مشكله فى الريداتيــر

[Magdy-Ibiza]

السلام عليكم
انا عندى مشكله فى الريداتيـــر انو بينقط مياه مثلا لما بدور العربيه و بعد خمس دقايق المياه دى بتقف و مبتنزلش و اوقات تانيه لما العربيه تسخن الاقيها بتنقط برضه مياه و بعد كده بتقف
الموضوع كله ان اوقات الريداتيــر بينقط شويه و بعد كده بيقف


انا سالت كام واحد قالولى مفيش فايز أصلا ( مياه زائده ) فى الريداتير فـقلت اكيد مخروم و عايز يتلحم ... و لو الريداتيــر مخروم يبقى هينقط دايما مش اوقات و اوقات !!!!!!!!!!!!!!!!!!!!!!!
انا بصراحه تعبت حد يقولى المشكله فيــن ؟؟؟؟

ibiza 94 clxi

[Karim Ibiza]

اتأكد الاول التسريب جاى منين بالظبط لأنه جايز يكون من الخراطيم او من طرمبة المياه او الردياتير زى ما انت قولت

[mohammad isdf]

الريدياتير ممكن يتلحم بس زى ما مهندس حسام بيقول شوف مكان التسريب منين وياريت تصورهولنا
سبب ان المياه احيانا تنقط واحيانا لاء ان اول ما بتدور العربية باردة لكن اول ما بتسخن المياه بتسخن وبتتبخر وممكن متشوف تنقيط

فضرورى تحل المشكلة دى عشان لو العربية سخنت الموتور بتاعك هيضيع منك

[Karim Ibiza]

الريدياتير ممكن يتلحم بس زى ما مهندس حسام بيقول شوف مكان التسريب منين وياريت تصورهولنا
سبب ان المياه احيانا تنقط واحيانا لاء ان اول ما بتدور العربية باردة لكن اول ما بتسخن المياه بتسخن وبتتبخر وممكن متشوف تنقيط

فضرورى تحل المشكلة دى عشان لو العربية سخنت الموتور بتاعك هيضيع منك

أنا كريم مش حسام

[hossamalsadik]

أنا كريم مش حسام

واحد ياكريم بك
أنا طبعا لم أرتقى لدقة سردك من معلومات بسهوله ويسر جزاك الله خيرا
يمكن العامل المشترك أنا الواحد بيحاول يكون دقيق فى البحث عن المعلومات قدر المستطاع لفائدة السادة الاعضاء راجيا من الله تعالى التوفيق والسداد والثواب ولوجهه الكريم

وربنا يوفقنا جميعا

تحياتى

[hossamalsadik]

نسيت صاحب الموضوع

عشان تكتشف موضوع التسريب
- ممكن تعمل كبس لدورة التبريد وتعرف التسريب جى منين
- وممكن تسخن العربيه واول ماتبدأ مروحه التبريد تشتغل تبص على دورة التبريد بالكامل ( ريداتير - خراطيم - أماكن تسبيت الخراطيم ( الافايز) - القربه - كله وعند طرمبة المايه ومن تحت العربيه لحد ماتشوف مكان المايه المسربه

[عبدالله برعى]

المشكلة يوجد تسريب فى دورة المياه او الريداتير

الحل كبس اللداتير ومعرفة الثقب

ولو مفيش تسريب من اللدات


يبقى الوصلات
وبالتوفيق

[Karim Ibiza]

واحد ياكريم بك
أنا طبعا لم أرتقى لدقة سردك من معلومات بسهوله ويسر جزاك الله خيرا
يمكن العامل المشترك أنا الواحد بيحاول يكون دقيق فى البحث عن المعلومات قدر المستطاع لفائدة السادة الاعضاء راجيا من الله تعالى التوفيق والسداد والثواب ولوجهه الكريم

وربنا يوفقنا جميعا

تحياتى

طبعا يا باشا واحد وكلنا اخوات
انا بس كنت بنكش اخونا محمد ومش قصدى حاجة من اللى انت قولتها خالص والله

[mohammad isdf]

معلش يا كيمو والله مقصدتش .. ربنا يديم المودة