جائزة محرك العام 2014 من نصيب VW Group

[Karim Ibiza]

International Engine of the Year
محرك العام على المستوى العالمى

هى مسابقة سنوية لصناع محركات السيارات ويتم التحكيم فيها من قبل فريق من صحفيين السيارات من جميع أنحاء العالم ويكون التنظيم من خلال اتحاد وسائل اعلام السيارات ومجلات السيارات, وكانت سنة 1999 هى بداية المنافسة.

ويتم تحديد الجائزة من خلال عدة معايير, من ضمنها:
- انطباعات القيادة
- الأقتصاد فى استهلاك الوقود
- الضجيج ونعومة الأداء
- الإعتمادية

تذهب الجائزة هذه السنة للمرة التاسعة على التوالى للمحرك 1.4TSI من فولكس جروب

تتسلم اليوم تكنولوجيا TSI من فولكس واجن جائزة محرك العام على المستوى العالمى للمرة التاسعة على التوالى فى فئة المواتير من 1.0 الى 1.4 لتر, وبالتالى فإن محركات TSI هى المحركات الأكثر نجاحا فى تاريخ هذه المسابقة الدولية لتكنولوجيا المحركات.

لعدة سنوات, استطاعت العلامة التجارية TSI من فولكس واجن تقليص السعة اللترية بذكاء. على الرغم من صغر السعة اللترية نسبيا فإن محركات TSI تستطيع ان تنتج طاقة لا تستطيع ان تنتجها إلا محركات أكبر منها فى السعة اللترية. إن محرك TSI متوفر الأن بسعات لترية مختلفة وقدرات تبدأ من 66KW/90PS إلى 221KW/300PS. إن أول محرك TSI Twin Charger كان فى 2006, والأن مرة أخرى الحصول على الجائزة, والفضل فى ذلك يرجع إلى اضافة Turbocharger وضاغط ميكانيكى يجعل عزم الدوران أعلى وفاعلية أكثر.

ومع ذلك فإن فكرة تقليص السعة اللترية لم تنتهى: فإن أخر اصدارات عائلة TSI هو محرك الـ Polo TSI BlueMotion الجديدة بحجم 1.0 لتر ويولد قوة مقدارها 66KW/90PS. ويعتبر هذا أول محرك بسعة 1.0 لتر ذو ثلاثة اسطوانات بشاحن توربينى وسوف يتم إنتاجه فى النصف الثانى من هذا العام. ويتضمن هذا المحرك إستهلاك وقود بنسبة 4.1 لتر / 100 كيلومتر وقوة تصل إلى 90 حصان تقريبا.

مع تكنولوجيا نظام التحكم فى إدارة الأسطوانات (Active Cylinder Management (ACT التى أضافته فولكس واجن منذ العام الماضى, فإن إستهلاك الوقود يتم خفضه بطريقة إضافية عن طريق الإيقاف المؤقت للأسطوانة الثانية والثالثة.

وقد قدمت جائزة المحرك 1.4TSI هذا العام فى شتوتجارت إلى كارستن هيلبينج رئيس تطبيق EA888 وأنواع الوقود البديلة فى قسم فولكس واجن لتطوير المحركات, وقد أوضح كارستن فى كلمته بخصوص الجائزة: " إن نجاح محركات TSI بشكل لافت فى السنوات الماضية هو إثبات عن استطاعة الدمج بين الحد من السعة اللترية للمحركات مع الحقن المباشر و الشحن الذكى لتوليد قدرة ديناميكية عالية وانبعاثات عوادم أقل وإستهلاك وقود أقل فى نفس الوقت"

إن جائزة محرك العام الدولية هى المسابقة السنوية التى بدأت فى عام 1999 والتى تضم أكثر من 80 صحفى دولى فى مجال السيارات والذين يقومون بمنح الجوائز لأفضل المحركات فى مختلف الفئات. ويكون التقييم بناء على مجموع النقاط لبعض المعايير والتى تشمل تجربة الصحفيين الشخصية للمحركات محل المسابقة و إستهلاك الوقود وصوت المحرك وقدرته على إنتاج الطاقة.

[yasser100]

طبعا فولكس تستاهل . شكرا على المعلومه و مشاركتها

[S O P H O S]

يستحق طبعا
وبردوا بي ام واودي خدت جوائز فئات تانية من المحركات

[ENG.MaRk]

فولكس روعة بس هي تعمل محرك محترم و فتيس يخنق الموتور و السائق !!!
عن dsg أتحدث

[hany63]

اكيد اعضاء لجنة التحكيم قابضين
جايزة احسن موتور ايه بس و الفتيس اللي متوصل بيه في الشنايش

[hossamalsadik]

تسلم على الخبر
أعتراف دولى بتكنولوجيا فولكس رسمياً فى فئة معينه من المحركات وهى الغالبه فى الاستخدام بين الناس
وهى تستحق

الفتيس dsg عاوز طريقة قياده مختلفه عن الفتايس الاتوماتك الاخرى للحفاظ عليه

[SYD]

تسلم ايدك يا كيمو
موضوع رائع
شكرا علي المجهود ونقل الخبر
والمحركات دي عمرها ما كانت هتفوز لوﻻ فتيس dsg الذكي اللي بيخرج كل العزم والقوة الحصانية علي عدد لفات منخفض

تحياتي

[Karim Ibiza]

طبعا فولكس تستاهل . شكرا على المعلومه و مشاركتها

طبعا ياباشا, طالما فيه ابتكار يبقى تستاهل
شكرا لمرورك الطيب

يستحق طبعا
وبردوا بي ام واودي خدت جوائز فئات تانية من المحركات

أكيد طبعا لأن دى شركات كبيرة

فولكس روعة بس هي تعمل محرك محترم و فتيس يخنق الموتور و السائق !!!
عن dsg أتحدث

ياباشا الفتيس مفيهوش خنقة ولا حاجة, بالعكس
أى تكنولوجيا جديدة بتكون غريبة على المستخدم وطبيعى يحصل مشاكل بسبب عدم الاعتياد على استخدامها

اكيد اعضاء لجنة التحكيم قابضين
جايزة احسن موتور ايه بس و الفتيس اللي متوصل بيه في الشنايش

ههههههههه لا تعليق والله

تسلم على الخبر
أعتراف دولى بتكنولوجيا فولكس رسمياً فى فئة معينه من المحركات وهى الغالبه فى الاستخدام بين الناس
وهى تستحق

الفتيس dsg عاوز طريقة قياده مختلفه عن الفتايس الاتوماتك الاخرى للحفاظ عليه

صح كلامك , وقبل كده كان الـ VR6 والـ 1.8 20VT واخدين جوايز فى أواخر الــ90ــات

تسلم ايدك يا كيمو
موضوع رائع
شكرا علي المجهود ونقل الخبر
والمحركات دي عمرها ما كانت هتفوز لوﻻ فتيس dsg الذكي اللي بيخرج كل العزم والقوة الحصانية علي عدد لفات منخفض

تحياتي

فعلا عندك حق, بالأضافة كمان انه بيتفادى الـ Turbo Lag عشان ميحصلش فقد فى الطاقة فى حالة تجميع الـ Boost

[JapRuleZ]

انا ر أيى الخاص ان شركه فولكس لا تحترم عملائها و تعتبرهم فئران تجارب .... انا عمى كان معاه الباسات موديل 2010 و غير الفتيس ب 30 الف جنيه و كانت صدمه
على الاقل كانو يزودو الضمان الى 100 الف كيلو / او 5 سنين لو هما شايفين سيارتهم اعتماديه بشكل كافى و لا انا اجرب فى الناس لحد الفتيس ما الفتيس يبقى تمام و يلعب على سمعه الجولف الطيبه على مدى ال30 سنه اللى فاتو على حساب مئات الالاف من تعب الناس و فلوسها و ثقتهم فى الماركه دى

لو فتيس فيه عيوب كان الادعى ان العيوب دى تتحل فى حلبه الاختبارات فى المانيا مش فى الطريق الدائرى

قصه انى اسوق اوتو فى الطريق المفتوح و مانيوال فى الزحمه امال انا جايب العربيه ليه بالعكس المانيوال ممتع فى الطرق السريعه

[Mohamedjetta]

تستحق الجايزه الفولكس
اما بالنسبه لdsg بعد 2012 الشكاوي فيه متجيش3% من العربيات

[hany63]

تستحق الجايزه الفولكس
اما بالنسبه لdsg بعد 2012 الشكاوي فيه متجيش3% من العربيات

على فكره موضوع جايزة احسن موتور ده من ٢٠٠٧ و ده اللي اتقال في حملة الدعايه سنة ٢٠٠٨ قبل نزول الباسات رسميا اول ٢٠٠٩ و للحق الموتور فعلا ولا كاءنه ٢٠٠٠ سي سي
نييجي بقى لحتة الفتيس انه اتصلح من ٢٠١٢ الموضوع ده بقى عليه كلام هل الشكاوي قلت فعلا عشان غيروا في تصميم الفتيس بعد اكتشاف عيب في التصميم مثلا ولا انهم كانوا بيستعملوا خامات رديئه طمعا في المكسب و بعدين رجعوا لربنا بعد طوفان الشكاوي من كل حته في العالم او الاحتمال التالت انهم قاموا بتحسينه بقدر الامكان مع انخفاض المبيعات الملحوظ بدليل اني ممكن اقعد شهر كامل عشان اشوف الجيتا الجديده ماشيه في الشارع
انا برجح الاحتمال التالت لان مفيش تصريح رسمي صدر من الشركه الام يقول غير كده و لو فعلا الفتيس اتصلح على اساس هندسي و علمي كانوا المفروض لو دي شركه محترمه يعوضوا اصحاب العربيات الغلابه اللي باعوا العربيه بخسارة تلت تمنها بعد سنة استعمال نجاة من الفتيس

[hany63]

انا ر أيى الخاص ان شركه فولكس لا تحترم عملائها و تعتبرهم فئران تجارب .... انا عمى كان معاه الباسات موديل 2010 و غير الفتيس ب 30 الف جنيه و كانت صدمه
على الاقل كانو يزودو الضمان الى 100 الف كيلو / او 5 سنين لو هما شايفين سيارتهم اعتماديه بشكل كافى و لا انا اجرب فى الناس لحد الفتيس ما الفتيس يبقى تمام و يلعب على سمعه الجولف الطيبه على مدى ال30 سنه اللى فاتو على حساب مئات الالاف من تعب الناس و فلوسها و ثقتهم فى الماركه دى

لو فتيس فيه عيوب كان الادعى ان العيوب دى تتحل فى حلبه الاختبارات فى المانيا مش فى الطريق الدائرى

قصه انى اسوق اوتو فى الطريق المفتوح و مانيوال فى الزحمه امال انا جايب العربيه ليه بالعكس المانيوال ممتع فى الطرق السريعه

ال ٣٠ الف دول جزء من تمن الفتيس دول حاجه من اتنين يا اما تمن الميكاترونيك فقط يا اما فعلا غيروا الفتيس بالكامل و ده جزء من اجمالي التمن اللي هوا ٨٢ الف على اعتبار ان السنه الاولى ما بعد سنتين الضمان جود ويل بتدفع فيها حزء من تمن قطعة الغيار حسب معدل الاستهلاك و الالتزام بالصيانات

[Karim Ibiza]

تستحق الجايزه الفولكس
اما بالنسبه لdsg بعد 2012 الشكاوي فيه متجيش3% من العربيات

شكرا لمرورك الطيب

[Karim Ibiza]

انا ر أيى الخاص ان شركه فولكس لا تحترم عملائها و تعتبرهم فئران تجارب .... انا عمى كان معاه الباسات موديل 2010 و غير الفتيس ب 30 الف جنيه و كانت صدمه
على الاقل كانو يزودو الضمان الى 100 الف كيلو / او 5 سنين لو هما شايفين سيارتهم اعتماديه بشكل كافى و لا انا اجرب فى الناس لحد الفتيس ما الفتيس يبقى تمام و يلعب على سمعه الجولف الطيبه على مدى ال30 سنه اللى فاتو على حساب مئات الالاف من تعب الناس و فلوسها و ثقتهم فى الماركه دى

لو فتيس فيه عيوب كان الادعى ان العيوب دى تتحل فى حلبه الاختبارات فى المانيا مش فى الطريق الدائرى

قصه انى اسوق اوتو فى الطريق المفتوح و مانيوال فى الزحمه امال انا جايب العربيه ليه بالعكس المانيوال ممتع فى الطرق السريعه

على فكره موضوع جايزة احسن موتور ده من ٢٠٠٧ و ده اللي اتقال في حملة الدعايه سنة ٢٠٠٨ قبل نزول الباسات رسميا اول ٢٠٠٩ و للحق الموتور فعلا ولا كاءنه ٢٠٠٠ سي سي
نييجي بقى لحتة الفتيس انه اتصلح من ٢٠١٢ الموضوع ده بقى عليه كلام هل الشكاوي قلت فعلا عشان غيروا في تصميم الفتيس بعد اكتشاف عيب في التصميم مثلا ولا انهم كانوا بيستعملوا خامات رديئه طمعا في المكسب و بعدين رجعوا لربنا بعد طوفان الشكاوي من كل حته في العالم او الاحتمال التالت انهم قاموا بتحسينه بقدر الامكان مع انخفاض المبيعات الملحوظ بدليل اني ممكن اقعد شهر كامل عشان اشوف الجيتا الجديده ماشيه في الشارع
انا برجح الاحتمال التالت لان مفيش تصريح رسمي صدر من الشركه الام يقول غير كده و لو فعلا الفتيس اتصلح على اساس هندسي و علمي كانوا المفروض لو دي شركه محترمه يعوضوا اصحاب العربيات الغلابه اللي باعوا العربيه بخسارة تلت تمنها بعد سنة استعمال نجاة من الفتيس

ال ٣٠ الف دول جزء من تمن الفتيس دول حاجه من اتنين يا اما تمن الميكاترونيك فقط يا اما فعلا غيروا الفتيس بالكامل و ده جزء من اجمالي التمن اللي هوا ٨٢ الف على اعتبار ان السنه الاولى ما بعد سنتين الضمان جود ويل بتدفع فيها حزء من تمن قطعة الغيار حسب معدل الاستهلاك و الالتزام بالصيانات

هدىء من روعك سيدى العضو

الكلام اللى بتقولوه مش جديد و بقى بيتقال فى كل موضوع بيتقال فيه اسم فولكس وكل الناس بقيت عرفاه وحفظاه ومع ذلك الشركة لسه فاتحة وما أعلنتش افلاسها ولسه الناس بتشترى عربياتها رغم انها عارفة ان فيها مشاكل

الموضوع بيتكلم عن تكنولوجيا الـ TSI ومجبش سيرة الفتيس فى حاجة

وعموما برده عشان أريحكم: الـ DSG فتيس وحش وفولكس شركة وحشة ومحدش يشترى عربياتها

تمام كده ولا فيه كلام تانى

شكرا لمروركم الطيب بموضوعى

[hany63]

هدىء من روعك سيدى العضو

الكلام اللى بتقولوه مش جديد و بقى بيتقال فى كل موضوع بيتقال فيه اسم فولكس وكل الناس بقيت عرفاه وحفظاه ومع ذلك الشركة لسه فاتحة وما أعلنتش افلاسها ولسه الناس بتشترى عربياتها رغم انها عارفة ان فيها مشاكل

الموضوع بيتكلم عن تكنولوجيا الـ tsi ومجبش سيرة الفتيس فى حاجة

وعموما برده عشان أريحكم: الـ dsg فتيس وحش وفولكس شركة وحشة ومحدش يشترى عربياتها

تمام كده ولا فيه كلام تانى

شكرا لمروركم الطيب بموضوعى

على فكره انا رائيي في الموتور بامانه شديده ما يقلش عن رائيك ان مكنش اكثر تحمسا لانه بصراحه عمره ما خذلني مع اي عربيه مهما كانت
الفكره ما ينفعش نقيم الموتور لوحده لازم الفتيس معاه لانه اللي بيحول قوة الموتور للعجل و لم يتم للاسف انتاج نوعية اخرى خلاف ال دي اس جي و برضه من الناحيه النظريه الفتيس اختراع تحفه كفايه انه دايما محضر النقله الاعلى بواسطه الكلتش التاني و ده سبب في عدم وجود تربو لاج
الفكره في انه مش عملي بنسبة مائه في المائه لشوارعنا ادي كل الموضوع و انا مثلا لو كانت مشاويري مفيهاش صلاح سالم يوميا ممكن يكون كان رائيي اختلف او بقى اقل حده بمناسبه هدي روعك هههههه
و على العموم احنا بنتناقش نقاش موضوعي من غير اي حده
تحياتي لحضرتك