الغريب اعمى ولو كان بصير

[سيات]

لمبه الفوج الخلفيه فى التوليدو 2014
رحت التوكيل بابو رواش وكنت فاكر ان اللمبه اليمين الخلفيه بتاعه الفوج الخلفى محروقه ولكن لما سالت المهندس فى التوكيل ضحك وقاللى ان الالمان بيعملوا الفوج الخلفى لمبه واحده بس وهى اللمبه الشمال الخلفيه فقط هى اللى بتنور ودى علشان لما يبقى فى شبوره

[Mahmoudelsayed]

ههههههههههههههه يمكن

[J A G U A R]

مظبوط فعلا هيا بتنزل كده

كان مع صاحبى انسيجنيا وبردو الفوج الشمال اللى كان منور واليمين طافى

[ahmed.Elashy]

زيك بالظبط وقبل م اروح التوكيل بيوم زميلي قاللي ان كل الالماني كده .وف حاجه كمان لما تيجي ترجه بضهرك لمبه واحده بيضا بس اللي بتنور عكس الفوج .. جرب كده.. كنت فاكرهم محروقين..بس تفكيرهم غريب فعلا

[mirra]

اغلب الاوروبى كده على فكره

[A.Saad]

الشمال فايدته انه ينور حدود العربية من الجهة اللى فيها عربيات لانك تكون ملتزم باليمين فى الشبورة

[SYD]

فعلا الأوروبي عاماً والألماني خاصاً بيعمل كدة
لمبة الفوج لمبة واحدة شمال (لأن التخطي أصوله من الشمال - لأن الدريكسيون عندهم شمال زينا ماعدا انجلترا)
والريفيرس لمبة واحدة بس بردو وبتبقي نفس اللمبة الريفيرس في الفانوس اليمين هي الفوج في الشمال

كمان لو لاحظت ودققت في ارتفاع شعاع النور للكشافات الأمامية هتلاحظ ان الشعاع اليمين مرتفع نسبياً عن الكشاف الشمال او بمعني ادق الشمال هو اللي منخفض عن اليمين ودة مقصود عشان السيارات المقابلة لا تتأذي من شعاع النور عندك

تحياتي والف مبروك

[سيات]

تمام واشكركم جميعا عل التوضيح وعلى فكره نور الفوخ الخلفى النور الابيض لما ترجع بظهرك جربته لقيته الاثنين بينورو

[SMSMRACE]

عايز رقم التوكيل لو سمحتم

[سيات]

دا رقم التوكيل كيان ايجيبت 19178