تصليح ولا تسقيط موتور

[ViLMoS]

السلام عليكم
انا معايا ابيزا 94 ولقيت الموتور بتاعي بيعرق زيت جامد من تحت رحت كشفت علي الموتور الميكانيكي قاللي محتاج اولسيهات وطقم شنبر
السؤال دلوقتي اسقط موتور 1400 ولا اصلح الموتور مع العلم ان الموتور بتاعي 1300 الستوك بتاع العربية
ولو مش هسقط دلوقتي الموتور اخره معايا وقت اد ايه مع العلم ان العربية سحبها عادي جدا وصوت الموتور هادي مفيش مشكلة غير انه بيعرق زيت جامد فقط

[م أحمد]

التعريق من تحت علاجه اويل سيل دا كلام سليم

ايه دخل طقم الشنبر فى الموضوع ؟ و عرف منين طقم شنبر او عمرة كاملة من غير ما يفتح الموتور ؟ و ايه داعى الفتح اساسا ؟

[the magice]

لو الموتور مش مزعلك في حاجة او مش عاوز تحدث يعني عاجبك ال1300 اعمله طقم الشنبر والاولسيهات كفاية عشان ماتفتحش معاك وبرضه مش هتبان معاك غير لما تفتح وتشوف الدنيا فيها ايه

[Sameh samy]

لو الميكانيكي ثقة والموتور معمرش قبل كدة افضل ماتغيروش

[ViLMoS]

هو الميكانيكي ثقة وكمان كشف علي الموتور بجهاز كبس بس انا اللي اعرفه ان المواتير الالماني مبتتعمرش لكن حتة ان الموتور اتعمر قبل كده ولا لا دي انا معرفهاش انا شاري العربية مستعملة واللي بعهالي ميعرفش برده كل اللي انا اعرفه عن الموتور انه عاوز يتصلح

[mohammad isdf]

اعتقد ان اولسيهات دى تمام لكن شنبر ليه ؟ ممكن تسأل أكتر من ميكانيكى بردوا حتى لو بتثق فى ميكانيكى معين

[hossamalsadik]

هو الميكانيكي ثقة وكمان كشف علي الموتور بجهاز كبس بس انا اللي اعرفه ان المواتير الالماني مبتتعمرش لكن حتة ان الموتور اتعمر قبل كده ولا لا دي انا معرفهاش انا شاري العربية مستعملة واللي بعهالي ميعرفش برده كل اللي انا اعرفه عن الموتور انه عاوز يتصلح

أعمل الألوسيهات فقط لاغير هتمنع الزيت
هوا الميكانيكى ممكن يكون شاف ان الكبس ضعيف نوعا ما فقال بالمره أعملهوله ويستلم الماتور سليم 100%100 ده مجرد تخمين نابع من الأخذ بمبدأ حسن النيه
لاكن لو الماتور مش مزعلك فى حاجه وسحبه مرضى بيه يبقى مافيش داعى التكلفه دلوقتى

نقطة ان المواتير الالمانى مابتتعمرش معلش ديه معلومه خاطئه
البلوكه لو سليمه عمر زى منتا عاوز بس الناس والميكانيكيه بيستسهلوا نظرا لان الموضوع ده بيعتمد على وجود فنيات عاليه عند الميكانيكى وكذا لازم وجود خراط تمامى وفاهم شغله كويس والنقطه الاخيره وجود قطع الغيار الاصليه بخماتها المحترمه الى لازم الميكانيكى أو الفنى يكون عنده فكره عنQuality بتعها شكله أيه لانها من ضمن مسؤلياته طبعا الكلام عن تجربة والحمد الله ناجحه .

[ViLMoS]

طيب لو عاوز اعمل الاويل سيهات هتكلف كام؟
ولو عاوز اعمر هتكلف كام؟
وياريت تقوللي علي الميكانيكي اللي عملك العمرة

[hossamalsadik]

طيب لو عاوز اعمل الاويل سيهات هتكلف كام؟
ولو عاوز اعمر هتكلف كام؟
وياريت تقوللي علي الميكانيكي اللي عملك العمرة

الأويل سيل تكلفته الموضع بسيطه معظمها مصنعيه
بالنسه للميكانيكى بتاعى حضرتك ممكن تدخل على موضوعاتى موضوع عمرة الماتور وهتلاقى كل التفاصيل فيه
بس زى ماقلتلك حضرتك مش محتاج عمره طلما بتقول ان السحب مريحك وتمام والماتور بالتالى مابيكلش زيت ولايوجد دخنه زرقاء