Tweet
السلام عليكم ورحمة الله وبركاته
الواحد بقاله كتير مدخلش الموقع
تحيه لحضراتكم
إن شاء الله انا ناوي ابيع العربية .. وخدت القرار ده بعد تفكير طويل بالرغم من صعوبته عليا نظرا للعشرة الطويلة اللي بتمتد لحوالي 8 سنين مع العربية منهم 3 سنين راكب بس مش سواق.
إن شاء الله هكتب زي ملخص صغير عن حالة العربية و يا ريت الأخوة الأفاضل يساعدوني في تقييم سعرها.
- العربية بشكل عام حالتها ممتازة .. ومش بقول كده عشان انا صاحبها لكن لأني شفت عربيات شبهها كتير جدا ومعظمهم متبهدلين ولو شكلها كويس بتكون مرشوشة.
- تكييف,باور,سنتر,مرايات كهربائية,اير باج واحد
- العربية فابريكة بالكامل ماعدا العتب والرفرف الخلفي شمال اللي للأسف اتخبط وهي مركونة
.. قدر الله وما شاء فعل, لكن اترشت أنضف دهان اللي اسمه سكينز والمصنعية كانت كويسة جدا.. وطبعا الختم المميز لكل عربيات مصر كام خربوش علي كام حكة من واحد معاه جنيه فضة ومش عارف يعمل بيه ايه فقرر انه يبهدل عربيات الناس.. لكن الشكل العام للعربية كويس جدا جدا بحيث انها من بعيد ميبانش فيها أي حاجة.
- العداد عامل 228,000 كم وده طبعا رقم كبير لكن الموتور بحالة ممتازة وكنت دايما بحافظ علي الصيانة الدورية من تغيير زيوت وفلاتر وسيور وبوجيهات الخ ونادرا لما كنت بتأخر.. يعني بحط زيت 5000كم بيتغير عند 3500 أو 4000 بالكتير جدا وده قليل لما حصل .. وفلتر الزيت بيتغير مره و مره .. وده بصراحة الحمد لله خلي الماتور دايما فايق وعمره ما عطل .. وكمان الفحص دايما علي زيوت الباكم والباور و تزويد مياه التبريد الحمراء اللي هي ماركة لادا ( أو يادا زي ما واحد قالي قبل كده).
- عفشة العربية زي الفل اتغير فيها 3 حاجات بس اللي هما علبة دركسيون و كبلن خارجي ودنجل نظرا لآثار الخبطة اللي عوجته شوية .. كل القطع دي اتجابت إستيراد والحمد لله بقالها أكتر من سنتين و شغالين تمام التمام.
- الفرش الداخلي أنا معرفش شكله
.. بهزر طبعا لأن من ساعة ما جبناها وهي مفروشة طقم جلد اسود .. لكن الفرش كمان الحمد لله حالته ممتازة والموكيت علي طول مستخبي تحت الدواسات وحالته أيضا ممتازة.
- التكييف أداؤه من متوسط لكويس يعني لما يشتغل علي 2 في عز الصيف أضمن ان الاتنين اللي قدام هيكتيفوا ان شاء الله .
- العربية بشكل عام مش متهانة ودي حاجة باينة جدا للي هيشوفها وربنا يعلم الواحد حاول علي قد ما يقدر انه ميبهدلش العربية معاه.
- العيوب اللي في العربية كلها تتعلق بالكماليات فقط يعني مثلا المساحة الخلفية محتاجة الحتة اللي فيها الجلد دي لكن هي كلها موجودة .. فانوس الشبورة الشمال جت فيه طوبة للمرة ال 5000 وازازه اتكسر مع انه لسه بشوكه .. المجري بتاع كرسي السواق محتاج يتنضف عشان بيزيق .. والفريم المستطيل اللي فيه الكاسيت وزراير التكييف فيه حته مكسورة والسقف بيزن زنة خفيفة لما العربية تمشي علي طريق مش ممهد, والزجاج الخلفي محتاج يتظبط توصيلاته الكهربائية لكن مواتير الزجاج والمكن عموما سليم.
- خلاصة القول انها مشاكل جانبية مش متعلقة تماما بأداء العربية و ممكن التغاضي عنها لو الواحد معندوش وقت أو دماغ وكمان مكونات العربية كلها اصلية من فوانيس وماتور مع الوضع في الإعتبار ان القطع اللي اتغيرت كانت كلها إستيراد.
- العربية فيها عيب واحد فقط وهو ان في حتة صاج مصدية أعلي العتب تحت الكاوتش الخاص بالباب الأيمن الأمامي .. وهي مش كبيرة والموضوع مش خطر يعني يمكن السيطرة عليه بسهولة .. هي دي أجعص مشكلة في العربية كلها.
- الكاوتشات بحالة جيدة جدا و مشيت بيها حوالي 10.000 كم والبطارية تم تغييرها من حوالي 6 شهور وتقريبا لسه جديدة .. مع العلم ان البطارية السابقة من نفس النوع استمرت 5 سنين لأني بستخدمها فقط لتشغيل العربية ومبشغلش كاسيت أو نور والعربية مش دايرة.
- الرخصة باسم المالك -والدي- 3 سنين عدي منهم 6 شهور وجاري اصدار كارت البنزين والحمد لله مفيش مخالفات.
- الكاسيت نوعه بايونير و بينور أحمر زي لون إضاءة التابوه فبيكون شكله شيك جدا .
الحقيقة أنا مفيش في دماغي تفاصيل محورية تانية.. لكن لو حضراتكم طالبين أي معلومات أخري تفيد في التسعيير أنا موجود.
شكرا وجزاكم الله خيرا
الواحد بقاله كتير مدخلش الموقع
تحيه لحضراتكم
إن شاء الله انا ناوي ابيع العربية .. وخدت القرار ده بعد تفكير طويل بالرغم من صعوبته عليا نظرا للعشرة الطويلة اللي بتمتد لحوالي 8 سنين مع العربية منهم 3 سنين راكب بس مش سواق.
إن شاء الله هكتب زي ملخص صغير عن حالة العربية و يا ريت الأخوة الأفاضل يساعدوني في تقييم سعرها.
- العربية بشكل عام حالتها ممتازة .. ومش بقول كده عشان انا صاحبها لكن لأني شفت عربيات شبهها كتير جدا ومعظمهم متبهدلين ولو شكلها كويس بتكون مرشوشة.
- تكييف,باور,سنتر,مرايات كهربائية,اير باج واحد
- العربية فابريكة بالكامل ماعدا العتب والرفرف الخلفي شمال اللي للأسف اتخبط وهي مركونة
.. قدر الله وما شاء فعل, لكن اترشت أنضف دهان اللي اسمه سكينز والمصنعية كانت كويسة جدا.. وطبعا الختم المميز لكل عربيات مصر كام خربوش علي كام حكة من واحد معاه جنيه فضة ومش عارف يعمل بيه ايه فقرر انه يبهدل عربيات الناس.. لكن الشكل العام للعربية كويس جدا جدا بحيث انها من بعيد ميبانش فيها أي حاجة.- العداد عامل 228,000 كم وده طبعا رقم كبير لكن الموتور بحالة ممتازة وكنت دايما بحافظ علي الصيانة الدورية من تغيير زيوت وفلاتر وسيور وبوجيهات الخ ونادرا لما كنت بتأخر.. يعني بحط زيت 5000كم بيتغير عند 3500 أو 4000 بالكتير جدا وده قليل لما حصل .. وفلتر الزيت بيتغير مره و مره .. وده بصراحة الحمد لله خلي الماتور دايما فايق وعمره ما عطل .. وكمان الفحص دايما علي زيوت الباكم والباور و تزويد مياه التبريد الحمراء اللي هي ماركة لادا ( أو يادا زي ما واحد قالي قبل كده).
- عفشة العربية زي الفل اتغير فيها 3 حاجات بس اللي هما علبة دركسيون و كبلن خارجي ودنجل نظرا لآثار الخبطة اللي عوجته شوية .. كل القطع دي اتجابت إستيراد والحمد لله بقالها أكتر من سنتين و شغالين تمام التمام.
- الفرش الداخلي أنا معرفش شكله
.. بهزر طبعا لأن من ساعة ما جبناها وهي مفروشة طقم جلد اسود .. لكن الفرش كمان الحمد لله حالته ممتازة والموكيت علي طول مستخبي تحت الدواسات وحالته أيضا ممتازة.- التكييف أداؤه من متوسط لكويس يعني لما يشتغل علي 2 في عز الصيف أضمن ان الاتنين اللي قدام هيكتيفوا ان شاء الله .
- العربية بشكل عام مش متهانة ودي حاجة باينة جدا للي هيشوفها وربنا يعلم الواحد حاول علي قد ما يقدر انه ميبهدلش العربية معاه.
- العيوب اللي في العربية كلها تتعلق بالكماليات فقط يعني مثلا المساحة الخلفية محتاجة الحتة اللي فيها الجلد دي لكن هي كلها موجودة .. فانوس الشبورة الشمال جت فيه طوبة للمرة ال 5000 وازازه اتكسر مع انه لسه بشوكه .. المجري بتاع كرسي السواق محتاج يتنضف عشان بيزيق .. والفريم المستطيل اللي فيه الكاسيت وزراير التكييف فيه حته مكسورة والسقف بيزن زنة خفيفة لما العربية تمشي علي طريق مش ممهد, والزجاج الخلفي محتاج يتظبط توصيلاته الكهربائية لكن مواتير الزجاج والمكن عموما سليم.
- خلاصة القول انها مشاكل جانبية مش متعلقة تماما بأداء العربية و ممكن التغاضي عنها لو الواحد معندوش وقت أو دماغ وكمان مكونات العربية كلها اصلية من فوانيس وماتور مع الوضع في الإعتبار ان القطع اللي اتغيرت كانت كلها إستيراد.
- العربية فيها عيب واحد فقط وهو ان في حتة صاج مصدية أعلي العتب تحت الكاوتش الخاص بالباب الأيمن الأمامي .. وهي مش كبيرة والموضوع مش خطر يعني يمكن السيطرة عليه بسهولة .. هي دي أجعص مشكلة في العربية كلها.
- الكاوتشات بحالة جيدة جدا و مشيت بيها حوالي 10.000 كم والبطارية تم تغييرها من حوالي 6 شهور وتقريبا لسه جديدة .. مع العلم ان البطارية السابقة من نفس النوع استمرت 5 سنين لأني بستخدمها فقط لتشغيل العربية ومبشغلش كاسيت أو نور والعربية مش دايرة.
- الرخصة باسم المالك -والدي- 3 سنين عدي منهم 6 شهور وجاري اصدار كارت البنزين والحمد لله مفيش مخالفات.
- الكاسيت نوعه بايونير و بينور أحمر زي لون إضاءة التابوه فبيكون شكله شيك جدا .
الحقيقة أنا مفيش في دماغي تفاصيل محورية تانية.. لكن لو حضراتكم طالبين أي معلومات أخري تفيد في التسعيير أنا موجود.
شكرا وجزاكم الله خيرا
Comment