زيت فتيس كوردوبا 2006 اتوماتيك

[A_7akam]

السلام عليكم
بعد البحث كثيرا حول المعلومات اللي اتكلمت عنها مع حضرتك وصلت للأتي :-

أولا دعك من لون الزيت لأنه مش هو المقياس نهائيا لأنه ملهوش دلالة عن نوع الزيت ولا درجة لزوجته و لكنه يعتبر فقط تمييز لزيت من اخر و نوعيه من اخري حسب اسماء المصنعين

ثانيا حط زيت فتيس اتوماتيك atf تخليقي بالكامل و ده الموصي به لحضرتك و تأكد فقط انه تخليقي مش معدني بمعني انه يكون synthetic oil و ليس mineral oil و كنت بعتلك لنك لمصنع زيوت الماني كنت اشتريت منه زيت باور عندي و ممتاااااااااز جدا جدا و في الموقع بحثت لعربيتك و خرجلي ده
دي صفحة البحث ادخل و حدد فيها نوع عربيتك
oilfinder | rowe mineralölwerk gmbh

و ده نوع زيت الفتيس الموصي لك من عندهم

hightec atf 9000 | rowe mineralölwerk gmbh
النوع ده من الزيت يصلح للمواصفات دي من فولكس
vw 50 160/tl 52 162/g 052 990/g 055 025

و مكتوب علي السايت انه مش بيتغير فقط تتشك مستواه كل سنه او 30 الف كيلومتر و ده نفس الكلام اللي قرأته علي برنامج السا بالضبط انه مش بيتغير فقط بتتابعه و لكن لو انت قلقان غيره و لكن بزيت نضيف اصلي مضمون الماني مطابق للمواصفات اللي قلتلك عليها

و اخيرا ... لو زيت وولفر مطابق للمواصفات دي اشتريه و انت مطمن
و بالتوفيق و عذرا علي التأخير و لكن مشغول جدا جدا و لدي ظروف خاصة كثيرة
ربنا المستعان

يافندم جزاك الله خيراً كفاية انك لسة فاكرني وشكراً جزيلا على مجهودك وأسأل الله العظيم رب العرش العظيم أن يفك كربك وييسر لك أمرك.
كده أنا حاسس إني لميت خيوط كتير للموضوع وكلامك صح 100% وده اللي انا قريته في الكتالوج إن فعلا لازم فحص الزيت كل سنة أو 30000 والتغيير مع الفلتر عند 60000 وعن موضوع لون الزيت ده حاسس أنه فعلا مش مقياس والله أعلم بس مفيش نتيجة بحث أو أي نوع من اللي وصلت ليهم لقيت أنه الزيت الموصى به للعربية لونه أبيض لكن كل الزيوت المطابقة للمواصفات الخاصة بالفتيس لقيت لونها أحمر حتى لما نزلت سألت تاجر فولكس طلعلي الزيت الأصلي بردة لونه أحمر.
وعمتا إن شاء الله هبعت رسالة للمسئوليين عن وولفر وأسألهم عن الزيت المطابق للزيوت ديه عندهم ولو لقيت هتوكل على الله واشترية والله كنت حابب إن حد من المسئولين عن الزيت كان يتابع الموضوع كان هيفدنا كتير.

تحياتي الكبيرة لك ولشخصك المحترم على كل هذا الجهد وإن شاء الله في تواصل .
جزاك الله خيراً

[A_7akam]

ياريت الرد على سؤالى للاهمية وياريت صاحب الموضوع يقولى لقى الزيت ابيض ولا احمر؟

بص ياباشا المهندس إيهاب كان لسة قايلي عن موضوع لون الزيت ده أنه مش مقياس. وعمتا لو انت الفتيس بتاعك نفس نوع الفتيس اللي عندي يبقى خلاص كده الزيت واحد وبعد البحث الكتير ونزلت سألت تاجر فولكس وكمان مركز خاص بسيارات فولكس لقيت الزيت الموصى به لونه أحمر وده اللي شوفت نوعين منه عند التاجر الأصلي عليه علامات مجموعة فولكس والغريب اني لقيته صنع في اليابان والثاني الفيبا وده ألماني طبعا واللي اتنين زي بعض تمام في اللون .
وكمان لما سألت مركز صيانه نصحني بزيت وولف Wolf وشكر فيه جداً وقالي انه هوه حاطه في عريبته شخصياً وهيه جيتا jetta بس طبعا لما لقيت الناس اللي جربت الوولفر شكرت فيه وقالت انه افضل كمان من الولف فقررت اني أجرب وربنا يسترها إن شاء الله .
وفي ملحوظة اللي مركز الخدمة قالي إن الولف ممكن يفضل معاك لحد 40000 وده طبعا أقل من الزيت الأصلي اللي بفضل لحد 60000 بس كمان قالي انه افضل من الفيبا فمش عارف كده يبقى الفيبا ممكن يفضل قد ايه .
ده اللي اقدر افيدك بيه لحد دلوقتي . وإن شاء الله لحد ما الموضوع ينتهي واغير الزيت هبقى أعمل تقرير عن التجربة ديه واشرح فيها كل حاجة.
تحياتي

[SMSMRACE]

بص ياباشا المهندس إيهاب كان لسة قايلي عن موضوع لون الزيت ده أنه مش مقياس. وعمتا لو انت الفتيس بتاعك نفس نوع الفتيس اللي عندي يبقى خلاص كده الزيت واحد وبعد البحث الكتير ونزلت سألت تاجر فولكس وكمان مركز خاص بسيارات فولكس لقيت الزيت الموصى به لونه أحمر وده اللي شوفت نوعين منه عند التاجر الأصلي عليه علامات مجموعة فولكس والغريب اني لقيته صنع في اليابان والثاني الفيبا وده ألماني طبعا واللي اتنين زي بعض تمام في اللون .
وكمان لما سألت مركز صيانه نصحني بزيت وولف wolf وشكر فيه جداً وقالي انه هوه حاطه في عريبته شخصياً وهيه جيتا jetta بس طبعا لما لقيت الناس اللي جربت الوولفر شكرت فيه وقالت انه افضل كمان من الولف فقررت اني أجرب وربنا يسترها إن شاء الله .
وفي ملحوظة اللي مركز الخدمة قالي إن الولف ممكن يفضل معاك لحد 40000 وده طبعا أقل من الزيت الأصلي اللي بفضل لحد 60000 بس كمان قالي انه افضل من الفيبا فمش عارف كده يبقى الفيبا ممكن يفضل قد ايه .
ده اللي اقدر افيدك بيه لحد دلوقتي . وإن شاء الله لحد ما الموضوع ينتهي واغير الزيت هبقى أعمل تقرير عن التجربة ديه واشرح فيها كل حاجة.
تحياتي

اشكرك شكرا جزيلا انا كنت مخنوق من الموضوع ده لان العربيه ماشية 160 دلوقتى ومتغيرش خالص وناقص ومش عارف اعمل ايه. طب بالنسبة للفلتر بتاع الفتيس متعرفش بكام ؟ ولو غيرت الفلتر الفتيس هياخد كام لتر

مش ده نفس شكل الفتيس بتاعك

http://www.parts-specs.com/photos/0546309-SEAT-Ibiza-1.4-16V-75-bhp-Reference-2006.jpg

[A_7akam]

اشكرك شكرا جزيلا انا كنت مخنوق من الموضوع ده لان العربيه ماشية 160 دلوقتى ومتغيرش خالص وناقص ومش عارف اعمل ايه. طب بالنسبة للفلتر بتاع الفتيس متعرفش بكام ؟ ولو غيرت الفلتر الفتيس هياخد كام لتر

مش ده نفس شكل الفتيس بتاعك

http://www.parts-specs.com/photos/0546309-seat-ibiza-1.4-16v-75-bhp-reference-2006.jpg

إن شاء الله هسأل واقولك بالضبط على السعر وتجيبه منين , وهو ده نفس الفتيس بالضبط

[kyrillos]

السلام عليكم, أنا أسف انى جيت متأخر, أعتقد انا ممكن أفيدكم شوية
أنا معايا ابيزا 2006 بقالى 7 شهور, اوتوماتيك 4 غيار, نفس الفتيس بتاعكم بالظبط وتقريبا نفس الموتور ال 16 فالف 75 حصان bky, عربية ما شاء الله جميلة, ولكن فعلا تعبت من قله معرفة الصنايعية بيها والتوكيل بتاعها ردىء الى أبعد الحدود
وابتديت أفكر فعليا انى ابيعها واجيب زيرو
العربية ماشية 80 الف, ومعايا انا مشيت حوالى الفين كمان, ومريت بنفس المرار الطافح انى احاول افهم زيت الفتيس صيانته ازاى, صاحبها القديم كان مهمل جدا ومغيروش طوال ال 80 الف كيلو
سألت الصنايعيه, فتى بقى, واحد يقولك غيره, واحد يقلك الزيت الفبريكه مايتغيرش, واحد يقلك زوده, وناس قالولى لو غيرته هايصفر, وناس بتقول غيره كله بالفيلتر, وطبعا التوكيل هايقلك الرأى الأخير, بس على ضمانتك

من أسبوعين بالظبط, فتحت الطبه, الزيت ماشاء الله نزل أسود وخفيف زى الميه, نزل قد كوبايه بالظبط, واعتقد ان كان فى زيت تانى جوه الفتيس نفسه, كان لازم استنى ساعة مثلا عشان ينزل
المهم, روحت جبت 4 ليتر زيت موبيل atf احمر, الناس المحترمة العباقرة بيسموه زيت باور, ولو قلتله atf دى مش هايعرفه, ب 55 جنيه الليتر
الزيت بتاع التوكيل بيبيع الليتر ب 200 جنيه, فى 5 ليتر, الف جنيه, الفتيس كله فى الحرفيين استيراد, ب 2000 جنيه
الفيبى اعتقد ب 100 جنيه او اقل, وفى حاجات تانيه كتير والسوق مليان نصب وفتى وقلة أدب
خليك فى نوع موثوق منه من مكان محترم

الفتيس مالوش مقاس, بتفك المصفحة من تحت, وبتلاقى الطبه رأسية بتفتحها بتنزل الزيت, المفروض يعنى ان فيلتر الزيت "بيسموها المصفاه" فوق الطبه دى, عريضه كده, وبحوالى 270 - 300 جنيه عند فتح الباب - التوفيقية
الزيت بقه نفسه بيتزود من فتحه فوق الفتيس (يمين الموتور) أفقيه عليها طبه بردو, هتحتاج قمع وخرطوم حوالى 50 - 60 سنتى متر كده
الفتيس عندى أخد 3 ليتر وشيلت ليتر
فى أعتقادى الشخصى, اللى أنا عملته ده ولا فرق فى حاجة, نفس صوت الفتيس ونفس النقلات ونفس الأداء, بتحس بالنقله شوية اول مرة وانت لسه طالع بالعربية, بعدين نعومة, التانى محسوس شوية, التالت ناعم, الرابع مش محسوس اطلاقا
جايز مافيش فرق أداء, بس هايحمى الفتيس, او هيبوظه
عامة, حبيت أنقل تجربتى, واتمنى لو صاحب الموضوع يبعتلى رقم موبايله عشان اسأله على حاجات فى العربية والصنايعيه, وربنا يوفق الجميع

[hossamalsadik]

الزيت الى حاطت صورته لونه أبيض شفاف مخضر خفيف وسعره 100ج اللتر
أستاذ/ كيريلوس أنتا الزيت الى نزلته كان فيه حمار فى اللون
انا فاكر ان أنتا سألت على نوعية زيتك قبل كده وحولنا نفيدك بمعلومات عنه وعن درجة لزوجته بس عن نفسى مكنتش جبت الزيت الى فى الصورة وعرفت مصدره بس هيا نفس المعلومات الى هنا وكنت جبت زيت Febi أفضل

[kyrillos]

التوكيل قالولى انه زيت أحمر, وكل الزيوت اللى شوفتها مناسبة للفتيس ده كانت الحمرا مش البيضه, و الزيت اللى نزل كان بنى محروق مش شفاف, الله أعلم الصراحة, دى من أكتر الحاجات المحبطة فى العربية دى, التوهان ده

[A_7akam]

ياجماعة ديه أخر حاجة توصلتلها

http://www.nilemotors.net/Nile/424745-2006.html