جوان وش سلندر بولو 95

[Mahmoudyoussif]

القصة بدأت مع نقص للمياة اعتيادي و كنت بزود كل شوية
ابتدا موضوع النقص يزيد مع الوقت و الكمية اكتر و العربية بتسخن جامد
لغاية اول امبارح رحت عند الميكانيكي قالي قربة ... مع اني كنت متاكد انها مش قربة غيرتها و مشيت ... و غسلت دورة تبريد و حطيت ماية حمرا ... يومين بالظبط و المية نقصت تاني
لقيت الطبة اللي جنب الترموستات معلمة حواليها احمر و تحتها ... غيرتها و مشيت عليها مشوار
يوم السبت اللي فات الحرارة عالية بشكل غير طبيعي واصلة فوق المية تقريبا و العربية مخنوقة
جريت شوية و الطريق فك العربية حرارتها نزلت تاني ... نزلت رحت بيها الشغل و جيت من كام يوم
لقيتها بتديني علامة انها ناقصة تاني .... نفشت للميكانيكي اللي انا برحله و رحت لواحد عندنا انا بثق فيه مع انه مش الماني ولا بتاع ... بس عمل طقم شمبر لعربية جاري تيوتا تيرسل العربية ما شاء الله ظبطت و بقت بتجيب ماية من الشكمان ... قلتلة بصلي عليها .... قالي على الاعراض و كانت اجاباتي
للاسف كلها بالايجاب ... فقالي دي بدايات جوان وش السلندر ... قلتله ماهو مفيش طحينة ... قالي مش شرط ... قلتلة دي حاجة خطيرة يعني قالي لا قصة يوم يوم و نص بالكتير ... قلتلة التكلفة كام
و انا متخيل اني هسمع رقم خزعبلي ... قالي 400 جنية ... نصيحتكم للافادة ... و هل تغير الجوان بيؤثر على كفائة الموتور ... و هل ممكن يحتاج يتخرط الوش حسب ما قال ... افيدوني افادكم الله

[mohammad isdf]

كده المياه بتخلط مع دورة الوقود وده معناه ان جوان وش السليندر باظ، ولازم يتغير فوراً والا هترمى الموتور قريب جدا، وتأكد وهو بيفك ان الماسورة سليمه ومتخرمتش والشجرة تمام والخراطيم والوصلات كلها زى الفل، والا هتلاقى نفسك بعد ما صلحته العربية تسخن منك بسبب وجود اى تسريب ويحصل نفس اللى حصل.

[Mahmoudyoussif]

اعتقد الوصلات دي سليمة لاني كنت مغيرها قريب ... مع الريدايتير
طب كدة ممكن احتاج وش سلندر استيارد ولا ممكن يكون مش محتاج اصلا
و يعني اية يروح لخراط و يكشط و كدة لاني ميح ابيض يعني في الحاجات دي
و جزاكم الله كل خير

[mohammad isdf]

هو الميكانيكى هيشوف لو احتاجت لخراط هيتصرف، بس ان شاء الله متحتجش لخراط

وبعدين احنا بنقول جوان وش سليندر، مش وش السليندر نفسه ده موضوع تانى، والجوان متوفر طبعاً فى محلات اللى بتشتغل فى الفولكس وهتلاقى موضوع فى المنتدى بأسماء الصنايعية ومحلات قطع الغيار اللى بتشتغل فى العربيات بتاعتنا

[Mahmoudyoussif]

هو الميكانيكى هيشوف لو احتاجت لخراط هيتصرف، بس ان شاء الله متحتجش لخراط

وبعدين احنا بنقول جوان وش سليندر، مش وش السليندر نفسه ده موضوع تانى، والجوان متوفر طبعاً فى محلات اللى بتشتغل فى الفولكس وهتلاقى موضوع فى المنتدى بأسماء الصنايعية ومحلات قطع الغيار اللى بتشتغل فى العربيات بتاعتنا

جزاك الله خير يا باشا

[hossamalsadik]

أ محمود قدر لله والحمد لله على كل حال
هوا لو لقى وش السلندر عندك سليم هيعمل زى ماعملت كده فى عمرة مانورى جوان وش وهيمسح الوش فقط مسح نضافه يعنى
لو كنت بتستخدم باستمرار المياه الموصى بها ( الحمرا +g12) وبتغير الزيوت والفلاتر فى معدها يبقى ان شاء الله وش السلندر بالبلوكه هيكون سليم كل الى هتحتاجو مسح نضافه فقط

بالتوفيق

[Mahmoudyoussif]

أ محمود قدر لله والحمد لله على كل حال
هوا لو لقى وش السلندر عندك سليم هيعمل زى ماعملت كده فى عمرة مانورى جوان وش وهيمسح الوش فقط مسح نضافه يعنى
لو كنت بتستخدم باستمرار المياه الموصى بها ( الحمرا +g12) وبتغير الزيوت والفلاتر فى معدها يبقى ان شاء الله وش السلندر بالبلوكه هيكون سليم كل الى هتحتاجو مسح نضافه فقط

بالتوفيق

يارب يطلع كدة بص المعظم كانت ماية من الحنفية و مرتين عملتها ماية خضرا بس كانت بتسرب من وقت للتاني .. دا غير اني عندي بوادر شمبر ... فربنا يسترها