عايز زيت 15w 40 كويس

[ابن الحتة]

السلام عليكم
اخوانتى بعد مازهقت من شل الاصفر
عايز اغير لزيت يكون كويس ومستورد ويكون نفس اللزوجة15w 40
ياريت ترشحولى زيت يكون كويس ومستورد

[mohammad isdf]

وولفر 15/40 ألمانى وكويس

[ابن الحتة]

وولفر 15/40 ألمانى وكويس

شِكرا لك بس اللى اعرفة انهم منزلين التخليقى والنصف تخليقى فقط

[mohammad isdf]

ده بردوا نص تخليقى ولسه على وصول من المينا، انا جبت النص تخليقى ولسه شغال فى أول الف، الحقيقة حتى الآن الزيت كويس وناعم جدا

جرب النص تخليقى لو عربيتك مش بتاكل زيت

[Karim_Monir]

هو فعلا الشحنة في المينا مستنية اجارائات التخليص ومعاها كمان 5/30
لو عربيتك فعلا مش بتاكل زيت بمستوي عالي
يعني لغاية نص كيلو كل 6 الاف كم ده معدل عادي تقدر تحط 10/40تجربة هايفرق معاك قوي عن الشيل
وتمنه كمان منافس جدا عندنا 175 جنيه فقط

[medo11_1]

طب لو العربية فيها كاوتش صبابات بايظ بس مش بتاكل زيت كتير ايه احسن زيت ليها؟

[mohammad isdf]

طب لو العربية فيها كاوتش صبابات بايظ بس مش بتاكل زيت كتير ايه احسن زيت ليها؟

ليها معايير كتير

عمر العربية - عدد الكيلوات المقطوعة - انت معود العربية على زيت ايه ؟ - الموتور خفيف ولا لاء

لو مبتاكلش زيت يبقى الأفضل طبعا تجيب مبدئيا نص تخليقى، وتشوف هيتاكل ولا لاء وده هيبقى اوفرلك واحسن فى اداء العربية زى تحسن سحبها طبعاً,

[Karim_Monir]

بالظبط لازم تقول ماشية قد ايه وبتحط زيت ايه بقالك اد ايه عشان نعرف نساعدك

[SYD]

أنا حاليا حاطط في عربيتي وولفر 10W/40
بصراحة ممتاز
للأمانة من حيث هدوء المحرك مش بنفس درجة Liqui Moli ولكنه أكيد احسن بكتير من الزيوت المعدنية
اما عن نعومة المحرك فدي بصراحة هو ممتاز فيها


تقرير أستخدام زيت وولفر Super Light SemiSynthetic 10W/40

شوف التقرير دة
وان شاء الله هعمل تقرير هنا في القسم

تحياتي