مشكلتي مع نقص المياه

[Mahmoudyoussif]

كنت كتبت هنا على جوان الوش والناس مشكورة ردت علي
بس انا شاكك ان نقص الماية من العربية عندي مش من الجوان
اولا الزيت مش مطحن ... العربية ممكن امشي بيها 3-4 ايام من غير الماية تنقص
سحب العربية ممتاز ... ما اعرفش ليه علاقة بالجوان ولا لا
الخلاصة عايز حد بتاع ريداتيرات يكون في منطقة عين شمس - الحرفين -الف مسكن - مدينة نصر
لأني شاكك في الميانيكي و كمان القربة ما بتنفخش ماية و الموتور شغال و العربية سخنة
و اظن ان دي علامات الجوان ... كان في مكان تسريب و ان غيرتة الطبة اللي هيا جنب الحساسات
(العربية بولو 95) فالرجاء الافادة لاني عايز اخلص من الهم دا و اشوف حد بتاع ريداتير محترم

[SYD]

بص حضرتك
مش لازم الحوان ان الماية تطحن
ممكن يكون في تسريب وبيطلع البخر من الشكمان
لكن ان الماية تنقص كل 3 ايام دة مش طبيعي
شيك علي الدورة والقربة وغطاها والشجرة والخراطيم والوصلات
وعلي فكرة الموتور ليه طبات تاني غير طبة شجرة المياة

[mk3]

بص حضرتك
مش لازم الحوان ان الماية تطحن
ممكن يكون في تسريب وبيطلع البخر من الشكمان
لكن ان الماية تنقص كل 3 ايام دة مش طبيعي
شيك علي الدورة والقربة وغطاها والشجرة والخراطيم والوصلات
وعلي فكرة الموتور ليه طبات تاني غير طبة شجرة المياة

بالضبط
عندى نفس الموضوع ومفيش تسريب واغلب الظن ان المياه بتخرج من جوان وش السلندر على الشكمان....وده مخلينى متردد افور وش الماتور ولا مفيش ضرر

[Mahmoudyoussif]

بالضبط
عندى نفس الموضوع ومفيش تسريب واغلب الظن ان المياه بتخرج من جوان وش السلندر على الشكمان....وده مخلينى متردد افور وش الماتور ولا مفيش ضرر

SYD الف شكر يا باشا بس انا عايز اقطع الشك باليقين لأني شفت كذا مشكلة
كلة بيقول جوان و بعدين بتطلع حاجة بسيطة . و بعدين هي بتديني اشارة نقص مش بتنقص على الاخر
هل ممكن اعمل انا تست بسيط اعرف انه جوان ولا لا

mk3 طب كتفي على كتفك قبل ما يكون فيها جوان فعلا و الوش يقفع ممكن اتابع معاك

[SYD]

بالضبط
عندى نفس الموضوع ومفيش تسريب واغلب الظن ان المياه بتخرج من جوان وش السلندر على الشكمان....وده مخلينى متردد افور وش الماتور ولا مفيش ضرر

لا طبعا كدة بداية خطر
لو فضلت ماشي عليها هيحصل العكس
هتلاقي الزيت هو اللي بدأ يدخل غرفة الحريق ويدخل علي الماية

ربنا معاك

[SYD]

syd الف شكر يا باشا بس انا عايز اقطع الشك باليقين لأني شفت كذا مشكلة
كلة بيقول جوان و بعدين بتطلع حاجة بسيطة . و بعدين هي بتديني اشارة نقص مش بتنقص على الاخر
هل ممكن اعمل انا تست بسيط اعرف انه جوان ولا لا

mk3 طب كتفي على كتفك قبل ما يكون فيها جوان فعلا و الوش يقفع ممكن اتابع معاك

للأسف اعتقد مالهاش تيست
لازم تفك وتشوف الدنيا فيها ايه
ولو فكيت هتضطر تغير جوان بالمرة - حتي لو من غير ما تمسح عند خراط
بس المشكلة ان فك وتركيب وتغيير جوان مصنعياتها غالية وفي احتمال ان الجوان مايكونش زي الأصلي
دة كله بفرض ان المشكلة مش منه اصلا

اعمل تشيك علي كل حاجة بتمر فيها الماية ولو كله سليم يبقي لا مفر من الجوان

تحياتي

[Elawany13]

احيانا بيكون فيه تسريب بسيط جدا مش ملحوظ
وعلى ما بتدور العربية وتروح لبتاع الرداتير بيكون الميه المتسربة اختفت ومش بيقدر يكتشفها
كان عندى نفس المشكلة
وانا اللى اكتشفتها بنفسى
نزلت تحت العربية الصبح قبل ما ادورها ولاقيت مكان التسريب وعالجته وكله تمام

[mk3]

هل اختبار كبس دوره المياه يقدر يحدد مكان التسريب ؟!

[Mahmoudyoussif]

ربنا يبارك فيكم ولله ... هوديها بكرة غالبا عند بتاع ريداتيرات
و هحاول اوافيكم بالجديد

[mk3]

هل اختبار كبس دوره المياه يقدر يحدد مكان التسريب ؟!

ممكن احدد مكان التسريب بالكبس وفى اى اضرار للكبس ؟

[Mahmoudyoussif]

انا دلوقتي ماشي بالعربية بتاع اسبوع و ما ادنيش اشارة للنقص
انا قربت اتجنن ولله ... طب ممكن اعمل اختبار كبس دورة تبريد دا فين

[saadelden]

معايا بولو و كان عندي مشكله نقص الميه
كنت بزود كل يوم مش اقل من لتر ميه

طلع العيب من ماسوره الميه الي ورا الماتور كان فيها شرخ بيسرب الميه اما العربيه تسخن

ف قبل ماتفك الوش اتاكد كويس جدا من الخراطيم و مواسير الميه

[Mahmoudyoussif]

معايا بولو و كان عندي مشكله نقص الميه
كنت بزود كل يوم مش اقل من لتر ميه

طلع العيب من ماسوره الميه الي ورا الماتور كان فيها شرخ بيسرب الميه اما العربيه تسخن

ف قبل ماتفك الوش اتاكد كويس جدا من الخراطيم و مواسير الميه

الف شكر يا باشا