مشكلة في هوايات التابلوه

[skayroad]

السلام عليكم

لما اشغل مفتاح الهوى بسمع صوت هوا لكن مفيش هوى خالص بيطلع من اي مكان مش عارف بيروح فين وعندي هوايه مكسره كنت عايز اعرف اجبها منين العربية ابيزا 94..

[mohammad isdf]

بص على المشاركة دى ربما تلاقى سببها

http://www.nilemotors.net/Nile/423852-94.html#post3875609703

وهى ان التلاجة عندك مكتومة تماااااااااماً أو ان الحواجز بين البوابات الخاصة بخروج الهوا مفتحه على بعض وبيحصل هدر فى الهوا داخل الطابلوه ، وكمان وده المهم إن التلاجة مش مزنوقه كويس على باب توزيع الهوا فبيتم هدر الهوا من وراها وده حصل معايا بس مكتبتوش فى المشاركة السابقة .. . والله أعلم.

[skayroad]

طيب حلها ايه اروح لبتاع تكييف ولا كهربائي ؟

[mohammad isdf]

بتاع تكييف طبعا، ويكون محترم زى اللى انا اتعاملت معاه فى المشاركة السابقة

وعنوانه عند شبراوى المطبعة اللى في فيصل وانت جاى من الجيزة هتاخد اليوتيرن اللى بعد الشبراوى وتدخل أول يمين وده الشارع اللى بيوصل لشارع الهرم .. فى نصه هتلاقى على يمينك معرض فيصل الدولى .. هتلاقى المهندس حارث الصف التانى على طول وهو مشهور هناك ورقمه 01021996794 - 01067687500

[warfighter2114]

عندي نفس المشكله بس في حد قالي اني موزع الهواء فلاباته منتهية
ارجو من زملائي الأعزاء توضيح السكه الداخليه للهواء بتبتدي منين لغاية لما تنتهي بخروج الهواء
شكرا

[mohammad isdf]

عندي نفس المشكله بس في حد قالي اني موزع الهواء فلاباته منتهية
ارجو من زملائي الأعزاء توضيح السكه الداخليه للهواء بتبتدي منين لغاية لما تنتهي بخروج الهواء
شكرا

بتبتدى من مخرج خلف التلاجة الداخلية الموجودة أسفل يمين الطابلوه وطالع تفريعات داخلية بينها فواصل اسفنجية معينه تخرج الهواء فى المخارج المعروفة

وده أمرها سهل مجرد فك الطابلوه وعمل عوازل حرارية