مشكله كهرباء في ابيزا 94

[amrmostafa44]

السلام عليكم
وحوش السيات انا عندي مشكله في ابيزتي ال 94 اني سعات بسيب العربيه اسبوع مثلا مركبهاش البطاريه تفصل كهرباء ودتها للكهربائي عمل الاختبار بتاع اللمبه علشان يعرف في تسريب ولا لا لقي مفيش تسريب والبطاريه مكملتش 8 شهور و انا شاكك ان بيحصل كده لما البواب بيرش العربيه بالخرطوم فممكن يكون فيها ايه ؟
و شكرا مقدما

[mahmoud ghanem]

اعمل شك على الدينمو عند حد بتاع بطريات .. هيقيس شحن الدينمو لو اقل من 13.5 يبقى الدينمو فيه المشكلة علشان كدة البطارية بتنتهى

ان وقعت فى المطب دة من 2 يوم .. لو بتحرك بالعربية كل يوم او يومين العربية تدور بس اكتر من 2 يوم ماكنتش بدور معايا خالص وطلع الدينمو بيشحن 12.5 امبير وغيرته والحمد الله والبركة فى محمود السيد تعب معايا

تحياتى

[mohammad isdf]

مسألة غسل العربيه دى حصلت معايا بتفصل كل كهربا العربية والساعة بتاعة الطابلوة والكاست وكل حاجه
ودى ممكن تعرفها انك تفتح الكبوت ولو لاقيت مياه على الأواطيش يبقى هيا السبب .. ولازم من ضمن الصيانه الدورية تشيك على الدينمو زى ما استاذ محمود قال فى المشاركة السابقة

[hossamalsadik]

طيب لو الدينمو بيديك مقياس الشحن مظبوط ممكن يكون سليكوناته مبتفصلش يعنى بتهرب شحن

[amrmostafa44]

اعمل شك على الدينمو عند حد بتاع بطريات .. هيقيس شحن الدينمو لو اقل من 13.5 يبقى الدينمو فيه المشكلة علشان كدة البطارية بتنتهى

ان وقعت فى المطب دة من 2 يوم .. لو بتحرك بالعربية كل يوم او يومين العربية تدور بس اكتر من 2 يوم ماكنتش بدور معايا خالص وطلع الدينمو بيشحن 12.5 امبير وغيرته والحمد الله والبركة فى محمود السيد تعب معايا

تحياتى

رحت انهارده لغطاطي الي في فيصل قيست عنده الدينامو كان 13.5 و انا مزود بنزين و 13 من غير مزود بنزين الي بيقيس قالي كده كويس مفيش مشكله ف ايه راي حضرتك؟

[amrmostafa44]

مسألة غسل العربيه دى حصلت معايا بتفصل كل كهربا العربية والساعة بتاعة الطابلوة والكاست وكل حاجه
ودى ممكن تعرفها انك تفتح الكبوت ولو لاقيت مياه على الأواطيش يبقى هيا السبب .. ولازم من ضمن الصيانه الدورية تشيك على الدينمو زى ما استاذ محمود قال فى المشاركة السابقة

طيب هيا لازم لااواطيش بس ولا ممكن لو سلك عريان مثلا ورا الشبكه وجه عليه مياه يعمل كده؟

[amrmostafa44]

طيب لو الدينمو بيديك مقياس الشحن مظبوط ممكن يكون سليكوناته مبتفصلش يعنى بتهرب شحن

بس متهيقلي كان هيبان في الاختبار الي هو بيجيب لمبه و يوصل طرف بالموجب وطرف بالسالب بتوع البطاريه و لو اللمبه نورت يبقي في تسريب و ساعتها اللمبه منورتش

[hossamalsadik]

بس متهيقلي كان هيبان في الاختبار الي هو بيجيب لمبه و يوصل طرف بالموجب وطرف بالسالب بتوع البطاريه و لو اللمبه نورت يبقي في تسريب و ساعتها اللمبه منورتش

شوف أخى الفاضل الموضوع ده عشان تختبره
- تجرب بأستخدام اللمبه والماتور بارد تماماً وسعتها اللمبه لو نورت يبقى سليكونات
وطول ما الماتور سخن مش هتنور
بقول الماتور سخن لان الدينمو بيسخن معاه

عشان كده لما بيبقى العيب النادر ده بيخليك تلف حولين نفسك وكذا الصنيعى لانك لمابترحله أكيد الماتور بيكون سخن والدينمو سخن والسيلكونات فاصله والاختبار نتيجته إجابيه ( اللمبه مناورتش يعنى مافيش تسريب ) وتخد بعضك وتركن العربيه ، العربيه تبرد وتبدأ عملية تسريب الكهرباء من سليكونات الدينمو
وتيجى تدور العربيه تلاقى البطاريه نايمه وتروح للكهربائى ونعيد الموضوع من الاول
وعن تجربه 5 كهربائيه ومحلهاش الى العبد الفقير لله وأكتشفت العيب

طبعا ممكن يكون العيب عندك من حاجه تانيه غير الدينمو
بس جرب التجربه ديه عشان تتأكد من سلامة الدينمو عندك

[amrmostafa44]

شوف أخى الفاضل الموضوع ده عشان تختبره
- تجرب بأستخدام اللمبه والماتور بارد تماماً وسعتها اللمبه لو نورت يبقى سليكونات
وطول ما الماتور سخن مش هتنور
بقول الماتور سخن لان الدينمو بيسخن معاه

عشان كده لما بيبقى العيب النادر ده بيخليك تلف حولين نفسك وكذا الصنيعى لانك لمابترحله أكيد الماتور بيكون سخن والدينمو سخن والسيلكونات فاصله والاختبار نتيجته إجابيه ( اللمبه مناورتش يعنى مافيش تسريب ) وتخد بعضك وتركن العربيه ، العربيه تبرد وتبدأ عملية تسريب الكهرباء من سليكونات الدينمو
وتيجى تدور العربيه تلاقى البطاريه نايمه وتروح للكهربائى ونعيد الموضوع من الاول
وعن تجربه 5 كهربائيه ومحلهاش الى العبد الفقير لله وأكتشفت العيب

طبعا ممكن يكون العيب عندك من حاجه تانيه غير الدينمو
بس جرب التجربه ديه عشان تتأكد من سلامة الدينمو عندك

انا اعتقد ان ممكن فعلا تبقي دي المشكله عندي حضرتك ادتني امل جامد ان المشكله دي ممكن تتحل انا بقيت كل مروح لكهربائي يتنح و يقولي هي كده طبيعي .
هجرب انشاء الله و هقولك النتيجه بس لو اللمبه نورت و هي بارده ايه حل المشكله
شكرا لحضرتك علي اهتمامك

[hossamalsadik]

لو اللمبه نورت والعربيه والدينمو تحديدا بارد ولما بيسخن بتفصل
يبقى الحل الوحيد والعملى أنك تغير الدينمو وهتجيبه استيراد
فى حدود 350ج
جرب وأنا معاك واطلعنا على النتائج

[amrmostafa44]

لو اللمبه نورت والعربيه والدينمو تحديدا بارد ولما بيسخن بتفصل
يبقى الحل الوحيد والعملى أنك تغير الدينمو وهتجيبه استيراد
فى حدود 350ج
جرب وأنا معاك واطلعنا على النتائج

اشتريت انهارده لمبه صغيره و سلك و جربت والعربيه بارده قبل مطلع بيها انهارده و جربت و هي سخنه بعد ملفيت بيها شويه و النتيجه انها بتنور و هي بارده و وهي ساخنه بس نور خفيف و بتنور ثانيه واحده بس و تطفي فده ممكن يكون ايه؟

[amrmostafa44]

بس متهيقلي كان هيبان في الاختبار الي هو بيجيب لمبه و يوصل طرف بالموجب وطرف بالسالب بتوع البطاريه و لو اللمبه نورت يبقي في تسريب و ساعتها اللمبه منورتش

اتاسف الاختبار كنت كاتبه غلط الاختبار ان افك القطاش السالب من البطاريه و اوصل القطاش بصباع البطاريه السالب بالسلك و اللمبه

[hossamalsadik]

طريقة أختبار وجود أحمال ( تسريب كهرباء او بيسموها العربيه مسريه بلغة السوق ) على البطاريه والعربيه غير ديره

قبل البدء فى التجربه يجب التأكد من أنه لايوجد شيء كهربى فى السياره شغال

- هتجيب لمبة صغيرة حوالي 5 وات
- تركب سلكين على أطراف اللمبه لتشغيلها
- هتخلع طرف البطاريه السالب ( الارضى ) (-)
-هتوصل أحدى أطرف سلك اللمبه بقطب البطارية السالب و الطرف التاني لسلك اللمبه بالكابل السالب الى خلعناه
لو نورت يبقى فيه تسريب أو أحمال ونبدأ بالبحث والمراجعه على جميع الاجزاء الكهربائيه

[hossamalsadik]

اشتريت انهارده لمبه صغيره و سلك و جربت والعربيه بارده قبل مطلع بيها انهارده و جربت و هي سخنه بعد ملفيت بيها شويه و النتيجه انها بتنور و هي بارده و وهي ساخنه بس نور خفيف و بتنور ثانيه واحده بس و تطفي فده ممكن يكون ايه؟

غير الدينمو

[amrmostafa44]

غير الدينمو

طيب لو عايز اتاكد انه الدينمو اتاكد ازاي و غير كده هي نورت و هي سخنه برده بس النور بسيط اوي و لمده ثانيه و طفت و نفس الحكايه وهي بارده نورت ثانيه برده و طفت