Tweet
السلام عليكم ورحمة الله وبركاته
العربيه عندى موتورها 1300 سيسى كاربراتير وكان الموتور تعب معايا ، بس انا كنت بقول يجيب اخره ، لحد اول امبارح بالليل وانا راجع على الدائرى ناحيه محور المريوطيه ومعايا اسرتى بعد مشوار طويل لقيت تخبيط جاى من الكبوت بشكل منتظم على شكل تكتكه صوتها عالى ويخض ومفيش عزم خالص رحت راكن على جنب فتحت الكبوت ونزلت اشوف فيه ايه ، ملقيتش اى حاجه غير طبيعيه ظاهرياًَ
حاولت ادور العربيه دارت بس الصوت لسه موجود والار بى ام واطى جداً والعربيه مبرجله وبتخبط
طبعاً مكنش ينفع اركنها وامشى لانى معايا الاسره ومعرفش اى حاجه فى الحته دى ومش هنلاقى اى تاكسيات على الدائرى فى الوقت ده فقررت انى اخاطر وامشى بيها واحاول اروح.
الجمد لله العربيه مشيت ومكسفتنيش بس الصوت موجود ومفيش اى سحب وتخبيط شديد فى عصاية الفتيس وسرعه لا تتعدى الخمسين كيلو/ ساعه بس الحمدلله وصلتنا البيت. (فى النزهه الجديده - جسر السويس)
طبعاً من ساعتها وانا محبط جداً ، بس الى هون عليا انى متبهدلتش فى الطريق ولا اتقطرت والكلام ده .. والعربيه طلعت اصيله معايا
دلوقتى انا انشاء الله هسقط مكنه بفتيسها مكان القديمه لأن الفتيس عندى كان فيه ونه على الخامس وغيرتله زيت ووديته لواحد بتاع فتيس وعملت معاه كل حاجه والصوت بتاعه مكنش راضى يروح
سؤالى هنا مش على المكنه لانى عارف انكم ماشاء الله رديتم على مواضيع كتير تخص المكن وادائه واسعاره
سؤالى هو : هل لازم لما اسقط اسقط مكنه كربراتير برضه ولا ممكن اجيب مكنه انجيكشن ؟
وايه المطلوب علشان اعدلها انجيكشن
وهل فيه فرق كبير فى الاداء والنعومه بين المكن الانجيكشن والكاربراتير
ياريت لو حد يقدر يفيدنى فى الموضوع ده
السؤال الثانى عن المكان الى ممكن اشترى من عنده المكنه ، ولو فيه ميكانيكى امين متجرب ممكن اتعامل معاه فى التسقيط فى شرق القاهره ، يعنى ناحية الحرفيين او عين شمس
معلش اسئلتى كتير بس ربنا مايوريكم الحاله الى انا فيها ، خاصة ان العربيه بالنسبه لى لا يمكن الاستغناء عنها فى شغلى ، ومن ساعتها وهى مركونه
العربيه عندى موتورها 1300 سيسى كاربراتير وكان الموتور تعب معايا ، بس انا كنت بقول يجيب اخره ، لحد اول امبارح بالليل وانا راجع على الدائرى ناحيه محور المريوطيه ومعايا اسرتى بعد مشوار طويل لقيت تخبيط جاى من الكبوت بشكل منتظم على شكل تكتكه صوتها عالى ويخض ومفيش عزم خالص رحت راكن على جنب فتحت الكبوت ونزلت اشوف فيه ايه ، ملقيتش اى حاجه غير طبيعيه ظاهرياًَ
حاولت ادور العربيه دارت بس الصوت لسه موجود والار بى ام واطى جداً والعربيه مبرجله وبتخبط
طبعاً مكنش ينفع اركنها وامشى لانى معايا الاسره ومعرفش اى حاجه فى الحته دى ومش هنلاقى اى تاكسيات على الدائرى فى الوقت ده فقررت انى اخاطر وامشى بيها واحاول اروح.
الجمد لله العربيه مشيت ومكسفتنيش بس الصوت موجود ومفيش اى سحب وتخبيط شديد فى عصاية الفتيس وسرعه لا تتعدى الخمسين كيلو/ ساعه بس الحمدلله وصلتنا البيت. (فى النزهه الجديده - جسر السويس)
طبعاً من ساعتها وانا محبط جداً ، بس الى هون عليا انى متبهدلتش فى الطريق ولا اتقطرت والكلام ده .. والعربيه طلعت اصيله معايا
دلوقتى انا انشاء الله هسقط مكنه بفتيسها مكان القديمه لأن الفتيس عندى كان فيه ونه على الخامس وغيرتله زيت ووديته لواحد بتاع فتيس وعملت معاه كل حاجه والصوت بتاعه مكنش راضى يروح
سؤالى هنا مش على المكنه لانى عارف انكم ماشاء الله رديتم على مواضيع كتير تخص المكن وادائه واسعاره
سؤالى هو : هل لازم لما اسقط اسقط مكنه كربراتير برضه ولا ممكن اجيب مكنه انجيكشن ؟
وايه المطلوب علشان اعدلها انجيكشن
وهل فيه فرق كبير فى الاداء والنعومه بين المكن الانجيكشن والكاربراتير
ياريت لو حد يقدر يفيدنى فى الموضوع ده
السؤال الثانى عن المكان الى ممكن اشترى من عنده المكنه ، ولو فيه ميكانيكى امين متجرب ممكن اتعامل معاه فى التسقيط فى شرق القاهره ، يعنى ناحية الحرفيين او عين شمس
معلش اسئلتى كتير بس ربنا مايوريكم الحاله الى انا فيها ، خاصة ان العربيه بالنسبه لى لا يمكن الاستغناء عنها فى شغلى ، ومن ساعتها وهى مركونه
Comment