ابيزا ولا كوردوبا 2000- 2001

[zico_momo]

السلام عليكم
انا بأذن الله قررت اشتري عربيه وكنت قررت اشتري فيات سيينا او بيترا وفي صديق ليا قالي الافضل بنفس الثمن اجيب ابيزا او كوردوبا كنت عاوز اخد رأيكم اعرف ايهما افضل
ابيزا 2000 - 2001
ولا كوردوبا 2000 - 2001
وعاوز اعرف المواتير بتاعتهم ايه ظروفها ال 1000 سي سي ده كويس مع التكييف ولا لأ
واسمع ان فى منها 1400 سي سي
ايه الافضل فيهم كوردوبا ولا ابيرزا من حيث القوه والمتانه والثبات والامان
واسعار وتوافر قطع الغيار والشكل الخارجى والداخلى
وهل الى بتنزل 1000 سي سي ممكن اركبلها موتور 1400 سي سي
وعاوز اعرف متوسط السعر للموديلات دي كام تقريبا لو حالته نظيفه

[alzelafy]

الكوردوبا ابيزا بس بشنطه .... الكوردوبا اشيك من وجهه نظرى و شنطتها كبيرة عن الابيزا ............ موتورها ال 1000 سىسى كويس لا غبار عليه و مع التكييف كويس بردو بس اختار الحاله عشان الموتور دة لو حالتو مش كويسه سيبك منو و مبينفعش فيه عمرة و الله الموفق

[zico_momo]

الكوردوبا ابيزا بس بشنطه .... الكوردوبا اشيك من وجهه نظرى و شنطتها كبيرة عن الابيزا ............ موتورها ال 1000 سىسى كويس لا غبار عليه و مع التكييف كويس بردو بس اختار الحاله عشان الموتور دة لو حالتو مش كويسه سيبك منو و مبينفعش فيه عمرة و الله الموفق

انا عملت شويه بحث كده عن الاتنين ولاقيت الناس بتقول ان حاجه الكوردوبا قليله واغلى من حاجات الابيزا وهل فعلا كنبه الابيزا اوسع من الكوردوبا وكمان بيقولو ان الابيزا اثبت اكتر عالطريق

[hossamalsadik]

زى مقال الاخ المحترم زلفى
الكوردوبا هى الابيزا بس بشنطه أحب اضيف بعض النقاط الزياده فى صالح الكوردوبا
بس أختلف معاه فى أنه ممكن يتعمل لاى ماتور عمره طلما توافرت الشروط الثلاثه قطع الغيار الاصليه - الفنى والصنيعى الفاهم - الخراط المحترف
واسال مجرب فالنظريه ديه تقريبا أنا أول واحد كسرتها

الكوردوبا بها تكييف تاتش الابيزا بكر
الكوردوبا بها شاشه لعرض درجة الحراره الخارجيه والداخليه للتكييف وعرض موجات ومحطات الراديو على نفس الشاشه
الابيزا كاسيت عادى وفى الاغلب بيكون صحبها مركبه طبعا من المركات المعروفه

الكوردوبا بتنزل بماتور 1000cc 16v 70hp
الأبيزا الاغلب نزل بماتور 1000cc 8v 50hp أما الماتور 1400cc 8v 60hp

العربييتن بيتسقطلهم مواتير كتيير وبسعات مختلفه زى منتا عاوز
التكييف فى الكوردوبا مع الماتور 1000cc تمام مافيش مشاكل
فى الابيزا مع الماتور 1000cc بيكلبش العربيه بسيط أثناء السرعه البطيئه أو لو شغلته فى بداية الدوران لاكن مع المشى طبيعى جدا ولاياثر أطلاقاً
موديلات العربيتن من 2000 حتى 2002 واحد
هناك بعض الفروقات فى كماليات موديلات العربيتين بسيطه زى
وحدة عرض درجة الحراره الخارجيه ( وديه وحدة بتركب فى المرايه اليمين )
أنزار شامل وحدة الكابوت ( وحدة بتركب فى الكابوت للتنبيه عنده فتحه )
متوسط الاسعار من 35 حتى 50 الف وممكن تقل وممكن تزيد حسب الى بيبيع وحالة العربيه كمالياتها
ممكن نقول الحاله النضيفه من 42 حتى 45 الف
طلما صديقك كان عاوز سيدان يبقى الكوردوبا الانسب

[zico_momo]

زى مقال الاخ المحترم زلفى
الكوردوبا هى الابيزا بس بشنطه أحب اضيف بعض النقاط الزياده فى صالح الكوردوبا
بس أختلف معاه فى أنه ممكن يتعمل لاى ماتور عمره طلما توافرت الشروط الثلاثه قطع الغيار الاصليه - الفنى والصنيعى الفاهم - الخراط المحترف
واسال مجرب فالنظريه ديه تقريبا أنا أول واحد كسرتها

الكوردوبا بها تكييف تاتش الابيزا بكر
الكوردوبا بها شاشه لعرض درجة الحراره الخارجيه والداخليه للتكييف وعرض موجات ومحطات الراديو على نفس الشاشه
الابيزا كاسيت عادى وفى الاغلب بيكون صحبها مركبه طبعا من المركات المعروفه

الكوردوبا بتنزل بماتور 1000cc 16v 70hp
الأبيزا الاغلب نزل بماتور 1000cc 8v 50hp أما الماتور 1400cc 8v 60hp

العربييتن بيتسقطلهم مواتير كتيير وبسعات مختلفه زى منتا عاوز
التكييف فى الكوردوبا مع الماتور 1000cc تمام مافيش مشاكل
فى الابيزا مع الماتور 1000cc بيكلبش العربيه بسيط أثناء السرعه البطيئه أو لو شغلته فى بداية الدوران لاكن مع المشى طبيعى جدا ولاياثر أطلاقاً
موديلات العربيتن من 2000 حتى 2002 واحد
هناك بعض الفروقات فى كماليات موديلات العربيتين بسيطه زى
وحدة عرض درجة الحراره الخارجيه ( وديه وحدة بتركب فى المرايه اليمين )
أنزار شامل وحدة الكابوت ( وحدة بتركب فى الكابوت للتنبيه عنده فتحه )
متوسط الاسعار من 35 حتى 50 الف وممكن تقل وممكن تزيد حسب الى بيبيع وحالة العربيه كمالياتها
ممكن نقول الحاله النضيفه من 42 حتى 45 الف
طلما صديقك كان عاوز سيدان يبقى الكوردوبا الانسب

شكرا على الرد الوافى الحقيقه انا الى بدور على عربيه مش صديقي بس صديقي نصحنى بالابيزا وانا كنت قولت اشوف السيدان منها بالمره بس اعرف ان الكوردوبا قطع غيارها اقل نسبيا
وكنت عاوز اعرف موتور الابيزا ال 1000 cc كام هورس باور
وفى حاجات من الى قولت عليها زى التكييف التاتش والكاسيت موجود فى موديل 2001 و 2002 لسه شايف صورهم من شويه وانا بدور

[hossamalsadik]

شكرا على الرد الوافى الحقيقه انا الى بدور على عربيه مش صديقي بس صديقي نصحنى بالابيزا وانا كنت قولت اشوف السيدان منها بالمره بس اعرف ان الكوردوبا قطع غيارها اقل نسبيا
وكنت عاوز اعرف موتور الابيزا ال 1000 cc كام هورس باور
وفى حاجات من الى قولت عليها زى التكييف التاتش والكاسيت موجود فى موديل 2001 و 2002 لسه شايف صورهم من شويه وانا بدور

الشكر لله
الأتنين قطع غيرهم زى بعض ومتوفرين زى بعض لان الاتنين واحد زى ماقلنا
ماتور الابيزا 1000cc 8v =حصان 50 وأنا ذكرته فوق فى المشاركه 50hp
hp : horsepower
حضرتك تقصد أنك شفت ابيزا بتكييف تاتش بصور على النت ؟

[zico_momo]

الشكر لله
الأتنين قطع غيرهم زى بعض ومتوفرين زى بعض لان الاتنين واحد زى ماقلنا
ماتور الابيزا 1000cc 8v =حصان 50 وأنا ذكرته فوق فى المشاركه 50hp
hp : Horsepower
حضرتك تقصد أنك شفت ابيزا بتكييف تاتش بصور على النت ؟

بس مايبقاش ضعيف الموتور ده على العربيه والتكييف ...؟

اه كان فى حد حاطط صوره للعربيه على موقع للبيع وكان جايب صوره للكاسيت والتكييف وكاتب انهم تاتش .

[hossamalsadik]

تأثير التكييف زى ماشرحت مسبقا
اما الماتور على العربيه ممتاز بس لو أنتا غاوى جرى وشد والكلام ده يبقى تعلى بالماتور
العربيه ديه لو أبيزا يبقى هوا مغير تابلوه لان كل الى نزل مصر تكييف بكر
والابيزا 2000-02 نزلت بتكييف تاتش فى أوروبا
وفى ناس بتحب تغير التابلوه لأاسباب أحياناً شكلية مع أنى واحد من الى مابيحبوش شكل التاتش وفى بيغير لأسباب فنية والتكييف التاتش هوا الاكثر أنتشاراً كقطع غيار إستيراد
وفى عملية تغيير التابلوه لازم التأكد من أن الكهرباء أتعملت صح بالكشف الجيد

[zico_momo]

سؤال كمان معلش هى قطع غيار الابيزا هى هى قطع غيار الكوردوبا ....؟
كنت عاوز اعرف تقريبا اسعار قطع الغيار بتاريخ حديث عشان اشوف تقريبا اسعارها كام للاتنين
اسعار الفوانيس
تيل الفرامل
السيور
المساعدين
اكره الباب

[hossamalsadik]

سؤال كمان معلش هى قطع غيار الابيزا هى هى قطع غيار الكوردوبا ....؟
كنت عاوز اعرف تقريبا اسعار قطع الغيار بتاريخ حديث عشان اشوف تقريبا اسعارها كام للاتنين
اسعار الفوانيس أمامى جديد 270ج ( صينى ) إستيراد 200ج (إسبانى ) وخلفى 150ج
تيل الفرامل حسب نوعه مثلا نوع جيد ate من 200ج ل 250ج
السيور كاتينه 100الى 130ج دانمو 100ج
المساعدين جديد حسب النوع ومتوسط السعر 700ج إستيراد خلفى من 250ج لحد 400ج حسب الحاله والتاجر
اكره الباب 150ج إستيراد

قطع غيار الأبيزا والكوردوبا واحد لانهم وااااااحد زى ماقلت
وطبعا الماتور هنا غير هنا لاكن ألات الجر واحده
التبلوه مختلف
الصاج عدا الشنطه وااااااااااااااااااحد
العفشه وااااااااااحده
الفوانيس وااااحده
الصالون واااااحد
المريات وااااحده
........ألخ وااااحد

[zico_momo]

طيب لو في عربيه قدامي اكشف عليها فين مكان كويس
او مركز يطلعلي تقرير كمبيوتر
انا من القاهرة والاماكن الي جنبي
مدينه نصر مصر الجديده جسر السويس

[hossamalsadik]

عندك كذا واحد فى جسر السويس محمد سمير وهاني عصمت بس غاليين وطبعا top وغيرهم
وعندك الزعيم فى صقر قريش
عمتا أقرأ الموضوع المثبت عن ورش الصيانه المثبت وروح للأقرب ليك

http://www.nilemotors.net/Nile/365862-a-2.html

http://www.nilemotors.net/Nile/97668-a.html#post3872017797

وياريت تقرأ ماطنش زى المره الى فاتت وكل ما هتقرا أكتر هتتعلم اكتر وفى وقت قليل لأننا فى المنتدى والقسم ماسبناش موضوع الا وتكلمنا فيه أكتر من مره سواء صيانه وقطع غيار اقتراحات وغيره

[zico_momo]

اكيد هقرا المواضيع بس انا ا مش لاقي موضوع فيه اسعار قطع الغيارب تاريخ حديث

[hossamalsadik]

اكيد هقرا المواضيع بس انا ا مش لاقي موضوع فيه اسعار قطع الغيارب تاريخ حديث

أنا قلتلك فى مشاركه سابقه بعض الاسعار
وديه بعضها
فلتر بنزين / فى 25ج كورى بتاع الدايو وبيركب عندنا عادى وفى 45ج ماركة توبران ألمانى وفى أنواع ألمانى بتوصل ل 70ج كنت جبته مؤخرا وده أغلاهم
فلتر هوا / بيركب عدد 2 فلتر الواحد ب45ج يعنى ال2 ب 90ج
فلتر زيت من 35 ل 60ج حسب نوعه
الباب / صاج من غير فرش 150ج تقريباً
فرش الاربع ابواب /فى حدود 800ج يزيد او يقل حسب حالته والتاجر
التابلوه كامل / من 800ج ل1000ج حسب حالته والتاجر
الكابوت 250ج ل 300ج تقريبا
الشنطه كامله ب 400ج ل 500ج تقريباً
الماتور انواع هتكلم على العادى 1400cc 8v
بيتراوح من 4000ج ل 5500ج إستيراد حسب الحاله والتاجر
الفتيس / إستيراد من 500ج ل600ج حسب التاجر
الكونترول يونت / إستيراد ( مافيش منه جديد ) من 400ج ل 700ج كحد أقصى حسب التاجر
الحساسات / إستيراد من 50ج لأغلى حساس ب 200ج بتشتغل كويس ومعمره بدون مشاكل
الحساسات / جديد مثلا حساس الشكمان 600ج أصلى
مياه الريداتير الاصليه ب85ج
طرمبة الباور / إستيراد 250ج ( وكلنا بنجبها وزى الفل )- جديد صينى فى حدود 550ج الاصلى ممكن بتعدى الالف
إكصدامات إستيراد امامى فى حدود 600ج الخلفى ب 700ج وحسب التاجر

ديه كانت فكره عن الاسعار عشان تقرب الصوره ليك
وقطع الغيار طبعا معمره

[Ahmed GTI]

الاستاذ/ zico-momo تقرير ممتاز وكلامك يدل علي الفهم
لصاحب الاعلان انا معايا كوردوبا 2001 حالة فوق الممتازة (اول مالك) صيانة دورية بالتوكيل SMG بالفواتير لا تحتاج الي اي مصاريف ولسة معملتش ليها اعلان هملوا كمان اسبوع ان شاء الله لو حابب تتفرج علي العربية قبل الاعلان ابعتلي
السعر 55 الف