العربيه سخنت وبطلت ، ومطلوب شورت بلوك :(

[Sharkeyboy]

السلام عليكم

انا حاسس ان فيه حد مراقبنى من ساعه ما جبت العربيه ابيزا ٩٤
كل شويه مشكله والحمد لله

امبارح وانا عالدايرى سخنت وبطلت روحت للميكانيكى اللي في نزله المعادي عند العرايس
فك وقالي جوان متهالك والافضل شورت بلوك
بدل ما تدخل في عمره وقطع غيار صينى وهتفتح معاك جامد

انا موتورى 2e. الفين سي سي وعايز انزل النهارده اشترى شورت بلوك
وايه رايكم لو جبت موتور ١٦٠٠ انجكشن كامل ؟ هيعمل كام


الحقونى افيدونى اغيثونى اعمل ايه ومنين ربنا يكرمكو

[lanos2004]

هوة علشان جوان تغير الماتور
هوة الماتور كان حالته ايه قبل الجوان

[Sharkeyboy]

انا بصراحه معجبنيش كلام الميكانيكى بتاع البلوكه

كلمت الاسطى عصام وجبت ونش وشلتها مالمعادي للهرم

وعصام بص عليها وقالي سبهالي وان شاء الله مفهاش غير جوان

ربنايستر

[lanos2004]

طالما البساتم مش مبوشه وماسكه نفسها والشنبر ما سك نفسه
ظبط الوش وركب جوانك وان شاء الله خير
لقيت البساتم بتلق هات طقم شنبر بالمرة npr يا بانى استاندر وركبه ---بالمرة طالما الماتور مفكوك

[mohammad isdf]

ربنا يحلها من عنده وابقى طمنا عصام عمل ايه معاك

[Sharkeyboy]

اشكركم علي متابعتكم للموضوع

انا رحت للاسطي عصام امبارح والعربية خلصت الحمد لله بس شويه حاجات صغيرة كده وهروح استلمها النهارده ان شاء الله من الورشة

هو غير جوان بس لكن الوش بيقول انه كويس ومفيش مشكلة

ان شاء الله هروح الحرفيين النهارده بعد الفطار مباشرة

القط من هناك كام حاجة كده وبردو اظبط كهربا

[Sharkeyboy]

استاذ محمد ممكن تقولي عنوان الراجل اللي صلحلك التكييف بالتفصيل

فين في فيصل انا ساكن في الهرم

[mohammad isdf]

استاذ محمد ممكن تقولي عنوان الراجل اللي صلحلك التكييف بالتفصيل

فين في فيصل انا ساكن في الهرم

قوله من طرف محمد اللى معاه الابيزا الحمرا، ومن طرف حازم بتاع نايل موتورز

وعنوانه عند شبراوى المطبعة اللى في فيصل وانت جاى من الجيزة هتاخد اليوتيرن اللى بعد الشبراوى وتدخل أول يمين وده الشارع اللى بيوصل لشارع الهرم .. فى نصه هتلاقى على يمينك معرض فيصل الدولى .. هتلاقى المهندس حارث الصف التانى على طول وهو مشهور هناك ورقمه 01021996794 - 01067687500