العربية بتبطل وانا ماشى

[medo1978]

اولا انا عضو جديد ومحتاج المشورة انا عربيتى ابيزا 98 1000 سى سى من فترة وانا ماشى بدون مقدمات العربية بطلت حاولت ادورها مادرتش استنيت شوية خمس دقائق دورت دارت روحت لكهربائى قالى طرمبة البنزين ضعيفة غيرتها وبعد شوية المشكلة ظهرت تانى ولما العربية بطلت فكيت سلك الموبينة من ناحية الاسبراتير لم اجد شرارة فقمت بتغير الموبينة ولكن بعد ذلك تكرر موضوع التبطيل ولكن بصورة بسيطة مش زى الاول دلوقتى اعمل اية وخصوصا ان العربية بتبطل وانا ماشى ممكن على الخامس ممكن على التالت ملهاش وقت محدد افيدونى

[hilal]

حساس كرنك
والله أعلم

[medo1978]

معنديش حساس كرنك

[أسامه الحسيني]

بص على فلتر البنزين وفلتر الهواء

[hilal]

معنديش حساس كرنك

هل البوبينة عادية أم الكترونية؟

[medo1978]

فلتر البنزين والهواء يعتبروا جداد اما الموبينة مش عارف هى واصلها فيشة 3 طرف المشكلة ان مفيش شرارة طاالعة من الموبينة

[medo1978]

ساعدونىىىىىىىىىىىىىىىىىىىىىى

[hossamalsadik]

الماتور انجكشن وعندك كنترول يبقى عندك حساس كرنك

[medo1978]

طب مكانة فين العربية انجكشن فعلا وفيها كنترول

[hossamalsadik]

راكب تحت المارش
وكشف كمبيوتر ولا لا
وحضرتك بتستخدم بنزين ايه ؟ وهل غسلت العربيه والماتور خاصة بالماء قبل ظهور المشكله ؟

[medo1978]

كشفت من فترة ومفيش ارور ومش بغسل الحوض خالص بالمية بنزين 92 بس النهاردة بطلت ولما جيت ادور دارت علطول ولما وصلت للمشوار بتاعى دورت العربية وفتحت الكبوت وهزيت سلك الفيشة بتاعة الاسبراتير لقيت العربية برجلت وصوت الماتور على ورجع تانى لوضعة الطبيعى تفتكروا ان الاسبراتير فية حاجة عاملة كل دة

[hossamalsadik]

أكشف كمبيوتر وشوف هيديك ايه
لان أعراض الموضوع عندك ممكن كذا حاجه ديك نفس الاعراض تقريباً بس طلما غيرت طرمبه وفلتر البنزين عندك تمام ونوعية بنزينك تمام يبقى مش فاضل غير حساس الكرنك وهل بيدى الفولتيه بتعته بأنتظام ولا لأ وده هيبان بكشف الكمبيوتر
الماتور لما بيبطل منك ومش عاوز يدور أختبر وشوف فى كهرباء ريحه للبوجيهات ولا قطعه
عطل حساس الكرنك بيخلى الماتور قاطع كهرباء بمافيهم طرمبة البنزين

[nesr6060]

انا ارجح العيب فى كهربا البطاريه ممكن يكون الارضى مش متثبت او قواطيش البطاريه مملحه
لو بتغيب معاك فى الدواره اتاكد من ده

[hossamalsadik]

انا ارجح العيب فى كهربا البطاريه ممكن يكون الارضى مش متثبت او قواطيش البطاريه مملحه
لو بتغيب معاك فى الدواره اتاكد من ده

تقصد القطب الموجب (+ ) ممكن لاكن لماتقطع يعمل أختبار هل فيه كهرباء خارجه للبوجيهات وطرمبة النزين قطعه كهرباء هيا كمان وده فى اغلب ضفاير الكهربا بيكون الاتنين مرتبطين ببعض ولان ده من اعراض حساس الكرنك لو فيه كهرباء ( شرز ) يبقى يبص على اقطاب البطاريه خاصة الموجب لانه بيكون مملح ولمنح التمليح يعالج بوضح الشحم الابيض عليه

[medo1978]

معلش هتقل عليكم اصل انا النهاردة اتصلت بالتوكيل احجز ميعاد للكشف على العيب بس اقرب ميعاد الثلاثاء القادم فممكن تدلونى على واح كويس اكشف عندة يكون قريب من العبور لانى بصراحة قرفان اركب العربية وخايف تعطل بية على الطريق وياريت لو تجبلى صورة للحساس ومكانة بالضبط فى العربية