إبيزا ٩٤ .... تعمل كام

[fadynabil]

أنا بفكر أبيع عربيتي ومش عارف تعمل كام لأني بسمع أرقام متفاوته جداً
ع العموم دي مواصفات العربيه وياريت لو حد يقولي تقديره تعمل حوالي كام
- مو ٩٤ GLX
- ١٣٠٠ cc
- لون أزرق ميتالك رشه بره فقط ولسه دهان جديد
- حاله الصالون جيده جدا جدا من الأخر أنا كنت شاريها من بنت فكانت محافظه عليها أوي
- متعدله إكصدامات ٩٨ وشبكه .... (شكل ال ٩٨ بالظبط)
- كامله بدون تكييف (سنتر - إنذار - زجاج كهرباء - جنوط سبور ١٥ كاوتش ١٩٠/٥٠ )
م الأخر العربيه واقفه و مش متهانه
وحالة الموتور كويسه والعفشه كمان لسه مغيرلها كبالن ومساعدين أصلي .... يعني م الأخر
اللي هايشتري هايركب
فـــ ياريت أحب أعرف تقدير السعر وإيه أعلي سعر ممكن تجيبه وأقل سعر ممكن تجيبه

[iBiZa]

اعتقد هتبقى من 34 الى 36 و الله اعلم.

[Sharky]

هى عاملة كام كيلو ؟

[fadynabil]

هى عاملة كام كيلو ؟

حوالي ١٣٠ ألف
بس العداد كان بايظ وصلحته غيرتله الترس اللي جوه بس مش فارقه
عشان أنا لسه مظبط الموتور ومغيرله جوانات وشمبر وصبابات

[mohamed ibiza]

كبس الموتور كام؟؟او اقصي سرعة جابتها كام و ازاي 130الف كيلو و مغيرلها صبابات و شنبر ده انا لحد دلوقتي مفتحتش الموتور اصلا و داخل في 400الف

سؤال علي الماشي جبت كام صباب و جبتهم منين و ماركتهم ايه و سعرهم كام

[Sharky]

انا شايف يالكتير قوى 32 الف

[Mohamed_Ibiza]

لا يا شاركي 32 ايه بس انا شايف السعر شوية 32 وبعدين انت بتقول بالكتير

وبعدين انا مشوفتش ابيزا ب 32 والله غير كوبيه ومهما كانت حالتها

هي ممكن تعمل 34 او 35 يا باشا

[Sharky]

إنت أدرى منى لإن معرفش السوق حاليا
أنا بتكلم لإن دى كانت الأسعار إللى بتخلص فى السوق من 3 شهور تقريبا فممكن تكون إتغيرت

[fadynabil]

كبس الموتور كام؟؟او اقصي سرعة جابتها كام و ازاي 130الف كيلو و مغيرلها صبابات و شنبر ده انا لحد دلوقتي مفتحتش الموتور اصلا و داخل في 400الف

سؤال علي الماشي جبت كام صباب و جبتهم منين و ماركتهم ايه و سعرهم كام

جبتهم من عند واحد في فيصل إسمه الشيخ عمرو في أول فيصل وكانو تقريباً بــ 325
أقصي سرعه جبتها كانت حوالي 145 / 150
علي فكره أنا مركب جنوط ١٥ كاوتش ١٩٥ /٥٠
وأنا سمعت إن ده بيتقل العربيه شويتين

[mohamed ibiza]

325 انت بتهظر اكيد بتهظر بجد الرقم ده انت اشتريت كام صباب جديد ولا مستعمل ماركة الصباب ايه htk ولا ايه و الكلام ده من امتي بظبط و علي فكرة واحد صاحبي في ابيزا2001 1000 سي سي مجنطها زيك كده نفس المقاسات و العربية زي الفل و في الجري 100 100 و 1000 مش 1300 جاوبني علي الحاجات دي بليييييييز

[fadynabil]

325 انت بتهظر اكيد بتهظر بجد الرقم ده انت اشتريت كام صباب جديد ولا مستعمل ماركة الصباب ايه htk ولا ايه و الكلام ده من امتي بظبط و علي فكرة واحد صاحبي في ابيزا2001 1000 سي سي مجنطها زيك كده نفس المقاسات و العربية زي الفل و في الجري 100 100 و 1000 مش 1300 جاوبني علي الحاجات دي بليييييييز

ليه هو المفروض يبقوا بكام د أنا حتي سأالت عند فتح الباب كان عندو نوع بـ حوالي ١٩٠ ٢٠٠
وكانو ٤ صبابات

[fadynabil]

ده طقم الصباب بتاع ال ٢٠٠١ ب ٤٩٠ الألماني

[mohamed ibiza]

دي اكيد صبابات مضروبة واحد صاحبي بكوردوبا 2001 نسي سير الكاتينة لحد ما ضرب و دورتله في مصر و اسكندرية و دمياط علي صبابات كوردوبا 2001 ملقيناهاش غير في التوكيل ب 2800 جنيه شاملة الضريبة يبقي اكيد ابو 490 جنيه حاجة مضروبة او مستعملة محدش عارف هي ايه بظبط و اسعار الصبابات اللي قلتها دي بجد رخيصة جداااا استني عليا شوية كده هسأل عليها تاني و ابقي اقولك

[fadynabil]

دي اكيد صبابات مضروبة واحد صاحبي بكوردوبا 2001 نسي سير الكاتينة لحد ما ضرب و دورتله في مصر و اسكندرية و دمياط علي صبابات كوردوبا 2001 ملقيناهاش غير في التوكيل ب 2800 جنيه شاملة الضريبة يبقي اكيد ابو 490 جنيه حاجة مضروبة او مستعملة محدش عارف هي ايه بظبط و اسعار الصبابات اللي قلتها دي بجد رخيصة جداااا استني عليا شوية كده هسأل عليها تاني و ابقي اقولك

إزاي يا محمد اللي في موضوع مكتوب فيه طقم الصباب ٤٩٠ ألماني وده اللينك

http://www.nilemotors.net/Nile/showthread.php?t=29927

شوفه وقوللي وبعدين إزاي صقم صباب بــ ٢٨٠٠ طيب لو هجيب موتور كامل هيبقي بكام بقي لأ إتأكد الأول ... بقوللك صحيح هو طقم الصباب ده إيه أعراضه لما يكون فييه مشكله
عشان أنا حاسس إن الميكانيكي كان بيشتغلني ... أنا كان عندي العربيه بتاكل زيت بس
فقاللي إحنا هنغير شمبر وبالمره صبابات عشان يبقي الموتور مــ الأخر
.. وبعدين يا محمد دالواحد لو فكر يجيب موتور 1600 بالفتيس بالشكمان وعلي شرط تكون مكنة محترمه هتعمل بتاع 5000 جنيه ... يبقي إزاي الأسعار دى
وعلي العموم لوعايز تستفسر عن حاجه ممكن أديللك تليفوني .. ده إحنا جيران ...
هو مش إنت في الهرم برده

[mohamed ibiza]

إزاي يا محمد اللي في موضوع مكتوب فيه طقم الصباب ٤٩٠ ألماني وده اللينك

http://www.nilemotors.net/Nile/showthread.php?t=29927

شوفه وقوللي وبعدين إزاي صقم صباب بــ ٢٨٠٠ طيب لو هجيب موتور كامل هيبقي بكام بقي لأ إتأكد الأول ... بقوللك صحيح هو طقم الصباب ده إيه أعراضه لما يكون فييه مشكله
عشان أنا حاسس إن الميكانيكي كان بيشتغلني ... أنا كان عندي العربيه بتاكل زيت بس
فقاللي إحنا هنغير شمبر وبالمره صبابات عشان يبقي الموتور مــ الأخر
.. وبعدين يا محمد دالواحد لو فكر يجيب موتور 1600 بالفتيس بالشكمان وعلي شرط تكون مكنة محترمه هتعمل بتاع 5000 جنيه ... يبقي إزاي الأسعار دى
وعلي العموم لوعايز تستفسر عن حاجه ممكن أديللك تليفوني .. ده إحنا جيران ...
هو مش إنت في الهرم برده

والله يا بوب السعر كده في التوكيل و صاحبي جايبهم و ركبهم في الكوردوبا عند ماستر فولكس في نزلة البطران لو تعرفها جنبي هنا في المريوطية
صاحبي يعرف ناس في التوكيل خلوه ياخد الطقم و يركبه برا كمان
الصبابات و الشنبر يخلوا العربية تاكل زيت ده مش هنختلف عليه بس انت بتقول عربيتك ماشيه 130 الف انت لو بتعمل بيها كل يوم 1000 كيلو عمر الصبابات ما هيحصلها حاجة في الفترة القصيرة دي انا عندي عربيتي موتورها متفتحش اساسا و ماشي 399 الف انت بتقول ان عداد الكيلو كان واقف نفترض مثلا انها ماشية 180 200 الف كمان عمر الصبابات ما تبوظ في الفترة القصيرة دي انا مستغرب بصراحة ممكن الراجل يكون اشتغلك ولا حاجة و متستغربش من اسعار التوكيل الهندسية حاجته غاليه بس اصلي و شغلهم نضيف
انا في الهرم في المريوطية يا باشا احنا كده جيران فعلا انت فين في الهرم:)