عربيتي ابيزا 94 محتاجة طقم شنبر

[pop2020]

عربيتي ابيزا 94 مشكلتى انها بتدخن خفيف من الشكمان دخنة بيضاء لما الار بي ام يعدي 30 وكنت بسال علي ميكانيكي كويس ومحترم اعمل الشنبر عنده وكم تكلفة طقم الشنبر .... ارجو المساعدة للاهمية عربيتي 1300 سى سى كاربيراتير

[sakr_skoda]

عربيتي ابيزا 94 مشكلتى انها بتدخن خفيف من الشكمان دخنة بيضاء لما الار بي ام يعدي 30 وكنت بسال علي ميكانيكي كويس ومحترم اعمل الشنبر عنده وكم تكلفة طقم الشنبر .... ارجو المساعدة للاهمية عربيتي 1300 سى سى كاربيراتير

وفر على نفسك المصاريف ووجع الدماغ ونتيجة غير مضمونة واشترى شورط بلوك استيراد من بور سعيد واحد صاحبى كان نفس حالتك والميكنيكيا قالو العمرة للموتور مش مجدية ومش مضمونه عائلة فولكس واجن كلها العمرة مابتجبش معاها صاحبى اشتر شورط بلوك الاسود ** من بور سعيد ب1800 شامل مصاريف **

[pop2020]

طب وده حواره ايه في المرور والشورط بلوك ده بيكون انهى جزء في الموتور لانى اول مرة اعمل الموضوع ده

[sakr_skoda]

طب وده حواره ايه في المرور والشورط بلوك ده بيكون انهى جزء في الموتور لانى اول مرة اعمل الموضوع ده

المرور عادى موضوع ورق وخلاص واللى حيبعلك الشورط بيبعت الافراج الجمركى على المرور اللى حتطلبه اللى بترخص فية انتا فقط بتاخد فاتورة علشان يثبت ان الافراج دا خاص بالموتور بتاعك***

الشورط بلوك دا الجزء السفلي من الموتور يعنى نقدر نقول موتور بدون فتيس او وش سلند او كاربورتير ودا بيبقى متقفل بكل حاجة شمايز وبساتم وكرنك يعنى كل اللى حيحصل تركب جوان وش السلندر ووش السلندر والكاربورتير وتدور وتجرى على طول مش بتحتاج كمان تليين***

[pop2020]

تشكر يا باشا علي المعلومة بس سؤال تاني معلش انا دلوقتي ماشي بتوكيل من صاحب العربية الاولانى فهل لازم انقل ملكية الاول وارخص لان التوكيل موجود فيه رقم الموتور اللي راكب في العربية ولا اركب البلوك وانا لسة ماشي بالتوكيل وللعلم التوكيل هيكون فيه رقم الموتور القديم

[sakr_skoda]

تشكر يا باشا علي المعلومة بس سؤال تاني معلش انا دلوقتي ماشي بتوكيل من صاحب العربية الاولانى فهل لازم انقل ملكية الاول وارخص لان التوكيل موجود فيه رقم الموتور اللي راكب في العربية ولا اركب البلوك وانا لسة ماشي بالتوكيل وللعلم التوكيل هيكون فيه رقم الموتور القديم

بجد ماقدرش افيدك فى الموضوع دا***

[the magice]

تشكر يا باشا علي المعلومة بس سؤال تاني معلش انا دلوقتي ماشي بتوكيل من صاحب العربية الاولانى فهل لازم انقل ملكية الاول وارخص لان التوكيل موجود فيه رقم الموتور اللي راكب في العربية ولا اركب البلوك وانا لسة ماشي بالتوكيل وللعلم التوكيل هيكون فيه رقم الموتور القديم

بص يا باشا انت كده كده هتنقل ملكية في المرور يعني هتعمل فحص وانت هناك هيكون معاك الافراج بتاع البلوك وترفع بصمته بالرقم الجديد وتثبته عادي مفيش مشكلة

[mohammad isdf]

طب سؤال ايه المشكلة لما تكمل بيه كده هو ضرك فى حاجه ؟

السحب اخباره ايه معاك ؟

هى مش تكاليف وخلاص، وبعدين انقل الملكية عشان محدش يخنق عليك انقل وخلص حاجاتك واصبر بالموتور ده وشوف العربية اخبارها ايه معاك مانتا ممكن تبيع وتلاقى حاجه احسن ..

[tiko_ibiza]

انتا ياباشا لما تغير البلوكه ان شاء الله التاجر هيديك صوره من الافراج الجمركي بتاعها وفاتوره الشراء بتكون مختومه من التاجر خلي بالك متكتبش فيها اسمك ولا اسم صاحب الؤخصه الاصليه خليها فاضيه خالص لغايت لما تشوف هتكمل بالعربيه ولا هاتبعها .. يعني الفاتوره لازم تبقي باسم المالك الجديد للعربيه سواء انتا رخصتها باسمك بقي او بعتها عشان لو الفاتوره باسم مختلف عن اللي هيرخص مش هيتسبت الماتور الجديد