العفشه مدمرة جداااا

[midoazzam]

انا بجد تعبت جدا من العربية دى كان فى موضوع قبل كده بسبب الكوبلن كل ما اركبة واطلع 100 متر يفك ويقطم الكوبلن علطول وهكذا مرتين فى ساعة واحدة .
المهم روحت لسمكرى وقالى الشاسية مفتوح .. المهم عرفت ان الكلام ده مش صح وان السمكرى ده حمار او عايز يعمل شغل عليا .
المهم روحت لميكانيكى وقالى هاظبطهالك وفعلا بعديها بيوم قالى الشغل تمام روحت جربت العربيه لاقيتها تمام .. قالى غيرت البلية وظبط الكوبلن قولتلو ازاى ظبطو ....مرديش يقولى خااالص
المهم بعديها ب 3 ايام كده وانا فى الطريق لاقيت مرة واحدة صوت خشووونه جامدة جدا وطقطقه فى العجل
المهم مشيت براحه لغايت الحرفين وروحت لرضا العفشجى...
قالى هانغير البلية يمين وشمال.... قولتلو ماشى
وهو شغال قالى انا لاقيت صمولة كبيرة عشان يعوض القصر الى فى الاكس كوبلن وهو الى بوظ البلية
مممممم
غير الصمولة الكبيرة بواحدة صغيرة فى اكس الكوبلن وغير البليتين جداد .... وطلعت جربت لاقيت الخشونه برضه والعجل كانة ممسوك ومخنوق ... رجعت وقولتله لسه فى خشونه ومش حاسس جديد ... قالى احنا عايزين نغير الكوبلن كله بتاع ابيزا ... ونغير علبة الدريكسيون عشان فعلا مدمرة ونغير جلب المقصات وكله هايبقا تمام.....
طبعا مشيت وانا مخنوق عشان الموضوع كده هايفتح معاايا جدا ومكلف جداا ياترى اية رأيكم اكمل فى الموضوع ده ولا اعمل ايه ....

[SYD]

انا متذكر موضوع فتح الشاسيه وساعتها رديت عليك ونفيت تماماً موضوع ان الأبيزا تفتح شاسيه

للأسف الشديد ان كل اللي انت بتحكي فيه دة بيبقي العامل الأساسي فيه الفتيس والبلي
البلي الموجود في السوق حالياً كله صيني (أقصد البلية الخارجية للكوبلن الداخلي) والبلية دي بتكون متوصلة في الفتيس ب6 مسامير الانكيه مقاس 6 زي ماقولتلك قبل كدة ورخمة جداً في ربطها وفكها وتحتاج لصنايعي او ميكانيكي فولكس محترم عشان يعرف ازاي يجمعها ويربطها بدون ما يبوظها

او العيب الأساسي بيكون في البلية الداخلية ودي بتكون جوة الفتيس نفسه
ودي لو باظت احسنلك تشتري فتيس استيراد
اولا لأن تكلفة تغييرها تقترب من ثمن فتيس استيراد
ثانياً ان الموجود في السوق حالياً بردو صيني

اما ان الكبالن اللي كانت راكبة عندك قصيرة فدي ممكن تكون بتاعة بولو وبالتالي مش طايلة العجل او مش طايلة الفتيس

الأحسن تجيب الحاجات دي من تاجر أمين وموثوق فيه وياريت لو يكون بيفهم
لأن معظم التجار بيفك الحاجات دي من الأنصاص وبيرميها وبعد ما بيرميها بيصعب عليه التفرقة بين الكبالن بتاعة الأبيزا من بتاعة البولو من بتاعة الجولف
واحنا بعد كدة اللي بنتعك وبنشتري علي التجربة

ربنا معاك ويعينك والأحسن انك تروح لميكانيكي فولكس بيفهم
ارشحلك ان تنزل شارع الأربعين - طالما انت قريب من الحرفيين
هتلاقي هناك اكتر من ميكانيكي فولكس

تحياتي وربنا معاك

[hossamalsadik]

للاسف لازم تغير الى قلك عليه عشان تتعمل صح
وتجيب كبالن الابيزا بتاعتك وليس البولو او حاجه تانيه
ومهم فى الموضوع ده عشان يتعمل صح ميكانيكى فولكس امين وبيفهم مش أكتر
والمشكله الى عندك لو اتعملت صح وهيا مش كميا هتنسها
فمعلش هيا تكلفه مره واحده وخلاص وربنا يعينك ان شاء الله

[mohammad isdf]

ربنا يصبرك ويعينك ويرحمنها من فتى الصنيعية الفتجية.
انصحك تغيير الحاجات دى بحاجات ابيزا الأصلية وممكن تأخر شوية حوار علبة الدريكسيون وتخلص حوار الكوبلن..

[midoazzam]

انا متذكر موضوع فتح الشاسيه وساعتها رديت عليك ونفيت تماماً موضوع ان الأبيزا تفتح شاسيه

للأسف الشديد ان كل اللي انت بتحكي فيه دة بيبقي العامل الأساسي فيه الفتيس والبلي
البلي الموجود في السوق حالياً كله صيني (أقصد البلية الخارجية للكوبلن الداخلي) والبلية دي بتكون متوصلة في الفتيس ب6 مسامير الانكيه مقاس 6 زي ماقولتلك قبل كدة ورخمة جداً في ربطها وفكها وتحتاج لصنايعي او ميكانيكي فولكس محترم عشان يعرف ازاي يجمعها ويربطها بدون ما يبوظها

او العيب الأساسي بيكون في البلية الداخلية ودي بتكون جوة الفتيس نفسه
ودي لو باظت احسنلك تشتري فتيس استيراد
اولا لأن تكلفة تغييرها تقترب من ثمن فتيس استيراد
ثانياً ان الموجود في السوق حالياً بردو صيني

اما ان الكبالن اللي كانت راكبة عندك قصيرة فدي ممكن تكون بتاعة بولو وبالتالي مش طايلة العجل او مش طايلة الفتيس

الأحسن تجيب الحاجات دي من تاجر أمين وموثوق فيه وياريت لو يكون بيفهم
لأن معظم التجار بيفك الحاجات دي من الأنصاص وبيرميها وبعد ما بيرميها بيصعب عليه التفرقة بين الكبالن بتاعة الأبيزا من بتاعة البولو من بتاعة الجولف
واحنا بعد كدة اللي بنتعك وبنشتري علي التجربة

ربنا معاك ويعينك والأحسن انك تروح لميكانيكي فولكس بيفهم
ارشحلك ان تنزل شارع الأربعين - طالما انت قريب من الحرفيين
هتلاقي هناك اكتر من ميكانيكي فولكس

تحياتي وربنا معاك

انا هاروح عند رضا فى الحرفين بس انت اية رأيكو ابتدى بتغير ايه فى الاول واعمل ايه بالخطوات

[Hazem_Ahmed]

متابــــــــع