مشكلة في الباور

[mohamedmortady]

عندى الباور بتاع الدركسيون تقل والطلمبة مش بتقلب روحت لمكانيكى وقالي عيب طلمبة قولتله ماشي وجبت اكتر من 5 طلمبات وغيرتهم والعيب زي ما هو وفي الاخر رجعت لطلمبتى القديمة والمشكل زي ما هي

[SYD]

اكشف علي الاسكترا وخراطيمها وصمامات الزيت فيها (لواكير جمع ﻻكور)

[ehab_mansour]

اكشف علي الاسكترا وخراطيمها وصمامات الزيت فيها (لواكير جمع ﻻكور)

رد مختصر و مفيد و شامل ... جميل

حضرتك كما قيل تخلي ميكانيكي بيفهم يراجع علي الدورة كلها تكون سالكه و سليمة و الاسكترا سليمه بدون تسريب او تفويت

و ياريت لو تغير الميكانيكي ده لأن ابسط قواعد الصيانه بتقول ان اي دورة ضغط و حركة هيدروليكية مغلقة حصل فيها ضعف في الحركة و غيرت الطلمبة و متحلتش مشكلتها يبقي يا فيها سدد في احد الاماكن عامل ضعف لضغط الطلمبة و مخلية مش واصل كويس او الجزء المقابل لتنفيذ مؤثر الضغط ده (الاسكترا ) فيها مشكلة و مفوته و عايزه تتغير

و بالتوفيق للجميع

[hossamalsadik]

كما سبق من الاصدقاء وذكرو
خلي ميكانيكى بيفهم يراجع على دورة الباور بالكامل من اسكترا لخراطيم
لان طلما غيرت الطرمبه كذا مره والمشكله ماتحلتش يبقى العيب اما فى الاسكترا أو أحد الوصلات معصوره او مسدوده أو منفثه للضغط

[Hazem_Ahmed]

فعلا زى ما الشباب قالتلك يا اما وصلات يا اما اسكاترا طالما انك غيرت طلمبه الباور والمشكله قائمه

وقبل ما تروح للميكانيكى حاول تبص انت ع الوصلات ممكن يكون فيها حاجه وراقب منسوب الزيت وحرك الديكسيون اقصى الشمال واليمين كذا مره والعربيه مبطله لعل وعسى ممكن توصل لحاجه ويكون حلها بسيط

وربنا معاك

[Hazem_Ahmed]

فعلا زى ما الشباب قالتلك يا اما وصلات يا اما اسكاترا طالما انك غيرت طلمبه الباور والمشكله قائمه

وقبل ما تروح للميكانيكى حاول تبص انت ع الوصلات والسير ممكن يكون فيها حاجه وراقب منسوب الزيت وحرك الديكسيون اقصى الشمال واليمين كذا مره والعربيه مبطله لعل وعسى ممكن توصل لحاجه ويكون حلها بسيط

وربنا معاك

[mohamedmortady]

شكرا لكل الافادات وانشاء الله هجرب واقول وصلت لايه