مشكله في العداد

[sayed rashed]

بسم الله الرحمن الرحيم
السلام عليكم
اولا انا سيد راشد
جديد في الابيزا
اشتريت ابيزا 94
وفيها موتور جولف 2 1300
بعمل صيانه في العربيه بعدا ما اشتريتها وفيها شويه شغل
الكهربا
العدادت بتعلق وبتفصل كتير جدا
جبت عداد 98 ومنفعش ومش لاقي عداد نفس الي فيها الي هو الكيلومتر بالارقام كل الموجود ديجيتال
هو انا افضل اجيب عداد جولف 2 زي الي في المكنه وياتري هيشتغل ولالالا
عندي مشكله تانيه في الكونتاك بيعلق وبيفصل النور احيان وبيفصل المساحات

افيدوني بالجديد من فضلكم
وشكرا ليكم

[Karim Ibiza]

أهلا بيك عضو جديد فى قسم سيات نايل موتورز

مبروك على العربية وان شاء الله تستمتع بيها

لازم تجيب عدادها لأن عداد الجولف 2 مش هيركب عندك لأختلاف الشكل والابعاد
ومش شرط يكون العيب فى العدادات لأن جايز يكون فيه فيشو مهزوزة وهى اللى بتخليه يفصل

انا شايف ان مشاكلك دى هتتحل انك تروح لكهربائى فاهم فى العربية يراجع على علبة الفيوزات والافياش لأن كل اللى بتشتكى منه متعلق بالكهرباء

وده موضوع فيه كل بيانات الورش اللى بنشتغل معاها

http://www.nilemotors.net/Nile/365862-a.html

[sayed rashed]

شكرا ليك جدا انا رحت لواحد بيفهم وحلليلي المشكله والحمد لله العداد رجع يشتغل
بس المشكله الي ان التروس الي فيه الي بتحسب الكيلو مش شغاله خالصه ده يبقي كدا ملوش حل
وكمان انا للاسف من دمياط وعارف ان اغلب الورش للعربيه دي موجوده في القاهره
كمان عاوز اسال علي لمبات نورها كويس لان اضاءه الابيزا مش عاجباني خالص خصوصا باللي والطريق ضلمه او وانا مسافر
كمان باستذنكم في الاسئله الكتير لان لسه جديد وكمان المنتدي هنا فيه ناس خبره كتير اوي
محتاج اعرف سعر العفشه
مقصات
كبالن
جلب
والنوع الكويس
وشكرا لردكم السريع

[nesr6060]

انا معايا العداد الى انت بتدور عليه بس استنى عليا شهر عقبال ماركب التابلو الجديد بالعداد

[mohammad isdf]

اهلا بيك ومنور المنتدى
اطلع على ده

http://www.nilemotors.net/Nile/422796-a.html

[Karim Ibiza]

بالنسبة للأضاءة جايز يكون الفانوس عندك مطوس و القمرة من جوة مصنفرة وعشان كده النور ضعيف
لو الفانوس نضيف من جوة يبقى حاول تطلع اللمبة وتشوف الواط اللى مكتوب عليها كام جايز يكون صاحبها اللى قابلك جايب واط ضعيف
الاحتمال الاخر انها تكون عايزة كتاوت عشان تقوى الكهرباء اللى داخلة للمبة

المقصات تقريبا المقص يعمل 150-200 جنيه
والكبالن فى حدود الـ 250 للكوبلن الواحد تقريبا
ودول تجيبهم استيراد

الجلب الطقم بيعمل 90 جنيه وده تجيبه جديد وهو مكون من جلبتين صحن وجلبة بلحة