عاوز اعرف سعر الابيزا 2001

[sherif1425]

السلام عليكم
عاوز اعرف سعر الابيزا 2001 (تكييف - بور -سنتر -زجاج )بس للاسف 1000 سي سي رشة خارجى كان صاحبها طالب 43000 جم كده سعرها مناسب ولا غالى ومعلش طلب هو بيقولى حاجتها رخيصة ومتوفره مع انى مش بشوف الشكل ده كتير ارجو من اهل الخبرة افادتى

[SYD]

السعر كويس إلي حد ما
دي كدة الكاملة
هتلاقيها كمان مرايات كهرباء ومفتاح بالريموت
لو حالتها كويسة توكل علي الله
بس لو فيها اي حاجة عايزة تتعمل يا أما يعملها علي حسابه يا أما تنزلها من السعر

تحياتي

[sherif1425]

اشكرك على الرد
هى فعلا مرايات كهربا وكان فيها انذار بس مش عارف الاصلى ولا راكب بس اللى مخوفنى قطع الغيار علشان الشكل ده منه 2001-2002 تقريبا فاحاسس ان قطع الغيار قليلة يعنى هو ده موتور الموديلات اللى قبليها 1000 سي سي 98 مثلا

[SYD]

اشكرك على الرد
هى فعلا مرايات كهربا وكان فيها انذار بس مش عارف الاصلى ولا راكب بس اللى مخوفنى قطع الغيار علشان الشكل ده منه 2001-2002 تقريبا فاحاسس ان قطع الغيار قليلة يعنى هو ده موتور الموديلات اللى قبليها 1000 سي سي 98 مثلا

قطع الغيار متوفرة عادي
سواء جديد او استيراد
والموتور مختلف تماماً عن الموديل اللي قبلها

تحياتي

[hossamalsadik]

السعر كويس توكل على الله
بس افحص العربيه كويس وأساسياتها والحجات الصغيره
قطع الغيار متوفره فى كل مكان جديد واستيراد والسعر فى المعقول ومعمره جدا نظرا لجودة الصناعه
الموديل ده بداية من 2000 الى 2002 نفس الشكل

بتقول العربيه 1000cc للاسف ليه هوا الاف وحش هيقضى معاك الغرض ويفيض ألا أذا كنت غاوى شد بالعربيه
العربيه منتشره بس أنتا مكنتش واخد بالك منها أوى

[ENG.MaRk]

بصراحة أنا شايف إن 1000 سي سي مش وحشة أوي بالنسبة للابيزا و كمان موفرة في البنزين .... السعر مناسب ... قطع الغيار متوفرة و معمرة ... توكل علي الله

[sherif1425]

اصل معايا برايد سيدان 1300 لما بشغل التكييف السحب العربية بيبقى فى الكنافة خالص فاخايف من 1000 علشان كده مش اكتر وموضوع قطع الغيار علشان انا عربيتى نوع ما اكتر انتشار وبالرغم من كده ساعات بالف على حاجات ليها ومعلش حاجة كمان افتكرتها جربت الف الدريكسون بتاع الابيزا علشان اشوف البور لقيت فيها بوش مش جامد قالى انا مش عاوز اصلحا علىشان الايرباج مينورش هى مالهاش حل الموضوع ده .... اسف على الاطالة

[Karim Ibiza]

اصل معايا برايد سيدان 1300 لما بشغل التكييف السحب العربية بيبقى فى الكنافة خالص فاخايف من 1000 علشان كده مش اكتر وموضوع قطع الغيار علشان انا عربيتى نوع ما اكتر انتشار وبالرغم من كده ساعات بالف على حاجات ليها ومعلش حاجة كمان افتكرتها جربت الف الدريكسون بتاع الابيزا علشان اشوف البور لقيت فيها بوش مش جامد قالى انا مش عاوز اصلحا علىشان الايرباج مينورش هى مالهاش حل الموضوع ده .... اسف على الاطالة

عشان الاير باج مينورش لما يفك الطارة لازم اللى يفكها يكون فاهم عشان ميقطعش الكويل واللمبة تنور

وبعدين البووش ملهوش علاقة بفك الطارة لأن ده بيكون بووش فى الاسكترا وبيتم تغييرها او حشوها دون المساس بالطارة

بالنسبة لموضوع التكييف وتأثيره على السحب: أطلب من صاحبها انك تجربها وتشغل التكييف وتشوف اذا كان الموضوع هيكون مقبول بالنسبة ليك او لأ لأن التكييف بيأثر على اى موتور ودرجة التأثير بتتفاوت حسب قدرة وقوة الموتور

[ViLMoS]

السلام عليكم
عاوز اعرف سعر الابيزا 2001 (تكييف - بور -سنتر -زجاج )بس للاسف 1000 سي سي رشة خارجى كان صاحبها طالب 43000 جم كده سعرها مناسب ولا غالى ومعلش طلب هو بيقولى حاجتها رخيصة ومتوفره مع انى مش بشوف الشكل ده كتير ارجو من اهل الخبرة افادتى

قبل ما تاخد العربية افحصها في مكان مخصص للفحص زي بنزينة او مركز صيانة علشان يكشف علي الدهان والقوايم بالاجهزة مش كشف بالعين المجرده لان الابيزا مع شباب كتير جدا ولو مافيهاش اي حاجة توكل علي الله بس بصراحة السعر ده تشتريها وتكون متاكد ان العربية مافيهاش اي شئ

[sherif1425]

طيب ممكن اعرف مراكز الصيانة فين بتاعتها لو حوالين مدينة نصر ومصر الجديدة السواح الحتت دى اكون شاكر جدا

[SYD]

طيب ممكن اعرف مراكز الصيانة فين بتاعتها لو حوالين مدينة نصر ومصر الجديدة السواح الحتت دى اكون شاكر جدا

في سيد عبده عند كوبري التجنيد - جسر السويس
في عندك كذا مركز في شارع الأربعين - جسر السويس

[ViLMoS]

فيه عندك مركز صيانة خلف سوق السيارات بتاع مهندس اردني هيفحص العربية واساسياتها بالاجهزة وهيديك تقرير بيه وحيفحص كل جزء في العربية وهيجربها بنفسه وتكلفته 150 ج وبيفحص العربية في ساعة ويقولك كل شئ بصراحة انا لما بفحص علابية بوديها هناك عشان اتلسعت كتير من الصنايعية اللي عاملين نفسهم خبرة وتلاقي نفسك بتلبس فس حاجة يا اما مغيرة ربع يا اما نص يا اما فردتين شاسيه ويقولك فابريكة بصراحة مفيش اضمن من الكشف بالاجهزة بواسطة مهندس مختص

[sherif1425]

هو انا جربتها امبارح بس لقيت فيها حاجتين رخمين فى بوش جامد فى الدريركسيون وكل شويه تضرب كلاس لوحدها فاقولتلوا عليها قالى دى القطمه عاوزة تتغير ومش عاوز العب فيها علشان الايراباج مينورش والتانية عصاية الفتيس عايمة فى بوش فى كل الاتجاهات جامد قالى علشان الالمانى المارشدير على سوسته فى نفس اتجاة الاول مش مقتنع قوى بالكلام ده وغير ان فرش الباب فى السيارة متبهدل جدا ومش عارف يتغير ولا لا

وعلى فكرة انا لما سوقتها لقيت موضوع الـ1000 سي سي مع التكيف مش مكتف العربية قوى زى مالاستاذ hossamalsadik قال بس الصراحه فرق جامد العربيات الاوربى جامد جدا فعلا عربيات محترمة احسن من الكورى قفله الباب الصاج حلو التابلوه خاماته حلوه

[hossamalsadik]

ماتقلقش من عصاية الفتيس وفعلا المارشدير أدام بجوار النقله الاولى
بالنسبه لموضوع فرش الباب ممكن اى سروجى محترم يظبطهولك وممكن تعمله قماش او جلد زى ماتحب
ماتنساش ان فرش الفبريكه بقاله 12-14 سنه وده عيب فى أغلب الموديلات وفى الموديلا الحديه دلوقتى مابيطوش قماش بيخلوه جلد او فبر بلاستك كله
علبة الدركسيون اى ميكانيكى فولكس هيبصلك عليها ويحدد مشكلتها اما بالاصلاح او التغيير وبسيطه برضوا

[sherif1425]

اشكركوا جميعا على الردود هو محصلش نصيب بـ 41000 لقيت ان انا ممكن اجيب واحده انظف مش محتاجة شغل كتير
طيب سؤال فنى هو ليه مش بلاقى ابيزا موديل 95 و96 و2003 و2004 و2005