مشكلة تسقيط موتور فى العربية

[محمد بدرو]

السلام عليكم ....
معايا ابيزا 94 شدا حيلها والحمد لله وراكبلها مكنة 1400 بولو لسه جايبها من شهر ونص العربية كانت لما اشغل التكييف دقيقتين وتبطل وكانت بتاكل البنزين كنت بفول كل 4 او 5 ايام المهم روحت لميكانيكى يكشف كمبيوتر لقا الكمبيوتر مش قارى روحت لكهربائي واتنين وتلاتة مافيش فايدة كلهم اجمعوا على ان الدفيرة اتقسمت غلط لما المكنة البولو ركبت وان اللى اشتغل فيها كان كهربائي معندوش ضمير ولازم اجيب دفيرة كاملة واركبها وفيشة الكمبيوتر وكل حاجة فى العربية ترجع تانى لاصلها وتشتغل ...
المهم ربنا رزقنى بكهربائي سيارات بيكشف بالكمبيوتر اسمه عمرو ابو يوسف قدام مسجد خاتم المرسلين بالعمرانية ... دكتور حل الدفيرة وقسمها من اول وجديد ووصلى حساس الشكمان والفاكيوم بالدفيرة لانهم كانو مش متوصلين ونضف البوابة والفيشة قرت والدنيا بقت كويسة ...
المشكلة انى دايخ على حساس الفاكيوم مش لاقية ...
حد يفيدنى ويقولى الاقيه فين وبكام ؟؟؟؟
مع العلم لفيت التوفيقية والوكالة مش لاقيه ......

[SYD]

وعليكم السلام ورحمة الله وبركاته
في البداية أحب أرحب بيك في قسم سيات نايل موتورز

الف مبروك العربية والف مبروك الموتور
بس ممكن توضيح يعني ايه حساس فاكيوم
انا اول مرة اسمع الأسم دة

ياريت توضيح اكتر من كدة

تحياتي

[Hazem_Ahmed]

متابــــــــع

[محمد بدرو]

حساس الفاكيوم ده قطعه فيها خرطوم واصل بالبوابه وخرطوم صغير واصل بعلبة الفاكيوم بالاضافه لمكان الفيشة ....
وكل بتوع قطع الغيار في التوفيقية استغربوا من الاسم برضه لكن لما شافوه قالولي ده مش بنجيبه لان الطلب عليه نادر .....

[محمد بدرو]

وتحياتي ليك يا ابو السيد ......

[SYD]

انا بحاول اجمع معاك
انت تقصد العلبة الأسطوانية اللي بتركب في ظهر الفانوس اليمين ؟؟؟؟
لو هي دي
اسمها مبخر البنزين

[محمد بدرو]

بالظبط كده هى ورا الفانوس اليمين مباشرة اسطوانة طولها حوالى 30 سم وزى ما قولتلك قبل كده يا باشا فوقها مباشرة حساس ليه خرطوم واصل بالبوابة وخرطوم فى الاسطوانة نفسها الكمبيوتر قرا الحساس ده وعلى فكرة عصام الميكانيكى اللى فى شارع الاشول لما روحتله الكمبيوتر بتاعة ( لاب توب ) لما وصله بالفيشة ماقراش لكن لما روحت قسمت الضفيرة صح عند عمرو ابو يوسف ووصلت الحاجات اللى كانت مش متوصله زى حساس الشكمان واسطوانة الفاكيوم التكييف بقى شغال زى الفل والعربية مبقتش تبطل وهى ماشية.....
لكن العربية مابتسحبش كويس ده والتكييف شغال بس وبدوس بنزين ع الاخر والعربية بحس انها مخنوقة ومكلبشة وكمان الار بي ام بيعلي ويوطى ف عمرو قاللى الحساس ده عاوز يتغير هاتو وتعالى نركبه ونكشف كمبيوتر تانى ونشوف الايرور هايروح ولا لأ والايرور اللى طلع اسمه كان كده filter system son lied والمشكلة انى دايخ عليه نزلت التوفيقة مالقتوش وهدور النهاردة فى اللبينى هرم وربنا يسهل
وتحياتى ليك ياباشا وشكرا على اهتمامك

[SYD]

بالظبط كده هى ورا الفانوس اليمين مباشرة اسطوانة طولها حوالى 30 سم وزى ما قولتلك قبل كده يا باشا فوقها مباشرة حساس ليه خرطوم واصل بالبوابة وخرطوم فى الاسطوانة نفسها الكمبيوتر قرا الحساس ده وعلى فكرة عصام الميكانيكى اللى فى شارع الاشول لما روحتله الكمبيوتر بتاعة ( لاب توب ) لما وصله بالفيشة ماقراش لكن لما روحت قسمت الضفيرة صح عند عمرو ابو يوسف ووصلت الحاجات اللى كانت مش متوصله زى حساس الشكمان واسطوانة الفاكيوم التكييف بقى شغال زى الفل والعربية مبقتش تبطل وهى ماشية.....
لكن العربية مابتسحبش كويس ده والتكييف شغال بس وبدوس بنزين ع الاخر والعربية بحس انها مخنوقة ومكلبشة وكمان الار بي ام بيعلي ويوطى ف عمرو قاللى الحساس ده عاوز يتغير هاتو وتعالى نركبه ونكشف كمبيوتر تانى ونشوف الايرور هايروح ولا لأ والايرور اللى طلع اسمه كان كده filter system son lied والمشكلة انى دايخ عليه نزلت التوفيقة مالقتوش وهدور النهاردة فى اللبينى هرم وربنا يسهل
وتحياتى ليك ياباشا وشكرا على اهتمامك

لا بص
انت قولت دلوقتي حاجتين غير بعض
المبخر انا معاك انه له حساس ولو الحساس او احد خراطيم القاكيوم فيه مشكلة هتخلي الار بي ام مش مظبوط
عموما المبخر دة احنا معظمنا لاغيه وﻻ يؤثر بشكل كبير علي الاداء او الاستهلاك

اما الايرور بتاع فلتر والسولينيد فدة حساس في التكييف عشان يشتغل ويفصل

تحياتي

[محمد بدرو]

هو الايرور ده ترجمته نظام تصفية الملف اللولبي ومعلش اعذرني دي اول عربيه ليا ولسه شاريها من شهر ونص علي حالتها كده فاخبرتي علي قدها
يعني افصل مبخره البنزين دي خالص ومادوخش نفسي ع الحساس ده .....
ولا اعمل ايه دلوقتي انا ولو روحت لعصام الاب بتاعة مش بيقرا ع العربية لكن اي كمبصوتر تاني بيقرا