بفكر اركب انذار ابيزا 2002 الاصلي !!!

[A_7akam]

لا طبعا اكيت طلما عندك لمبه يبقى الانذار موجود
طيب راجع على السوكت الواصل للكلكس
هل لمابتقفل سنتر العربيه من الريموت الأصلى وتفتح السنتر بايدك وتفتح الباب الانذار بيشتغل يعنى أضاءة الاشارات بتضيىء وتطفى كده بدون صوت ولا ايه ؟

بص ياحسام أنا فاكر لما اشتريت العربية كنت لما بقفلها وافتحها بتعمل صور وانا متأكد من كده , بعد ما جبتها بيومين قولت اروح اعملها صيانة عشان واخدها من واحد , المهم بعد فترة اكتشفن إن العربية مش بتعمل صوت فقولت يمكن كان بيتهيألي انها كانت بتعمل صوت , وكت على الموضوع على كده بس كل لما ابص على اللمبة اقول اكيد ديه ليها سبب, والصراحة انا مش عارف ممكن يبقى العيب في ايه بالضبط.
بس لوحد معاه ابيزا او قرطبة نفس الموديل ممكن يفيدنا في الموضوع ده

[hossamalsadik]

هتلاقى 2كلاكس عند الرفرف اليمين واحد لكلاكس الدركسبون وواحد مخصوص للأنذار أتأكد أنه راكب كويس السوكت بتاعه
وأتأكد أن فيشته بتخرج كهربا لما بتشغل الانذار لان ممكن يكون الكلاكس بتعها باظ بردو
ديه اول خطوات لازم تعملها عشان الباقى معقد شويه

[seatibiza]

مبرووووووووووووووووووووك يا كبيرنا الف مبروك ..... واضح اني كبرتها في دماغك ...... شكلك هتتعب معايا الفترة اللي جايا عشان اركبه عندي انا كمان ...... تفتكر في امل اعمله عندي انا كمان ؟؟؟؟؟؟ ما انت عارف انا مصمم اني اوصل له هو و مؤشر الحرارة

[hossamalsadik]

الله يبارك فيك أنت تأمر

[SYD]

السلام عليكم
من فترة وانا طالعة في دماغي فكرة ومش عارف هي صح ولا لأ و قولت اخد رأيكم ........... انا طبعا عندي ابيزا 2002 وزيها زي اغلب الابيزا الموديل ده اللي في مصر متركبلها انذار عشان مش نازلة بانذارها الاصلي ..... طب لو عاوز اركب انذارها الاصلي اعمل ايه ؟؟؟؟ متهيألي هشتري فرش الباب اللي جنب السواق اللي فيه اللمبه بتاعت الانذار و اللي هيتوصل بالكلاكس .... طب هيبقي في تغيير في الضفيرة لا قدر الله ؟؟؟؟؟ طب في حاجة تاني المفروض هعملها او هشتريها غير فرش يكون موجود فيه الانذار الاصلي ؟؟؟؟ طب ايه مميزاته وايه عيوبه ؟؟؟؟ طب كدة هيبقي افضل ولا اسكت واخليني بالانذار اللي راكب في العربية زيي زي غيري وابطل افتكاسات علي الليل
ياريت النصيحة من وحوش الابيزا عشان انا محتار في الموضوع دة برغم عدم اهميته بس مالاقيتش حد اتكلم فيه قبل كدة

أولا انا بعتذر منك جداً تأخري في الرد علي موضوعك
ثانياً انا مش هضيف كتير لأن للأسف الشديد انا عربيتي بايظ فيها الأنذار بتاعها ومركب انذار خارجي
بس هقولك كل معلوماتي عن الموضوع لأني بحثت فيه مع زلفي ومع أخ اخر اسمه هيثم عجاتي كان من اعمدة القسم في فترة سابقة وربنا فتح عليه وغير الأبيزا بس مازال بيدخل من وقت لأخر زي زلفي بالظبط

بص يا سيدي
اولا الأبيزا بتنزل علي فئات زيها زي اي عربية وفئة sxe كانت بتنزل بأنذار فبريكة بالريموت فبريكة
وكانت بتعمل صوت ونور الصوت من بوق منفصل عن الكلاكس والنور طبعاً من الأشارات وليس الكشافات

من خلال خبرتي مع الأبيزا والفولكس عموماً - بينزلوا الضفيرة كاملة بكل مشتملاتها في الفئات الأقل حتي لو مش فيها التجهيز اللي هيركب علي الضفيرة - يعني ايه ؟؟؟؟
مثال
بينزلك بضفيرة الفوانيس كاملة حتي لو مش عندك فوجات وبالتالي بتشتري الفوجات وتركبها وهتلاقي فيشتها موجودة بأذن الله بس هتغير مفتاح النور عشان تجيب المفتاح اللي فيه تكة الفوجات
اما لو التجهيز fatal او كبير يعني للأسف الشديد الضفيرة بتنزل ناقصة ودة لأن لو التجهيز سيستم متكامل فبالتالي بيكون ليه ضفيرة خاصة بيه وبتتزود كموديول أضافي علي الضفيرة الأساسية
وانا اعتقد ان الأنذار هيكون كدة - ولكن بردو مفيش حاجة صعبة بل بالعكس انت في وضعك دة اسهل من واحد زي حالاتي عنده الضفيرة وعنده الأنذار بس في حاجة عطلانة ودي هتكون اصعب في التدوير عليها من التركيب from scratch

وبالتالي
انا أنصحك الأول تسأل المتخصص (ودي بردو مش صعبة) وتشوف هيقولك ايه
واللي يقول عليه هتعمله
اغلب الظن انك هتشتري الدايرة بالكامل من فرش باب السائق للسنتر (كالون باب السائق بردو) بالمفتاح ووحدة الأنذار والبوق ودايرة الفصل من الكونترولر والضفيرة بتاعته
وبالتالي انصحك تشتري باب كامل متكامل احسن
لسبب
ضفيرة الباب بتيجي مع الباب مش مع الفرش وبالتالي انت عايز الضفيرة والكالون والفرش هتلاقي نفسك دافع ثمن باب لو خده علي بعضه ويمكن يكون نفس اللون
هتغير كونتاكت عشان تجيب الكونتاكت بمفتاحه وهتكودة كإيموبلايزر وككود انذار
يمكن تعمل remap للكونترولر بتاعك عشان تزود عليه الmodule بتاع الalarm system

بص انت هتروح لمصطفي اللي في الصحفيين = دة كهربائي فولكس دكتور بمعني الكلمة وعبقري - يمكن هتلاقيه غالي حبتين عن غيره بس عشان هو بجد عبقري ومايترحلوش في لمبات ومساحات وكلام فارغ من دة - هو بتاع الضفاير والقصص دي وهو هيقولك من الأخر المطلوب

دة رأيي الشخصي المتواضع وكل عام وانتم بخير

[A_7akam]

هتلاقى 2كلاكس عند الرفرف اليمين واحد لكلاكس الدركسبون وواحد مخصوص للأنذار أتأكد أنه راكب كويس السوكت بتاعه
وأتأكد أن فيشته بتخرج كهربا لما بتشغل الانذار لان ممكن يكون الكلاكس بتعها باظ بردو
ديه اول خطوات لازم تعملها عشان الباقى معقد شويه

بص ياحسام انا عملت كذا حاجة عشان أتأكد من وجود الإنذار والواضح إن العربية مفيهاش إنذار
أولاً بصيت على موضوع الكلاكس ده ولقتش غير سماعة واحدة بتاعة الدركسبون لأن لما فصلتها مبقاش في صوت.
فكيت فرش باب القيادة ولقيت اللمبة فعلا ليه فيشة بس مش موصلة بحاجة ده غي لإني لقيت فيش كتير جوه الباب وبردة مش وصلة مش عارف بقى هي الفيش دي بتاعت الإنذار وهما عاملين حساب يركب ولا بتاعت إية .
أرجوا المساعدة

[hossamalsadik]

أكيد الفيش ليها مكان بتركب فيه وبعدين طلما اللمبه بتنور يبقى فيه أنذار
بص على اللنك ده هل عندك وحدة سرينه زى الى هنا فى حوض العربيه
SEAT CORDOBA/VARIO [CO] (EUROPE) 2006: ELECTRICS: 95111. ANTI-THEFT ALARM SYSTEM

واخير لازم يتبص عليها من حد فاهم

[A_7akam]

أكيد الفيش ليها مكان بتركب فيه وبعدين طلما اللمبه بتنور يبقى فيه أنذار
بص على اللنك ده هل عندك وحدة سرينه زى الى هنا فى حوض العربيه
seat cordoba/vario [co] (europe) 2006: Electrics: 95111. Anti-theft alarm system

واخير لازم يتبص عليها من حد فاهم

لأ هيه اللمبة راكبة بس مش شغالة حتى فيشتها مش راكب في حاجة , كمان مفيش وحدة سرينة

[hossamalsadik]

يبقى كده معندكش أنذار