افيدوني في الطبلو ابيزا 94

[محمد ابراهيم ا]

عربيتي كردوبة 94 وجبت نص فاضي بالتبلوه 2002 المهم ركبت الرفارف والفوانيس ولاكصدام وكلو تمام بالنسبة للصاج
عايز بقي اركب الطبلو الشيك التاتش الجميل دة ينفع ولا لا ؟؟؟
ولو هينفع فين وازاي وبكام ومحتاج اية ؟
ولو مش هينفع ابيعو لمين وبكام وفين ؟
ارجو الرد علشان انا محتار ومش عارف اعمل اية في علامات الاستفهام دي


تحياتي

[Karim Ibiza]

أهلا بيك يا أستاذ محمد

الطابلوه يركب عندك مفيش مشاكل بس لازم كهربائى فاهم هو اللى يركبه عشان ينقلك الضفيرة كمان معاه
للأسف معرفش مين اللى فى القاهرة بيعمل ده ولكن ان شاء الله الاعضاء يدخلوا ويفيدوك باسم كهربائى كويس

[محمد ابراهيم ا]

شكرا استاذ Karim Ibiza

[nesr6060]

لو هتبيعه انا قولتلك هاخده على 1000 واسال على سعره
ده غير انك قولت هنقسم مصاريف نقله بنا وعلى كلامك هيبقى واقف على 1150
اسال الرجاله هو سعره كام

[Mahmoudyoussif]

بص انا شفت واحد مركب طابلوه ابيزا 2000 على ابيزا 94 في الحرفين و شفته و هوا بيفنشه كمان

بص في اتنين واحد اسمه علاء بلية دا حراق مصنعيته بتاع 350 جنيه بس شغله نضيف بالامانه و تنك

و في واحد تاني دا اللي شفته راكب عنده و شفته و هوا بيقفل فيه .... في الحرفيين في شارع المرسيدس

اسأل على وليد جولف و وائل جولف هوا الكهربائي اللي قدامهم ... لو ما عرفتش توصل انا متابع معاك

[elokle]

سعيد الكهربائي ده تخصص جولف وابيزا في شارع الجولف في الحرفيين قصاد الجامع بس مشكلته انه بطيء شويه بس عفريت وعارف مكان كل سلكه وفيشه