رملة وتراب علي طارة الدريكسيون من ناحية زرار الانتظار

[sam_eh420]

السلام عليكم ورحمة الله وبركاتة
رجالة المنتدي انا بلاقي دايما رملة وتراب علي طارة الدريكسيون من ناحية زرار الانتظار وكل ما امسحها ترجع تاني بعد اي مشوار صغير محدش عارف دة من اية؟ انا عارف اني في فتحة في صدر العربية بس مش عارف اوصلها .
ارجو الافادة
ابيزا 94

[SYD]

علي الطارة ولا القطمة ؟؟؟

[mohammad isdf]

يا عم كويس انها جت على اد كده انا عندى بلاقى الطابلوه بقى عليها بودرة معرفش بتخش منين

[Hazem_Ahmed]

يا عم كويس انها جت على اد كده انا عندى بلاقى الطابلوه بقى عليها بودرة معرفش بتخش منين

وانا اللى كنت فاكر ان المشكله دى عندى انا بس :)))))))))))))))))))

[Hazem_Ahmed]

السلام عليكم ورحمة الله وبركاتة
رجالة المنتدي انا بلاقي دايما رملة وتراب علي طارة الدريكسيون من ناحية زرار الانتظار وكل ما امسحها ترجع تاني بعد اي مشوار صغير محدش عارف دة من اية؟ انا عارف اني في فتحة في صدر العربية بس مش عارف اوصلها .
ارجو الافادة
ابيزا 94

صدر الابيزا مفوش غير فتحه خراطيم التكييف و الصليبه فقط وغير كده يبقى ف لعب ف الصدر

الصليبه اللى واصله بين القطمه وعلبه الدريكسون بيكون ليها كاوتشه خارجيه بتغطيها وتمنع دخول اى حاجه منها لانها مشهوره بدخول العرس من المكان ده وكاوتشه تانيه داخليه ودى بتمنع دخول حراره الماتور لحضرتك وانت قاعد والاتنين طبعا ليهم دور ف تقليل الحراره والاتنين دول لو مش موجودين ومشيت ف شارع مترب قوى هتلاقى التراب ع القطمه يعنى من تحت التابلوه

اما ان التراب يوصل لعندك ع الطاره لحد زرار الانتظار هده ملوش غير معنيين من وجهه نظره يا اما انت عندك شباك تحت القطمه بحرى فاتح ع الماتور او ان التراب ده داخلك من الشباك وصر العربيه ملوش علاقه

والله اعلم ونسمع بره رائ باقى الاعضاء

[mohammad isdf]

اعتقد ان فتحات التكييف ليها عامل كبير فى الموضوع ده وممكن لو الإزاز مش متحاوط بالجلد اللى فى آخر الفرش بتاع الباب .. ممكن بردو يكون ليه عامل ..

[Hazem_Ahmed]

اعتقد ان فتحات التكييف ليها عامل كبير فى الموضوع ده وممكن لو الإزاز مش متحاوط بالجلد اللى فى آخر الفرش بتاع الباب .. ممكن بردو يكون ليه عامل ..

ده لو الجلد بتاع الجريده اللى اخر فرش الباب ده مش موجوده هوا مش هيستمتع بالتراب بس

خد عندك اصوات وشخاليل ف المطبات ومعرض ان الازاز يتكسر لان هيكون ف بوش ف اللوح ده غير ان ف كل غسله الميه هتدخل ف بطن الباب وطبعا الميه هتنزل ع التراب اللى ف الباب وتعمل طينه وتسد مخرج الميه والباب يصدى وف الاخر هتحرقله مكن الازاز لو كهربا ولو عنده وحده رفع يبقى بالسلامه هيا كمان

يارب سلم سلم واجعل كلامنا خفيف عليهم :)

[Karim Ibiza]

انا كان عندى نفس الموضوع
أعتقد الموضوع ملهوش غير تفسيرين
ان فتحة فلتر التكييف تكون هى السبب ويكون التراب بيطلع من خلف الطابلوه
او ان تصميم الـ aerodynamics بتاع القوايم والزجاج الجانبى بيسمح بدخول الهواء والتراب وده اللى بيخليك تقفل الشباك وانت بتجرى لأن الهوا بيدخل بكميات كبيرة وبيلطش فى وشك وبالتالى التراب بيدخل معاه

[sam_eh420]

اولا شكر ا علي الردود المتنوعة دي بس الموضوع ملوش علاقة بالشباك لان الرملة والتراب بتكوت موجودة فقط في الجزء اللي بين الكلاكس وزرار الانتظار والتابلوة دايما نظيف كأن حد راشش شوية رملة بأيده واعتقد ان ممكن تكون من فتحة التكييف لان التكييف عندي متشال اصلا وانا شاري العربية كدة وزرار الانتظار بردو بايظ وكأن الرملة او التراب طالع من الفتحة بتاعة زرار الانتظار . بصراحة مش عارف لان المشكلة دي جديدة علية ومكنتش موجودة قبل كدة.