رأيكم بخصوص شراء ابيزا 2001

[osama101]

في سيات ابيزا موديل 2001
دي مواصفاتها

سيات ابيزا 2001لون احمر كامله مانيوال 1400cc(جنوط 15 - كاوتش جديد- فابريكه بالكامل رش خارجي فقط
تكييف- باور -سنتر- 4 زجاج كهرباء -اير باج السياره) لا تحتاج لاي مصاريف

طالب فيها 43 ألف كده سعرها مناسب ولا إيه رأيكم وهل تنصحوني بيها كأول سيارة أقتنيها ولا أفكر في الموديلات الأقل 98 أو 94

[abaza2107]

السلام عليكم اخي الكريم
اولا احب ارحب بيك في قسم سيات نايل موتورز
ثانيا احب اقولك احسنت الأختيار لأن الموديل ده جميل جدا وهوا موديل وسط مابين شكل الموديل 94/98 ومابين الشكل وكماليات موديل 2006 فيما فوق
العربيه الي حضرتك كاتب مواصفتها كويسه والسعر كمان اعتقد انو كويس بس محتاجة ميكانيكي كويس ومعاه الجهاز بتاعها للكشف الدقيق وقياس الحساسات وعزم الموتور وما تتسرعش في الحكم عليها من غير الكشف عند متخصص وربنا يوفقك

[osama101]

السلام عليكم اخي الكريم
اولا احب ارحب بيك في قسم سيات نايل موتورز
ثانيا احب اقولك احسنت الأختيار لأن الموديل ده جميل جدا وهوا موديل وسط مابين شكل الموديل 94/98 ومابين الشكل وكماليات موديل 2006 فيما فوق
العربيه الي حضرتك كاتب مواصفتها كويسه والسعر كمان اعتقد انو كويس بس محتاجة ميكانيكي كويس ومعاه الجهاز بتاعها للكشف الدقيق وقياس الحساسات وعزم الموتور وما تتسرعش في الحكم عليها من غير الكشف عند متخصص وربنا يوفقك

وعليكم السلام ورحمة الله وبركاته

متشكر جدا لردك أنا بستغرب السعر شايف إنه قليل شويه مقارنه بأسعار تانيه معروضه عشان كده شاكك إن يكون فيها حاجه ولا إنت شايف إن السعر مناسب ؟
لإني شايف موديلات 98 ناس عرضاها فوق 40 برضه أو قريب من السعر ده ولا هما اللي بيبالغوا

وللعلم دي هتبقى أول عربيه ليا فشايف إنها هتكون مناسبه ولا لأ

[hesham fawzy h]

وعليكم السلام ورحمة الله وبركاته

متشكر جدا لردك أنا بستغرب السعر شايف إنه قليل شويه مقارنه بأسعار تانيه معروضه عشان كده شاكك إن يكون فيها حاجه ولا إنت شايف إن السعر مناسب ؟
لإني شايف موديلات 98 ناس عرضاها فوق 40 برضه أو قريب من السعر ده ولا هما اللي بيبالغوا

وللعلم دي هتبقى أول عربيه ليا فشايف إنها هتكون مناسبه ولا لأ

موديل 94 الى 98 اخرة من 25 الى 35 الف .
و فكك من اسعار النت اغلبيتها مش مظبوطة و مغاليييين فى السعر جدآ

[hesham fawzy h]

اسأل الاول عن قطع غيارها متوفرة ولا اييية

[osama101]

موديل 94 الى 98 اخرة من 25 الى 35 الف .
و فكك من اسعار النت اغلبيتها مش مظبوطة و مغاليييين فى السعر جدآ

متشكر جدا لردك وهحاول أشوف قطع غيارها إيه نظامها قبل ما أشتري لكن حسب ما سمعت إنها غاليه شويه لكن معمره

[hossamalsadik]

انصحك بشده بالموديل ده ومش هتندم وأعتبر نفسك راكب جولف 4 بصف الثمن بدون مبالغه
أسعار قطع الغيار معقوله بالنسبه لعمرها الافتراضى وجديد وإستيراد متوفر متقلقش فى كل مكان
انا شايف سعر العربيه كويس جدا أكشف عند ميكانيكى فولكس عليها للتاكد من حالتها وتوكل على الله فيها
العربيه أعتماديه لاقصى درجه قطع غيار معمره ركوبه وثبات وهيا معنا وزى الفل الحمد لله

[salah sh]

استاذ اسامة ربنا وفقك في الشراء و ياريت تقولنا عملت ايه بعد الكشف عليها و ان شاء الله خلصت فيها علي كام. انا نفس حالتك بالظبط عايز اركب ابيزا 2000 : 2003 و هتكون اول عربية بؤدو

[osama101]

استاذ اسامة ربنا وفقك في الشراء و ياريت تقولنا عملت ايه بعد الكشف عليها و ان شاء الله خلصت فيها علي كام. انا نفس حالتك بالظبط عايز اركب ابيزا 2000 : 2003 و هتكون اول عربية بؤدو

حاليا لسه مكشفتش عليها لكن إن شاء الله لو ربنا كرمني فيها هحكي كل التفاصيل

[Cater]

بالتوفيق ان شاء الله ومبروك مقدماً