استفسارات في التوليدو 2014

[carlans58]

صباح الخير يا رجالة انا عندي بعض الاستفسارات بخصوص توليدو 2014

اولا : العربية لما الفتيس بيكون علي (S) العربية مش بتجيب الغيار السادس خالص و بتفضل علي الخامس لحد لما ال ار بي ام يعدي ال 5 و السرعة توصل ل 180 فمش عارف لية مش بتجيب السادس


ثانيا : لما بقرص علي نقلة من النقلات بس علي الغيار (d) العربية بتنط نقلة و تجيب الي بعدها يعني مثلا لو العربية علي الغيار الرابع و قرصت بية لحد سرعة 80 العربية تقوم جايبة الغيار السادس علي طول من غير متجيب الخامس

و بتاسف علي الاطالة يا شباب

[Karim Ibiza]

مبروك على التوليدو وربنا يباركلك فيها ويكفيك شرها

غريب جدا الموضوع ده ومفيش حد من ملاك التوليدو الجديدة قال الموضوع ده قبل كده

الحل عشان تتطمن اننا ننتظر احد ملاك العربية يجرب ويقولنا اذا ده طبيعى او لأ

[kgayyar]

صباح الخير يا رجالة انا عندي بعض الاستفسارات بخصوص توليدو 2014

اولا : العربية لما الفتيس بيكون علي (S) العربية مش بتجيب الغيار السادس خالص و بتفضل علي الخامس لحد لما ال ار بي ام يعدي ال 5 و السرعة توصل ل 180 فمش عارف لية مش بتجيب السادس


ثانيا : لما بقرص علي نقلة من النقلات بس علي الغيار (d) العربية بتنط نقلة و تجيب الي بعدها يعني مثلا لو العربية علي الغيار الرابع و قرصت بية لحد سرعة 80 العربية تقوم جايبة الغيار السادس علي طول من غير متجيب الخامس

و بتاسف علي الاطالة يا شباب

بالنسبة للسؤال الأولاني أنا ما عديتش ال ١٤٠ و عال d فمش هعرف أفيدك .. بس إنت ليه بتحرق جامد و عالسرعات العالية دي
بالنسبة للسؤال التاني أعتقد اللي حصل كالتالي لما بتقرص على دواسة البنزين و بتعمل كيك داون الفتيس بينزل نقلة او اتنين حسب السرعة و قوة الدوسة .. المهم لو انت عالرابع و سرعة ٨٠ فطبيعي لو شلت رجلك من عالدواسة اوخليت الدوسة خفيفة هيجيب السادس لانه في الطبيعي الفتيس بيجيب السادس على ٧٠ تقريبا .. بس لو انت لسه عامل كيك داون و نقلت من الرابع للسادس يبقى في حاجة غلط في كنترول الفتيس

[Ahmed GTI]

الف مبروك علي العربية وربنا يبركلك فيها
بالنسبة الاستفسار لما بتكون علي s العربية اكيد مش هتيجيب النقلة ال6 عشان انت مشغل العربية علي مود الجري والسادس او النقلة الاخيرة في اغلب العربيات هو لتريح العربية مش للسحب
اما بالنسبة ان العربية بتنط نقلة دا لو ان لسة عامل ككاية وشلت رجلك فبديهي ان العربية هتجيب النقلة الطبيعية المفروض تكون ماشية عليها في الطبيعي لكن لو عملت ككاية وفضلت دايس مشتلتش رجلك ونطة نقلة يبقي في حاجة مش مظبوطة ياريت تجرب وتعرفنا اية الحصل وان شاءالله خير