شراء تابلوة استيراد

[mohamedhassan]

امبارح روحت الحرفيين علشان اشوف حل للفريم المشروخ فى عربيتى لقيت تابلوة الفريم بتاعة نضيف جدا وهوايات التكييف بردة سليمة جدا سئلت على ثمنة قالى 800 جنية وبعد فصال اخدتة على 700 جنية بس التابلوة دة فيبر التابلوة بتاعى مكسى جلد وشكلة زيرو بس اللى كان مدايقنى منة الفريم اللى فى النص وهوايات التكييف مكسرة المهم جبت كمان تارة جميلة جدا 200 جنية تقريبا بتاعة 2001 او 2002 المهم التابلوة كان ناقص الجزء بتاع بكر التكييف ودرج الفيوزات
روحت للكهربائى قالى التابلوة بتاع العربية اشيك من اللى انتى جيبة فحنا هنفك منة الحاجات اللى احنا عاوزينها وفعلا فك الفريم وهوايات التكييف 2 زرار ازاز انا هركبهم عندى بالاضافة للزرارين اللى عندى منظر وخلاص بالنسبة بقى للعدادات مركبوش علشان الفيشة مختلفة هروح النهاردة ان شاء اللة ارجعة العدادات وجيب حاجة تنفع عندى تركب على الفيشة المهم عاوز نصيحتكم ورايكم الاسعار كدة كويسة ولا مبالغ فيها؟وكمان لما اروح النهاردة اجيب انهى عداد بس يكون شكلة احسن من اللى عندى وفى نفس الوقت يركب على الفيشة بدون لعب فيها
وكمان انا سئلت على الشورت بلوك 1400 بالفتيس قالى ليك اتى 2000 جنية ممكن تصل الى 1800 اية رايكم بردة فى السعر دة اسف على الاطالة

[hossamalsadik]

أنتا قديم ومتابع الاسعار كويسه

[nesr6060]

الاسعار روعه بس حاول تاخد الشوت بلوك ب 1500 حلو

[SYD]

الأسعار كويسة اوي
التابلوه فعلا رفع في الفترة الأخيرة
ياريت تقولنا جبته من عند مين
ولو أمكن تشارك في الموضوعين دوول
تجارب الأعضاء مع قطع الغيار
دليل محلات قطع غيار السيارات وورش الصيانة -سـيات

أما عن الفيشة والعدادات فياريت تقولنا عربيتك موديل كام وايه هي العدادات اللي عندك؟؟
يعني لو انت 94 هل عندك الساعة ديجيتال ولا عندك ار بي ام ولا ايه بالظبط اللي عندك

تحياتي

[Karim Ibiza]

1000 مبروك على شراء الطابلوه والطارة
من الواضح ان عربيتك 98 او 99 لأن هى دى اللى الطابلوه بتاعها جلد
والطابلوه اللى انت اشتريته بتاع 94 وعشان كده العدادات مركبتش
عموما عدادات الـ 98 كلها ديجيتال ولون الاضائة برتقالى وعدادات الـ 94 فيه منها انالوج وفيه منها ديجيتال لكن الاضائة بتاعتها أخضر
انا وجهة نظرى ان اللى كهربائى عمله هو عين العقل لأن فعلا طابلوه الـ 98 أفخم من الـ 94

الشورت بلوك سعره كويس بس ياريت تقولنا على مواصفات عربيتك عشان نقدر نقولك هتحتاك ايه كمان معاها يتغير

[mohamedhassan]

اولا شكرا ليكم كلكم على الاهنمام بالرد انا امبارح روحت غيرت العداد وجبت عداد شبة اللى عندى بس الخلفية بيضاء ونور الساعة الديجيتال والكيلومتر الديجيتال اخضر صافى اوى هو عجبنى اوى وركب كويس جدا دون ادنى مشكلة وانا جبت الحاجات دية من عند واحد اسمة بسام تقريبا اسم المحل الراعى مش متذكر اوى بس هو راجل محترم جدا وعايز اقول ان انا كنت هاخد من عندة تابلوة ابيزا 2001 كامل بالضفيرة ب 1000 جنية بس لما سئلت كهربائى على تركيبة قالى هيركب عادى بالنسبة للابعاد اما الكهرباء هيبقى فيها تعديلات كتيرة جدا وهتاخد يوميين والمصنعية 1200 جنية حسبتها لقيت كدو التابلوة هينكلف 2200 جنية وكمان هيبقى فية لعب فى الضفيرة ومحدش عارف هل التعديل دة هياثر على حاجة ولا لا انا هحاول اصور التابلوة الجديد وارفعة ليكم
بالنسبة لعربيتى انا عربيتى ابيزا 98 ماتور 1000 سى سى فلو هجيب شورت بلوك 1400 هيبقى الكود بتاعها اية وكمان الفتيس وهل اغير الكنترول والضفيرة ولا مش لازم الضفيرة اللى عندى انا شايف انها كويسة جدا وكمان هل تنصحونى انى اغير الريدياتير بالكبير ابو مروحتين ولا مش لازم
وشكرا لكل العضاء فى المنتدى

[Karim Ibiza]

اولا شكرا ليكم كلكم على الاهنمام بالرد انا امبارح روحت غيرت العداد وجبت عداد شبة اللى عندى بس الخلفية بيضاء ونور الساعة الديجيتال والكيلومتر الديجيتال اخضر صافى اوى هو عجبنى اوى وركب كويس جدا دون ادنى مشكلة وانا جبت الحاجات دية من عند واحد اسمة بسام تقريبا اسم المحل الراعى مش متذكر اوى بس هو راجل محترم جدا وعايز اقول ان انا كنت هاخد من عندة تابلوة ابيزا 2001 كامل بالضفيرة ب 1000 جنية بس لما سئلت كهربائى على تركيبة قالى هيركب عادى بالنسبة للابعاد اما الكهرباء هيبقى فيها تعديلات كتيرة جدا وهتاخد يوميين والمصنعية 1200 جنية حسبتها لقيت كدو التابلوة هينكلف 2200 جنية وكمان هيبقى فية لعب فى الضفيرة ومحدش عارف هل التعديل دة هياثر على حاجة ولا لا انا هحاول اصور التابلوة الجديد وارفعة ليكم
بالنسبة لعربيتى انا عربيتى ابيزا 98 ماتور 1000 سى سى فلو هجيب شورت بلوك 1400 هيبقى الكود بتاعها اية وكمان الفتيس وهل اغير الكنترول والضفيرة ولا مش لازم الضفيرة اللى عندى انا شايف انها كويسة جدا وكمان هل تنصحونى انى اغير الريدياتير بالكبير ابو مروحتين ولا مش لازم
وشكرا لكل العضاء فى المنتدى

العدادات اللى انت جبتها حاجة من الأتنين:
1- عدادات الخلفية بتاعتها متعدلة وتكون بتاعت بولو
2- او انها تكون بتاعت الـ GTI وفى الغالب هيكون العداد 240 بدل 220 والريد زون فى الـ RPM على 7500 بدل 6500

فى الحالتين دى حاجة كويسة ومبروك عليك

بالنسبة لكود الشورت بلوك هيكون حاجة من الأتنين: AEX او APQ
هتلاقى الكود محفور اعلى جنب البلوكة اليمين وانت واقف قدام العربية تحت وش السلندر مباشرة
الصح انك تجيب الشورت بلوك بالفتيس بالكونترول

لو جيبت الشورت بلوك لوحده هيشتغل لكن مش هيديك الاداء الفعلى

ضفيرة الـ 1.4 هى نفس ضفيرة الـ 1.0 وفى كل الاحوال هى مش غالية تقريبا من 100 - 200 جنيه

لو انت عندك تكييف يبقى الافضل انك تجيب الردياتير الكبير ولو معندكش تكييف يبقى مش لازم لأن خلى بالك هتحتاج تغير معاه صدر العربية اللى فيها قواعد الردياتير لأنها مختلفة

وتحت أمرك فى اى استفسار

[mohamedhassan]

الف شكرا لزوق حضرتك انا عندى استفسار انا معنديش تكييف وبفكر اركب بس بعد مظبط الشورت بلوك دلوقتى انا محتاج اية للتكييف بالضبط وتكاليف كل حاجة على حدة وياترى الردياتير الكبير سعرة كام بالمراوح بتعتة وهغير صدر العربية كلة ولا القواعد بس بتاعة الرادياتير والتكلفة واخر حاجة لازم اجيب ضفيرة علشان الاضافات السابقة(التكييف والرادياتير ابو مروحتين) لانة مش معمول حسابها فى الضفيرة الحالية

[Hazem_Ahmed]

متابع

[mohamedhassan]

متابع بشدة

[mohamedhassan]

متابع

[Karim Ibiza]

شوف كده الموضيع دى ولو فيه حاجة مش واضحة اسأل تانى

http://www.nilemotors.net/Nile/375848-a.html

http://www.nilemotors.net/Nile/93936-a.html

http://www.nilemotors.net/Nile/345790-98.html

بالنسبة للأسعار حاليا مش هقدر افيدك فيها لأنى برة مصر ومش عارف الاسعار وصلت لغاية فين بس الاكيد انها غليت