سؤالين فى ابيزا 94

[Magdy-Ibiza]

انا كان عندى سؤالين
س1 :- فى كام واحد قالى ان عربيتى محتاجة ظبط كهرباء و المشكله لما اروح لكهربائى و اقولو اظبطهالى .. يقولى يعنى انتا عايز تعمل ايه !!!!!!!!!! فا انا مش فااهم

س2 :- الفتيس عندى بحس انى لما باخد غيارات مش مظبوط .. بمعنى مثلا لما باجى اخد الغيار التانى مبتمشيش فى خط مستقيم و العصايا و انا بنقل بيها لازم تخبط شويه فى النب و بعد كده بتنزل للتانى و بحس ان المجرى بتاعت الغيارات مش متحدده مع العلم ان الفتيس مفيهوش بوش .. انا فى واحد قالى الفتيس عايز يتحدد ؟؟؟؟
ارجو الافادة و شكرا جدااا لكل لعضاء المنتدى و المشرفين عليه لتعاونكم معانا

[mohammad isdf]

أهلا بيك ومنور الدنيا

بخصوص سؤالك الأول .. لازم تقولنا الاعراض اللى بتشوفها أو اللى صاحبك شافها عشان كده قالك ظبط كهربة العربية، العربية بتبرجل منك .. الموتور بيسقف .. بتقطع منك .. بتنتش .. ولا .. ولا ... ؟

بخصوص سؤالك التانى ..
النتشة فى التانى بس ولا فى كل الغيارات ؟ وبتدوس على دواسة الدبرياج للآخر ولا مش بتدوس قوى ؟

بردوا مهم جدا انت تروح لميكانيكى فولكس هتلاقى أسماؤهم هنا

http://www.nilemotors.net/Nile/365862-a.html خصوصا الأسطى عصام فى آخر الهرم ..

وهو يشوف عصاية الفتيس ماشية فى المجرى بتاعتها ولا لاء ويشوف واير الدبرياج لو واطى يعليه، والواير بتاع الدبرياج اذا كان مريح ممكن تحس بعضه فى الفتيس ..

بس لازم ميكانيكى فولكس

[Magdy-Ibiza]

أهلا بيك ومنور الدنيا

بخصوص سؤالك الأول .. لازم تقولنا الاعراض اللى بتشوفها أو اللى صاحبك شافها عشان كده قالك ظبط كهربة العربية، العربية بتبرجل منك .. الموتور بيسقف .. بتقطع منك .. بتنتش .. ولا .. ولا ... ؟

بخصوص سؤالك التانى ..
النتشة فى التانى بس ولا فى كل الغيارات ؟ وبتدوس على دواسة الدبرياج للآخر ولا مش بتدوس قوى ؟

بردوا مهم جدا انت تروح لميكانيكى فولكس هتلاقى أسماؤهم هنا

http://www.nilemotors.net/nile/365862-a.html خصوصا الأسطى عصام فى آخر الهرم ..

وهو يشوف عصاية الفتيس ماشية فى المجرى بتاعتها ولا لاء ويشوف واير الدبرياج لو واطى يعليه، والواير بتاع الدبرياج اذا كان مريح ممكن تحس بعضه فى الفتيس ..

بس لازم ميكانيكى فولكس

شكرا لرد حضرتك
العربيه و هيا واقفه بتحس بتترج و اول ما دوس سنه بنزين بتتزبط و غير كدا انا عندى النور العالى لما اشغله بيبقى واطى و العكس


الدبرياج عندى كويس جداا و مش لازم ادوس لحد اخره .. بس هوا الدبرياج عندى تحس انو خشن شويه مش سلس ( يمكن عايز زيت ولا حاجه انا معرفش ؟؟ )

[mohammad isdf]

شكرا لرد حضرتك
العربيه و هيا واقفه بتحس بتترج و اول ما دوس سنه بنزين بتتزبط و غير كدا انا عندى النور العالى لما اشغله بيبقى واطى و العكس


الدبرياج عندى كويس جداا و مش لازم ادوس لحد اخره .. بس هوا الدبرياج عندى تحس انو خشن شويه مش سلس ( يمكن عايز زيت ولا حاجه انا معرفش ؟؟ )

البرجلة على السلانسية ليها أكتر من سبب وحلهم سهل للغاية

1- لو مغيرتش بوجيهات أكتر من 10000 كيلو أو 15000 كيلو فأنت تشترى بوجيهات وتركبها عند الميكانيكى بس قبل ما تشترى خلى الميكانيكى يفكهم ويشوفهم حالتهم إيه .. وإذا قالك تغير بوجيهات .. أنصحك ببوجيهات ngk من مكان موثوق منه وسعرها دلوقتى يتراوح بين 90 إلى 100 جنيه وممتازة.

2- الحل التانى ان الكاربراتير يتظبط الهوا والبنزين بتاعه ويتم تنظيفه بمنظف كاربيراتير وبردوا عن الميكانيكى وده فى حالة أن البوجيهات سليمة، وبردوا ميكانيكى فولكس وفاهم فيها ..

وكل اللى انا قلته ده يندرج تحت الكهرباء ...


بخصوص الدبرياج
الأفضل إنك تدوس لآخر الدواسة عشان التعشيق يحصل بطريقة مظبوطة وميحصلش عضة ولو فى عضه فى غيار معين ممكن بسبب المسارات بتاعة عصاية الفتيس أو مشكلة داخل الفتيس، لكن مش هنسبق الأحداث لازم بردو ميكانيكى يبص عليها

وبخصوص الخشونة لو تقصد التزييئة او التقل فى الدواسة نفسها ده بسبب حاجتين
1- وده الشائع : ان الدواسة بتتشحم بشحم من المفصل بتاعها وأسهل حاجه ان الميكانيكى يقولك ان الديسك عندك بايظ ويريح دماغه.
2- الديسك بتاع الدبرياج بالفعل بيودع ومحتاج تغير طقم عشان تحل المشكلة .. وده آخر حل.

[hossamalsadik]

الله يفتح عليك يامحمد بك
أنا هضيف نقطه صغيره ان ممكن يكون مشكلة الفتيس بسبب حشو عصاية الفتيس (فيبرة عصاية الفتيس) لا أكثر

[Magdy-Ibiza]

البرجلة على السلانسية ليها أكتر من سبب وحلهم سهل للغاية

1- لو مغيرتش بوجيهات أكتر من 10000 كيلو أو 15000 كيلو فأنت تشترى بوجيهات وتركبها عند الميكانيكى بس قبل ما تشترى خلى الميكانيكى يفكهم ويشوفهم حالتهم إيه .. وإذا قالك تغير بوجيهات .. أنصحك ببوجيهات ngk من مكان موثوق منه وسعرها دلوقتى يتراوح بين 90 إلى 100 جنيه وممتازة.

2- الحل التانى ان الكاربراتير يتظبط الهوا والبنزين بتاعه ويتم تنظيفه بمنظف كاربيراتير وبردوا عن الميكانيكى وده فى حالة أن البوجيهات سليمة، وبردوا ميكانيكى فولكس وفاهم فيها ..

وكل اللى انا قلته ده يندرج تحت الكهرباء



بخصوص الدبرياج
الأفضل إنك تدوس لآخر الدواسة عشان التعشيق يحصل بطريقة مظبوطة وميحصلش عضة ولو فى عضه فى غيار معين ممكن بسبب المسارات بتاعة عصاية الفتيس أو مشكلة داخل الفتيس، لكن مش هنسبق الأحداث لازم بردو ميكانيكى يبص عليها

وبخصوص الخشونة لو تقصد التزييئة او التقل فى الدواسة نفسها ده بسبب حاجتين
1- وده الشائع : ان الدواسة بتتشحم بشحم من المفصل بتاعها وأسهل حاجه ان الميكانيكى يقولك ان الديسك عندك بايظ ويريح دماغه.
2- الديسك بتاع الدبرياج بالفعل بيودع ومحتاج تغير طقم عشان تحل المشكلة .. وده آخر حل.

مشكووور جدااا لحضرتك
بس انا مش كاربراتير انا انجيكشن .... العربيه الابيزا نزل منها 3 موديلات منهم الموديل اللى معايا منزلش منو كتير clxi فعلا نسيت اقولك ان فى نااس كتير قالتلى موضوع التنظيف داااا و بالاخص ان الحوض عندى كل تراب و شوفت امبارح فى الحوض عموما رمل و طين فى الحوض فممكن يكون فعلا اللى حضرتك قلت عليه


فى نااس قالتلى فعلا حشو .. عشان الفتيس كويس جدااا و كمان لسه متغير فتيس استيراد من فتره فممكن يكون فعلا ديسك !!!
سعر الديسك كام لو حضرتك تعرف
و مشكوووووور جداا

[Magdy-Ibiza]

الله يفتح عليك يامحمد بك
أنا هضيف نقطه صغيره ان ممكن يكون مشكلة الفتيس بسبب حشو عصاية الفتيس (فيبرة عصاية الفتيس) لا أكثر

مشكور لرد حضرتك
بس ايه الفرق بين الحشو و التيش ؟؟؟

[mohammad isdf]

الانجشكشن بردو بيتنضف بالمنظف
بخصوص الطقم مش عايزين نقدر البلا قبل وقوعه .. الطقم ممكن يتراوح سعره من 700 -750
بخصوص الحشو ممكن سعره 70 الى 100
انت تؤمر ياباشا

[hossamalsadik]

مشكور لرد حضرتك
بس ايه الفرق بين الحشو و التيش ؟؟؟

الحشو اسفل عصاية الفتيس مباشرة من داخل الكونسول واسمه العلمى shift mechanism والمكان الى بتركب فيه بيتركب فى مكان اسمه gearshift housing

التيش هوا الى بيساعد على أنتظام حركة النقالات فى حارتها بالأضافه للحشو
وهوا عباره عن واصله معدنيه بين اكس عصاية الفتيس وأكس الفتيس

المساميات ديه مش للمنظره ديه عشان تسهل عملية البحث للى عاوز او حابب يدور على القطع على النت أو برامج الصيانه

أتمنى اكون افدتك وأن شاء الله تتحل مشكلتك

تحياتى