عاوز اركب تابلو الابيزا 2000 على ال 94

[nesr6060]

يارجاله انا ععاوز اركب تابلو الابيزا ال 2000 على ال 94 ايه الى هحتاجوا اعمله علشان اشغله

بالنسبه للقواعد واحده يعنى الشكل و الثبات هيبقى عادى هيركب من غير مشاكل

بالنسبه للكهربا ايه الى هحتاجه اعمله علشان اشغل العداد يعنى ايه الفرق فى فيشه عداد الابيزا ال 94 و ال 2000 فى الضفيره
انا اهم حاجه عندى اعرف ازاى اشغل ومش مهم ان اشغل لمبه الchack

وهل هحتاج اغير علبه الفيوزات ولا مش هحتاج ؟؟؟

انا عاوز مناقشه كامله علشان بفكر اطبق الحوار فى اول شهر 7 وياترى هتفرق لو حبيت اجيب التابلو التاتش عن التابلو العادى مين الى فيهم هيشتعل ولا مش هتفرق و الكويل بس هو الاختلاف

[SYD]

هو طبعا زي انت ما قولت كقواعد وتثبيت ال2000 هيركب عادي بدون مشاكل
لكن في حاجات زي مثلا لمبة التحذير بتاعة مستوي المياة في القربة دي مش هتشتغل
السرعة والأر بي ام ومستوي البنزين والحرارة كل دة هيشتغل عادي
طبعاً لمبة التشيك بتاعة الأيرورز مش هتشتغل
اعتقد التكييف العادي هو اللي هيشتغل معاك لكن التاتش مش هيشتغل لأنك هتحتاج تجيب ضفيرته كاملة
مش عارف الكويل هيتغير ولا لاء

انتظر باقي الزملاء بردو هيفيدوك اكثر مني

تحياتي

[nesr6060]

هو طبعا زي انت ما قولت كقواعد وتثبيت ال2000 هيركب عادي بدون مشاكل
وده الى بيخلينى افكر اركبه وشكله اشيك

لكن في حاجات زي مثلا لمبة التحذير بتاعة مستوي المياة في القربة دي مش هتشتغل

ليه مش هتشتغل اعتقد ان فى لمبه زيها فى ال عداد بتاع ال 98 فى الاخر على الشمال بس بتحتاج قربه ميه بفيشه فاعتقد انها هتشتغل بس هغير قربه الميه ولا ايه رايك يا باشا

السرعة والأر بي ام ومستوي البنزين والحرارة كل دة هيشتغل عادي

الحمد الله دول هما اهم حاجه عاوزهم يشتغلوا بس هيشتغلوا عادى ولا هغير مقاومه الطرمبه ده الى عاوز اتاكد منه

طبعاً لمبة التشيك بتاعة الأيرورز مش هتشتغل

طيب هى مش هتشتغل علشان الكونترول بتاع الموتور مش هيدعمها ولا مش هتشتغل علشان الضفيره اصل لو بسبب الضفيره فانا بفكر اجيب التابلو بضفيره تابلو كامله و علبه فيوزات ياترى سعتها بقى هتشتغل

اعتقد التكييف العادي هو اللي هيشتغل معاك لكن التاتش مش هيشتغل لأنك هتحتاج تجيب ضفيرته كاملة

تقصد بضفيره كامله هى ضفيره التابلو كامله ولا ضفيره الشاشه التاتش بس الى هعوزها اصل حوار ضفيره الشاشه ده لازم اكيد


مش عارف الكويل هيتغير ولا لاء

اعتقد انه اكيد هيتغير لكويه التاتش علشان يشغل الشاشه التاتش للتكيف والا مش هيشتغل بس انا اصلا معنديش تكيف بس عندى الكويل بس ناوى اركب التكيف بعد التابلو علشان شركه ساندان الى تركبلى كويل التكيف التاتش
>
انتظر باقي الزملاء بردو هيفيدوك اكثر مني

ياريت انا مستننى ردهم

تحياتي

[hossamalsadik]

شوف ياكبتن أحمد
التبلوه يركب لان مساحته نفس مساحة الى عندك
بالنسبه لكمبيوتر التبلوه ولمضه التحذيرية هتشتغل بس لازم تجيب ضفيرة التبلوه وتكون متوافقه مع ضفيرة الحوض مش متوافقه يبقى تجيب ضفيرة الحوض
سواء جبت التبلوه العادى او التبلوه الى فيه مفاتيح التكييف التاتش هتجيب ضيفرته بالأضافه هنا للكويل التاتش عشان بيختلف عن الكويل العادى أبو وير
يعنى هتجيب التابلوه مع ضفيرته بالكويل الخاص به سواء عادى او تاتش + ضفيرة حوض + ضفيرة خلفية وهقول ليه
( يعنى ضفيرة كامله للعربيه موديل 2000-02 )
وطلما قلنا ضفيرة تبلوه يبقى أكيد هجيب معها علبة الفيوزات لأنها ببساطه مرتبطه بيها فى التقسيمه وكمان مرتبطه بالضفيرة الخلفيه الى متصله بنور الفرامل و بالنور الخلفى الى مخصص له مفتاح بالتبلوه

وكله هيشتغل معاك مثل اى عربيه 2000-02

بالتوفيق

[hossamalsadik]

نسيت اقول كمان هتجيب دواسة فرامل عشان يركب عليها ماكينة الفرامل وهما 2
+ كونسوله الى بيركب فيها عصاية الفتيس وزراع الفرامل الخلفيه (hand break) وخلى بالك انها مختلفه بسيط لكل من التبلوه التاتش والعادى
بالتوفيق

[nesr6060]

انا قررت ادور على بى ام وارتاح
لان اتصدمت ان موتورى ال 1600 مبيركبش عليه الفتيس ال 1800 و ال 2000
هتجنن مش عارف ازاى مينفعش يركب و هو راكب على موتور نفس كود موتورى على جولف 3 بس كلوا قالى ان المارش بتاعى خلفى و دوران الفتيس مختلف عن ال 1800
بالرغم ان فى واحد جايب العربيه جولف 3 فابريكا بفتيس كوده 2y وهو فتيس زى ال 1800 بدواره فتيس مختلفه معرفش ازاى ومارش امامى