مشكلة فى كهربة العربية

[midoazzam]

العربية عندى وانا على الطريق مرة واحدة قلاقيها مابتسحبش واتكتمت فجأة مش عارف لية ؟
علشان اخليها تسحب تانى ببطل العربية وانا على الطريق وادورها تانى بسرعة قلاقيها سحبت وجريت ....
وبعد خمس دقايق ترجع تانى ماتسحبش وتتكتم تانى ولازم طبعا ابطلها وادورها تانى
مع العلم انى غيرت بوجيهات وفلتر بنزين لاكن برضه مافيش فايدة والميكان يكى بيخرف عليا ..
وانا حاسس انها كهربة عشان العريية متبرجلة وبالذات ممكن ادورها بلاقيها بتعلى وتوطى لوحديها وممن تبطل كمان ....
ياترى ده ممكن يكون عيب ايه ؟ ولو فى جد يعرف كهربائى كويس وبيفهم يقولى علية

[the magice]

هي العربية كاربراتير ولا انجيكشن

[ehab_mansour]

الكهرباء العمومية للعربية مش مضبوطه ... راجل علي كل وصلات الارضي و قواطيش البطارية و حالة البطارية و شحن الدينامو

[midoazzam]

الكهرباء العمومية للعربية مش مضبوطه ... راجل علي كل وصلات الارضي و قواطيش البطارية و حالة البطارية و شحن الدينامو

البطارية لسه جديدة والدينامو تمااام النهاردة ميكانيكى بيقولى ممكن تكون طرمبة البنزين وممكن نغير القلب بس بتاع الطرمبة
تفتكر حضرتك ممكن تكون من الطرمبة

[midoazzam]

هي العربية كاربراتير ولا انجيكشن

العربية انجكشن 1400

[Karim Ibiza]

طالما شيكت على الكهربا والدينمو ومغير فلتر بنزين يبقى غالبا مقدمات طرمبة بنزين

[Sharkeyboy]

للاسف دي علامات طرمبه

القلب بتاعها عند فتح الباب ١٥٠ جنيه

[the magice]

ممكن برضه بالمرة تنضف البوابه وتغير فلتر الهوا لو بقاله كتير متغيرش وبعدين شوف الطلمبه

[Mahmoudelsayed]

بص ياباشا انت المفروض :

اولا : هتراجع على السيرفو والخرطوم بتاعه لانه لو بيهرب ضغط الهوا بيضعف سحب المكنة وتبرجل معاك
لان هوا بيعتمد على الهواء ( عن تجربه )

ثانيا : راجع على طقم الكهربا
1 - البوبينة ممكن تكون بتقطع
2- الاسبراتير+ الشاكوش
3- سلوك البوجيهات

ثالثا : اكشف عليها بالكمبيوتر ممكن يكون الكنترول ببيهيس

رابعا : مين الميكانيكى الللى بتروح له


وبالتوفيق