بولو 98

[exelence]

السلام عليكم

معايا بولو 98 و كنت عاوز اجنطها ايه رايكم و يا ترى المقاس المظبوط يبقى كام و يا ريت لو حد يعرف التكلفه اكون شاكر ليه.

كنت عاوز كمان اركب ازاز كهرباء و سنتر يا ريت اعرف بردو التكلفة و اروح اعملهم عند مين ؟

المفروض اروح اعمل افحص و ارخص خلال ال 3 اشهر الجايين هل فيه حاجات معينه اعملها فى العربية او حاجه العربية هتحتاجها ؟

[Karim Ibiza]

اهلا بيك فى قسم سيات

مقاس الكاوتش حسب انت عايز تجنط كام
البولو لغاية 15 تمام قوى
اكتر من كده هيبقى كتير
وعموما لو فتحت غطاء تنك البنزين هتلاقى ملزوق عليه استيكر مكتوب عليه المقاسات الصحيحة وضغط الهواء فى الكاوتش

بالنسبة للانذار والزجاج مش هقدر افيدك فيهم وان شاء الله حد من الاعضاء يدخل يفيدك عن تجربة

اهم حاجة قبل ما تدخل الفحص ان العربية ميكونش فيها خبطات او فوانيس مكسورة او استيكرات او زجاج ملون وتكون اللمض كلها شغالة
بالنسبة للميكانيكا اهم شىء انها متكونش بتدخن
لازم يكون معاك طفاية الحريق وتكون سارية الصلاحية ومعاها المثلث وشنطة الاسعافات ولو مش معاك بتشتريهم من عندهم

[exelence]

كريم بيه شكرا" لردك عليا
بالنسبة لنقطة الدخان هل بالضرورة ان يكون الموتور فيه مشكلة ولا ممكن حساس الشكمان يعمل كده ؟ و اقدر افرق بينهم ازاى ؟
انا معايا الطفاية فهل ممكن اخد المثلث و شنطة الاسعافات من اى حد و اروح بيهم.

[Mahmoudyoussif]

القزاز الكهرباء هات جنبين استيراد من الحرفين بمكنهم بقواعدهم بكل حاجة
لو لقيت بابين نفس لون عربيتك يبقى احسن هيكلفوك الاتنين سكة 800 جنيه نفس تكلفة المكن و القزاز للناحية الواحدة
و هتبقى فيها غالبا مرايات كهربا و هتبقى انت الكسبان ... هتجيب جوز زراير قزاز استيراد ب 100 الاتنين ما تجيبش جديد لأنهم ماكملوش ساعة في العربية عندي ... بالنسبة للانذار في توكيل وولف ورا سوق القنال في جسر السويس اعتقد معقولين ... و بالنسبة للترخيص لو عندك شرخ في القزاز القدماني كبير هتضطر تغيره ... لو المكنة لا قدر الله بتجيب زيت ... حاول تغسل الموتور قبليها ... اي حاجة تاني بتتقضى ... وأي استفسار انا موجود

[exelence]

فكره حلوه قوى موضوع البابين الجاهزين الاستيراد دول طب يا ترى انا ساعتها ممكن ابيع اللى عندى كمان ؟

[Mahmoudyoussif]

مش عارف بس خليهم للظروف

[exelence]

طب دلوقتى انا عندى مشكلة فى التكييف المروحة شغاله بس مفيش تبريد مش عارف بقى هيحتاج شحن ولا ايه النظام ؟
وفيه بلف ناحية وش العربية لما باضغط عليه باحس بصوت حاجه مضغوطة بتخرج منه و قلت اكيد ده الفريون.
و زى ما هو واضح فى الصورة انا معنديش زرار تكييف اللى موجود عندى هو الجزء اللى فى الصورة ده اللى حواليه مربع احمر و لما باشغله المروحة بتشتغل و مش عارف بقى فيه حاجه كده انا مش فاهمها صح ولا ايه ؟

[Karim Ibiza]

طب دلوقتى انا عندى مشكلة فى التكييف المروحة شغاله بس مفيش تبريد مش عارف بقى هيحتاج شحن ولا ايه النظام ؟
وفيه بلف ناحية وش العربية لما باضغط عليه باحس بصوت حاجه مضغوطة بتخرج منه و قلت اكيد ده الفريون.
و زى ما هو واضح فى الصورة انا معنديش زرار تكييف اللى موجود عندى هو الجزء اللى فى الصورة ده اللى حواليه مربع احمر و لما باشغله المروحة بتشتغل و مش عارف بقى فيه حاجه كده انا مش فاهمها صح ولا ايه ؟

هو فين زرار الـ ac؟؟؟

[exelence]

مش عارف لان العربية اشترتها من ورثة و صاحبتها اتوفت من فترة و محدش كان عارف قوى فى العربية

[Karim Ibiza]

مش عارف لان العربية اشترتها من ورثة و صاحبتها اتوفت من فترة و محدش كان عارف قوى فى العربية

البديهى طالما الزرار ده مش موجود يبقى العربية دى مفيهاش تكييف
الاحتمال ان يكون متركبلها تكييف

ياريت تتأكد الاول من وجود الكباس ومواسير التكييف والتلاجة والسربنتينة

[exelence]

ياريت تتأكد الاول من وجود الكباس ومواسير التكييف والتلاجة والسربنتينة

بخبرتى القليله لقيت كله موجود و انا بصيت عليهم و لقيت المواسير واصله لجوا العربية بس لاحظت ان مفيش فريون نوهائى لانى ضغطت على صمام الضغط المنخفض ما بيخرجش منه حاجه خالص مع انى من 3 اسابيع كنت لما اغط عليه اسمع صوت خروج الفريون علشان كده كنت عاوز اسأل هل لو مفيش فريون الكباس ما بيشتغلش ولا المفروض يشتغل .. .
انا باعرف المعلومات دى علشان الواحد يبقى دارى بالأمور لكن انا ناوى ان شاء الله اوديها لواحد بتاع تكييف يبص عليها.

[Karim Ibiza]

بخبرتى القليله لقيت كله موجود و انا بصيت عليهم و لقيت المواسير واصله لجوا العربية بس لاحظت ان مفيش فريون نوهائى لانى ضغطت على صمام الضغط المنخفض ما بيخرجش منه حاجه خالص مع انى من 3 اسابيع كنت لما اغط عليه اسمع صوت خروج الفريون علشان كده كنت عاوز اسأل هل لو مفيش فريون الكباس ما بيشتغلش ولا المفروض يشتغل .. .
انا باعرف المعلومات دى علشان الواحد يبقى دارى بالأمور لكن انا ناوى ان شاء الله اوديها لواحد بتاع تكييف يبص عليها.

الكباس بيشتغل فى كل الاحوال لكن تشغيل الكباس من غير فريون هيبوظه

روح لحد بتاع تكييف اضغط الدورة واتأكد ان الكباس سليم وبعدين اشحن فريون

[exelence]

علم و ينفذ يا باشا