سيات ابيزا 2006

[Sherif Hesham]

يا جماعه انا معروض عليا ابيزا 2006 اوتوماتيك رشت جانبين نظافه باقى العربيه فبريكه ب 67000 كنت عايز اعرف منكم هى سعرها كده كويس ولا لأ

[mohammad isdf]

ان شاء الله الخبراء يردوا على حضرتك وربنا يتملك على خير

[kyrillos]

حضرك ماشية قد ايه
وايه حال العفشة والماتور والفتيس, وحال الصالون والتابلوه ؟؟ والتكييف ؟؟
أخر مواعيد تغيير السيور كان امتى وزيت الفتيس ؟؟
واهم حاجة كان بيعمل صيانة فين وبيجيب قطع غيار منين ؟ من الأخر كان شخص بيهتم بالعربية ولا سايق بالبركة ؟؟

كل قطعة فى العربية دى غالية, ففتح عينك قوى
هى الاوتوماتيك على أيامى أنا, اللى كان فعلا نضيف, كان بيعدى ال 65, بس تكون فعلا نضيفة

[Sherif Hesham]

شكرا يا جماعه على الرد السريع

حضرك ماشية قد ايه
وايه حال العفشة والماتور والفتيس, وحال الصالون والتابلوه ؟؟ والتكييف ؟؟
أخر مواعيد تغيير السيور كان امتى وزيت الفتيس ؟؟
واهم حاجة كان بيعمل صيانة فين وبيجيب قطع غيار منين ؟ من الأخر كان شخص بيهتم بالعربية ولا سايق بالبركة ؟؟

كل قطعة فى العربية دى غالية, ففتح عينك قوى
هى الاوتوماتيك على أيامى أنا, اللى كان فعلا نضيف, كان بيعدى ال 65, بس تكون فعلا نضيفة

هى العربيه ماشية 160 الف
حالة العفشه كويسة
الصالون و التابلوه كويسين و شكله كان محافظ عليها
التكيف مجربتوش بصراحه
الماتور و الفتيس معرفش حالتهم ايه لان لسه هاخد معايا ميكانيكى يشوفها
الصيانه على كلامه بيقول انه بيعملها دوريا فى التوكيل
اخر ميعاد تغير السيور و زيت الفتيس مسالتوش عليها بصراحه

[kyrillos]

بص أنا مش خبير وبتكلم من حكم تجربتى الشخصية
160 الف أنا شايفه كتير قوى قوى
لو بيعمل صيانة دورية فى التوكيل تبقى فعلا عربية محترمة وتستاهل
لو السيور والزيوت جه معاد تغييرها, اعمل حسابك على حوالى 3 - 4 الاف تكاليف
ده غير التيل والفلاتر
وربنا يوفقك للصالح

[Cater]

ربنا يوفقك للاصلح

[Sherif Hesham]

بص أنا مش خبير وبتكلم من حكم تجربتى الشخصية
160 الف أنا شايفه كتير قوى قوى
لو بيعمل صيانة دورية فى التوكيل تبقى فعلا عربية محترمة وتستاهل
لو السيور والزيوت جه معاد تغييرها, اعمل حسابك على حوالى 3 - 4 الاف تكاليف
ده غير التيل والفلاتر
وربنا يوفقك للصالح

متشكر جدا على اهتمامك و الرد السريع
انا كده خلاص غيرت رايى بسبب موضوع قطع الغيار اللى غاليه دى و فى الاخر العربيه ممكن تطلع مش مضمونه