مساعده- جزء يخص عداد السرعه

[mohammad isdf]

اولا اعتذر ع الاطاله ف الرد :)

ثانيا نهااااااااائيا الجزء ده مختص بقرائه السرعه فقط بمعنى ادق لو موجود وشغال كويس السرعه هتقرا معاك كويس ولو مش موجود مش هيقرا سرعه فقط وباقى العداد شغال عادى

بدليل انى كنت ماشى بالعربيه وانا شايل الفيشه دى اصلا وكل الموضوع انها مكنتش بتقرا سرعه ولا تحسب كيلو متر فقط

اعتقد ان الموضوع عند حضرتك يخص عطل ف العداد او مشكله ف الكهربا بتاعت العربيه لانى بعد ما غيرت عداد وحساس سرعه لسه عندى حاجه غريبه ف ار بي ام والكل اجمع انها كهربا لانى غيرت العداد 3 مرات

لو تحب عندى عداد قديم شغال كويس ماعدا الحراره خده جربه كام يوم علشان تحدد المشكله عداد ولا كهربا علشان الحساس ملوش علاقه ان العداد كله يفصل مره واحده زى ما حضرتك وضحت

تسلم يا جميل على اهتمامك وردك، الموضوع عندى بدأ يتضح بنسبة 90 % انه الفيوز والكهربائى قالى متغيروش عشان ده الأصلى .. مش عارف ليه .. بس هو لما شال الفيوز وركبه كويس تانى محصلتش نفس المشكلة .. فهشوف كده واتابع الموقف وان شاء الله تتحل من ربنا.

[Hazem_Ahmed]

تسلم يا جميل على اهتمامك وردك، الموضوع عندى بدأ يتضح بنسبة 90 % انه الفيوز والكهربائى قالى متغيروش عشان ده الأصلى .. مش عارف ليه .. بس هو لما شال الفيوز وركبه كويس تانى محصلتش نفس المشكلة .. فهشوف كده واتابع الموقف وان شاء الله تتحل من ربنا.

بالتوفيق انشاء الله

ولو احتجت حاجه انا تحت امرك

[ehab_mansour]

مبروك حلك للمشلكة
ده فعلا حساس سرعه و بيكون جزئين جزء اللي انت غيرته ده و بيكون حساس خارج منه صباع رفيع علي شكل مربع بيركب في الجزء الاخر المثبت في الفتيس و اللي عباره عن صباع طويل فبر بترس من اخره تحت عشان يلف مع الفتيس

الجزء اللي راكب في الفتيس بيلف باستمرار مع لف الفتيس و بالتالي بيلف الحساس ده و بالتالي يعد السرعه و الكيلومتر في عدادات العربية

انا كنت غيرته من قبل تقريبا ب 50 جنيه برده و الجزء الاخر اللي في الفتيس ب 30 جنيه

اما بخصوص لعب الار بي ام فده ملهوش علاقة بالعدادات .... ده له علاقة بضبط كهرباء المحرك و اكثر الاجزاء تأثيرا في ثبات الار بي ام هو الاسبراتير بحساسه hall sensor و كذلك البوابة

اما بخصوص فصل العدادات كلها و تشغيلها فده غالبا مش عيب عدادات و لكن محتمل و لكن العيب الاكبر هو ان وصلة ارضي اساسيه في العربية بتعلق و ليكن القريبه من الفيوز بوكس او قطاش البطارية السالب و محتمل تكون فبرة كونتاكت لأن ليها طرف بيوصل كهرباء لكل العربية و من ضمنها العدادات و في احتمال لفيشة العدادات ...... الموضوع محتاج بحث شوية و كهربائي دماغه نضيفة يمشي وراها واحده واحده هتتحل ان شاء الله بسهوله

[Hazem_Ahmed]

مبروك حلك للمشلكة
ده فعلا حساس سرعه و بيكون جزئين جزء اللي انت غيرته ده و بيكون حساس خارج منه صباع رفيع علي شكل مربع بيركب في الجزء الاخر المثبت في الفتيس و اللي عباره عن صباع طويل فبر بترس من اخره تحت عشان يلف مع الفتيس

الجزء اللي راكب في الفتيس بيلف باستمرار مع لف الفتيس و بالتالي بيلف الحساس ده و بالتالي يعد السرعه و الكيلومتر في عدادات العربية

انا كنت غيرته من قبل تقريبا ب 50 جنيه برده و الجزء الاخر اللي في الفتيس ب 30 جنيه

اما بخصوص لعب الار بي ام فده ملهوش علاقة بالعدادات .... ده له علاقة بضبط كهرباء المحرك و اكثر الاجزاء تأثيرا في ثبات الار بي ام هو الاسبراتير بحساسه hall sensor و كذلك البوابة

اما بخصوص فصل العدادات كلها و تشغيلها فده غالبا مش عيب عدادات و لكن محتمل و لكن العيب الاكبر هو ان وصلة ارضي اساسيه في العربية بتعلق و ليكن القريبه من الفيوز بوكس او قطاش البطارية السالب و محتمل تكون فبرة كونتاكت لأن ليها طرف بيوصل كهرباء لكل العربية و من ضمنها العدادات و في احتمال لفيشة العدادات ...... الموضوع محتاج بحث شوية و كهربائي دماغه نضيفة يمشي وراها واحده واحده هتتحل ان شاء الله بسهوله

بارك الله فيك استاذ ايهاب واشكرك ع النصيحه
وكلام حضرتك مظبوط 100 ف 100 بس ف حاجه خت بالى منها
كان حصل عندى مشكله ف الدينمو وقطع خالص وغيرته بدينمو تانى

النقطه بقا ف الفتره اللى الدينمو كان فيها بايظ الار بي ام كان شعال طبيعى جداااااااااااااااااااااااااا
وبمجرد ما ركبت دينمو تانى الار بي ام رجع يعلى ويوطى تانى

وده اللى اكدلى ان العداد سليم والفيوزات وان المشكله ف الكهربا