش خارج الحسابات تماما لأنه بيلف و انت سامع صوته فملهوش علاقة
ثانيا طرمبة البنزين ممكن تختبرها وقت المشكلة يعني لما مترضاش تدور انزل اكشف الكبوت و فك خرطوم راجع البنزين من مسطرة الرشاشات و افتح كونتاك بس لو نزل بنزين بضغط كويس يبقي مافيش مشكلة من الطلمبة اساسا لو منزلش يبقي طلمبة

و للعلم مقياس كفاءة الطلمبة بيكون بضغطها قوي ولا ضعيف و ده المفروض بيتقاس بعداد بيركب علي الدورة و لكن محدش بيعمل كده اساسا و بيقابله انه لازم ترجع بنزين و ده مقياس من اعتقادي انا و شرحت اسبابه قبل كده

ثالثا اكشف كمبيوتر و شوف هل فيه ايرور لحساس معين ولا كله تمام ؟؟؟

رابعا راجع علي كل وصلات الفاكيوم اللي خارجه من المانيفول تحت البوابة و اتأكد انها سليمة و افحصها و تاكد انها محكمه

خامسا راجع علي الاسبراتير و ضبطه و حالة الوش و الشاكوش و سلوك البوجيهات

سابعا ارجع علي تقسيمه سير الكاتينة

ثامنا راجع علي كل الفيش و الفيوزات و اتاكد انها متثبته كويس و كلبساتها مش مكسورة

معلش انا عددت لك المراجعات فوق و لكن اي حاجه من دول هي سبب مباشر لبرجلة العربية و عدم دوارتها و انا مريت بحالات مشابهه و كان حلولها كما ذكرت فوق

اخر مشكلة مشابهه كان حلها في احدي خراطيم الفاكيوم + تغيير وش و شاكوش الاسبراتير
و الله المستعان

يا تري عملت منه ايه و لو تفتكر وقتها قلتلك متغيرش الطلمبة غير لما تراجع عليها كما ذكرت لك هناك
عند النقط في ردي السابق قلي عملت ايه منهم و لسه ايه ... منتظر ردك لمساعدتك و استكمال الحل

[ehab_mansour]

انا بالفعل حطيت منظف دورة البنزين ده من شهر تقريبا بس التنك لسة مخلصش لان العربية متحركتش في خلال الشهر ده غير و انا رايح اركب طقم الدبرياج و الطرمبة لفيت بيها ساعتين كده و ركنتها عشان امتحاناتي في القاهرة و لسة جي انهردة بجربها و حصل الموقف ده هو مشممكت يكون عيب بنزين زي ما احد الاعضاء أشار لان بالفعل محطتش منذ اكثر من شهر و نص ؟

احاول افضيها خالص و اخلصًو و بعديها افول ؟؟
كنت حاطط منظف دورة البنزين نوعه bizol الماني والبنزين اللي فيه منظف الدورة لسة فيها .

و ممكن لو حد يقولنا ايه اعراض لو البنزين مش نظيف او مخلوط به أي شيء
مع العلم انا علطول بحط بنزين ٩٢ و علطول من موبيل .
يا مسهل ������

للعلم موضوع البنزين و اختلاطه بمياه او شوائب له عامل كبير في الموضوع ده و لكن ده محتاج منك استعمال للعربية عشان علي الاقل تخلص اللي فيها و تحط غيره عشان تحاول تستبعد انه من البنزين

للعلم انا الاسبوع اللي قبل الماضي راجع من الشغل و بفضل الله عربيتي مافيهاش اي مشكلة نهائي و انا متأكد و فجأة وسط شوية زحمة الار بي ام نزل و لا تستجيب و بطلت ادور ما ادور مش بتدور ... بعدها بدقيقتين دارت لوحدها مشيت 50 متر و بطلت تاني ادور ما ادور مافيش قلت يمكن خلصت بنزين لأني كنت قربت من نهاية التانك و قلت يمكن المؤشر مش مضبوط استنيت حد يجيبلي بنزين و قعدت حوالي ثلث ساعه قلت لما احاول ادور ..........
و هنا المفاجأة دارت و مشيت عادي جدا 140 - 150 مافيش مشكلة خالص بقيت مستغرب رحت فولت اكتشفت انها مكنتش خلصت بنزين

و من يوميها يوميا اقل حاجه 90 كيلومتر بمشيهم بالعربية و مافيش مشكلة

تعرف اكتشفت ان المشكلة منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اني التفويلة دي الوحيده كنت فولتها من بنزينة في المنصورة عند كوبري اجا و اعتقد ان البنزين فيه مشكلة او مخلوط او عليه مياه لأني بفول دائما من بنزينات معينة مضمونه بالقاهرة منذ ان اشتريت سيارات شخصية بقالي 6 سنوات او يزيد

[Ahmedhk]

الحقيقة أنا مكشفتش على معظم الحاجات ده لأني معرفهاش مين ممكن اروحلو ويكشفلي على الحاجات ده
و هل ممكن تكون مشكلة بنزين ؟ زي ما طاكرت قبل حضرتك لان البنزين اللي فيها من شهرين تقريبا
و كانت جت حاجة في بالي ان انا علطول بفول لما يوصل للنص او تحتيه شوية فممكن لو كنت حطيت بنزين فيه مشكلة فهو لسة فيها فاهمني حضرتك ان هو مخلصش يعني و حطيت مكانه .

هل فيه مركز معين او حد كويس في الاسكندرية يقوم بالكشف على ما تم ذكره ؟
سيات كوردوبا ١٩٩٤ ١٤٠٠ سي سي.

[Ahmedhk]

للعلم موضوع البنزين و اختلاطه بمياه او شوائب له عامل كبير في الموضوع ده و لكن ده محتاج منك استعمال للعربية عشان علي الاقل تخلص اللي فيها و تحط غيره عشان تحاول تستبعد انه من البنزين

للعلم انا الاسبوع اللي قبل الماضي راجع من الشغل و بفضل الله عربيتي مافيهاش اي مشكلة نهائي و انا متأكد و فجأة وسط شوية زحمة الار بي ام نزل و لا تستجيب و بطلت ادور ما ادور مش بتدور ... بعدها بدقيقتين دارت لوحدها مشيت 50 متر و بطلت تاني ادور ما ادور مافيش قلت يمكن خلصت بنزين لأني كنت قربت من نهاية التانك و قلت يمكن المؤشر مش مضبوط استنيت حد يجيبلي بنزين و قعدت حوالي ثلث ساعه قلت لما احاول ادور ..........
و هنا المفاجأة دارت و مشيت عادي جدا 140 - 150 مافيش مشكلة خالص بقيت مستغرب رحت فولت اكتشفت انها مكنتش خلصت بنزين

و من يوميها يوميا اقل حاجه 90 كيلومتر بمشيهم بالعربية و مافيش مشكلة

تعرف اكتشفت ان المشكلة منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اني التفويلة دي الوحيده كنت فولتها من بنزينة في المنصورة عند كوبري اجا و اعتقد ان البنزين فيه مشكلة او مخلوط او عليه مياه لأني بفول دائما من بنزينات معينة مضمونه بالقاهرة منذ ان اشتريت سيارات شخصية بقالي 6 سنوات او يزيد

اللي حضرتك بتقولو هنا ده هو اللي بيحصل معايا بالملي بنفس التفاصيل بالضبط تبطل و الار بي ام ينزل و احاول ادور متدورش و بعديها بدقائق تشتغل و لا اكن فيه حاجة امشي شوية تبطل .بالفعل البنزين اللي فيها بقالو اكثر من شهرين + ان لما فولت من شهرين تقريبا مكنتش فاضية كان نص التنك مليان فيمكن زودت على بنزين مش كويس

إِنْ شَاءَ الله انهردة هخلص اللي فيها و احط من موبيل عشان استبعد موضوع البنزين ده من الحسابات .

[Ahmedhk]

حصلت معايا كذا مره وكنت اسيب العربيه للصبح القيها دارت عادى لحد ما لاحظت انها بتحصل مع غسيل العربيه واكتشفت انو الكنترول كان بيدخله ميه بسيطه

هو فين مكان الكونترول ده لو سمحت ؟؟؟

[windofchange]

هو فين مكان الكونترول ده لو سمحت ؟؟؟

تحت فبر(الطوربيدو) مساحة زجاج السائق

[soledad]

للعلم موضوع البنزين و اختلاطه بمياه او شوائب له عامل كبير في الموضوع ده و لكن ده محتاج منك استعمال للعربية عشان علي الاقل تخلص اللي فيها و تحط غيره عشان تحاول تستبعد انه من البنزين

للعلم انا الاسبوع اللي قبل الماضي راجع من الشغل و بفضل الله عربيتي مافيهاش اي مشكلة نهائي و انا متأكد و فجأة وسط شوية زحمة الار بي ام نزل و لا تستجيب و بطلت ادور ما ادور مش بتدور ... بعدها بدقيقتين دارت لوحدها مشيت 50 متر و بطلت تاني ادور ما ادور مافيش قلت يمكن خلصت بنزين لأني كنت قربت من نهاية التانك و قلت يمكن المؤشر مش مضبوط استنيت حد يجيبلي بنزين و قعدت حوالي ثلث ساعه قلت لما احاول ادور ..........
و هنا المفاجأة دارت و مشيت عادي جدا 140 - 150 مافيش مشكلة خالص بقيت مستغرب رحت فولت اكتشفت انها مكنتش خلصت بنزين

و من يوميها يوميا اقل حاجه 90 كيلومتر بمشيهم بالعربية و مافيش مشكلة

تعرف اكتشفت ان المشكلة منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اني التفويلة دي الوحيده كنت فولتها من بنزينة في المنصورة عند كوبري اجا و اعتقد ان البنزين فيه مشكلة او مخلوط او عليه مياه لأني بفول دائما من بنزينات معينة مضمونه بالقاهرة منذ ان اشتريت سيارات شخصية بقالي 6 سنوات او يزيد

انا كنت عملت موضوع بان مافيش استجابه من دواسه البنزين ولا حظت انو الموضع بيحصل لما التنك بيبقى الثلث الاخير ولما بفول بتنتهى المشكله تمام بعدها قررت افول لما التنك يبقى فى النص والمشكله مارجعتيش تانى

[Ahmedhk]

شكرا للرد
انا إِنْ شَاءَ الله هحاول اخلص اللي فيها لاقطع الشك في موضوع تلبنزين و هفول و هجرب بس المشكلة اني مش هقدر اجربها يوميا عشان الكلية في القاهرة