قطع الغيار الأستيراد

[kyrillos]

الحمد لله لقيت القطعة على e-bay بحوالى 10 استرلينى, بحالة ممتازة, وبعتها لواحد زميلى فى انجلترا وجابها معاه وركبتها والحمد لله كله تمام
على فكرة e-bay موجود عليه حاجات كتير للعربيات دى, وحاجات جديدة ونضيفة
شكرا جدا لأستاذ كريم انه جابلى رقم القطعة, سهلت عليا عملية البحث جدا جدا

[mohammad isdf]

طب دى فكرة كويسة جدا ان احنا بعد كده نوفر على نفسنا بقى اللى عايز دينامو واللى عايز القطع الصغيرة اللى التجار عندنا بيولعوها

فهل ده هيبقى موفر ولا أغلى

هل حد ممكن يتقدم بشرح للمواقع دى والتكلفة بتتحسب ازاى والعملات المكتوبة دى باليورو ولا الاسترلينى ولا ايه
؟

بتكلم على موقع اى بياى

[Cater]

طيب ممكن حد يجبلي البارت نمبر بتاعت عاكس الشنطه بتاع ابيزا 94 او 98

[kyrillos]

بص فى حاجات الواحد هيشتريها من هنا عشان حجمها كبير
وفى حاجات صغيرة بس غالية قوى, أعتقد دى ممكن تطلبها أحسن

المشكلة بس فى حاجة, النقل
أنا من حظى كان فى واحد زميلى نازل, لكن مش دايما هيكون فى, فى حاجات كتير ناس بتعملها, ان اى حد نازل يجيبلك اللى تعوزه وياخد 10% مثلا, او انك تطلبها بالبريد, ودى ممكن تاخد شهرين عشان توصل, لو وصلت, وممكن القطعة تكون اتكسرت
فى حل تانى واحد صاحبى عاملة, انه مشترى عنوان بره كده, ب45 دولار بتدفع مرة واحدة بس, وهو بيبعت الطلبات دى للعنوان ده, وبعدين بيطلب الحاجات دى على بريد خاص زى فيدكس او دى اتش ال, البريد ده غالى شوية, بس نضيفة جدا جدا, وبتوصل فى خلال 3 أيام, وبيجيلك رسالة كل ماتدخل بلد (تتبع)
بس فى الحالتين, سواء بريد عادى او خاص, القطعة هتتجمرك حوالى 30% من قيمتها

مافيش فايدة ولا مفر
احنا فى بلد عظيم, بل ممكن يكون من أعظم البلاد بشكل مطلق
تفائل

[Mohamed_Ibiza]

الله يعينك والله

[Karim Ibiza]

الله يعينك والله

حمدالله على السلامة ياباشا وكل سنة وانت طيب

ياريت ترجع تشارك فى قسمك تانى زى زمان