حد يفدني بالله عليكو الموضوع عاجل وخطير

[khater87]

السلام عليكم ..
معايا سيات توليدوو 2000 توماتيك
المهم الموتور الي فيها هو هو موتور الاوكتافيا الاس ار a4 1600
لسه شاريها من كام شهر
كانت زي الفل لحد من كام يوم سافرت بيها طريق حوالي 70 كيلو ..ف اخر الطريق لقيت العربيه مش بتنقل يعني الفتيس بيجيب الاول وبس ..ومش عاوز يغير ..رجعت سيبت العربيه لحد مابردت وبعديت مشيت بيها لقيتها بتنقل عادي

قلت يبقي اكيد الزيت عاوز يتغير وهكذا او تهنيجه كنترول او فيشه اتهزت
غيرته من كام يوم وجبت الفيبا الاصلي
المهم الاداء اختلف والفتيس نقلاته اتحسنت نوعا ماا
سافرت بيها تاني حصل نفس المشكله مع الاختلاف ان النهارده لما حصل الموضوع ده الفتيس بطل ينقل بس لما الاربي ام بيعدي ال 6 بينقل ...
وبحس بالتلات نقلات الي ف الاول والرابع مش بييجي
دي مشكله ايييييييييييه ...
حد يفيدني بالله عليكو ..واذا الفتيس كده طار ..هاتوهالي واحده واحده محدش يصدمني ..انا قلبي ضعيف :(

[Mahmoudyoussif]

انا صاحبي معاه نفس العربية و نفس مشكلة الفتيس للاسف
و متعايش معاها بس هو ما غيرش زيت ... بس بص في عصاية كده راح لواحد ثبتها
فرقت معاه فيالنقلات كتير ما بقتش بتعلق

[ehab_mansour]

هي عربيتك كاملة كام الف ؟؟؟ و هل زيت فتيسها اتغير من قبل ولا لأ ؟؟ و هل فكرت تحطها علي كمبيوتر تشوف ايه الموضوع ؟ و لو حطيتها ايه الايرور المتسجل علي الكنترول ؟

[nesr6060]

هوو موتور الاوكتافيا ال sr هو نفس قواعد موتور عربيتنا اول مره اعرف لان انا سالت ناس قالولوى لازم تعدل فى فواعد علشان اسقطه وخاصه قواعد الفتيس ياريت حد يفدنى

[khater87]

موتور التوليدو نفس موتور الكتافيا الايه فوور ..ونفس قواعد المتور ونفس الضفيره والكنترول ...
عربيتي عامله 213 الف ..لسه مغير زيت الفتيس لفيبا اصلي من اسبوع بالظبط يعني ممشيتش عليها 100 كيلو بالظبط

واخر مره كنت حاططها ع الجهاز كان الفتيس بدون مشاكل والحمد لله عشان كده انا مستغرب

[ehab_mansour]

موتور التوليدو نفس موتور الكتافيا الايه فوور ..ونفس قواعد المتور ونفس الضفيره والكنترول ...
عربيتي عامله 213 الف ..لسه مغير زيت الفتيس لفيبا اصلي من اسبوع بالظبط يعني ممشيتش عليها 100 كيلو بالظبط

واخر مره كنت حاططها ع الجهاز كان الفتيس بدون مشاكل والحمد لله عشان كده انا مستغرب

انت حطيتها علي الجهاز قبل المشكلة ولا بعد ؟؟؟
عموما العربية عامله كيلومتر كتير و لو زيت فتيسها متغيرش من الفبريكة مثلا او بقاله اكتر من 100 الف و غيرته بيعمل مشاكل و مش بيفيد لأن الفتيس نفسه بيكون هلك بسبب الزيت القديم

طبعا مش أكيد كلامي و لكنه توقع للمشكلة مش اكثر و بناءا علي تجارب سابقه مع اخرين

انت محتاج حد متخصص في عائلة فولكس يكشفلك عليها و يقلك المفيد في الموضوع ده لأن احيانا الفتايس دي بتتفك مجموعة فالفاتها و بتتنضف و تتصيب و بترجع تشتغل كويس و احيانا برده تشتغل كويس شوية بعد الصيانة و برده لازم تتغير

لو حد هيشتغلك في فلوس كتير في اي صيانة يبقي احسنلك تشتري فتيس اخر استيراد من حد ثقة و علي التجربه و ياريت لو من نص تكون عارف انه ماشي كيلومتر قليل و بحالته و تشتري دماغك

و شوف و قلي ايه الاخبار يمكن اقدر افيدك
و اخيرا لي صديق معاه بورا 2002 و عليها نفس الموتور بالفتيس و عمل نفس اللي انت عملته و عمل صيانة مره او اتنين مش فاكر للفتيس و بعد كل التكلفة دي و الزيوت غيره هو و الموتور استيراد و الحمد لله زي الفل حاليا و شال الموتور القديم عنده للظروف او كقطع غيار له

[nesr6060]

يااترى قواعد التوليدو بس هى الى زى الاوكتافيا ال a4
ولا قواعد الابيز 94 : 02
لان انا لما سالت اكتشفت ان علشان اسقط مواتير الجولف 4 على الابيزا ال 94 لازم اعدل فى قواعد الفتيس و الموتور
ايه رايكوا فى الكلام ده؟

[khater87]

انا معنديش مشكله اني اشتري فتيس استيراد احسن من الوقفه ف الطريق ..بس اتاكده ان المشكله ف الفتيس ..مش الكنترول مثلا ..ولا كابل من الكابلات ..انا محطيتش العربيه ع الكمبيوتر لسه للاسف ..
هل عند حضرتك خلفيه الفتيس سعره كام

[ehab_mansour]

يااترى قواعد التوليدو بس هى الى زى الاوكتافيا ال a4
ولا قواعد الابيز 94 : 02
لان انا لما سالت اكتشفت ان علشان اسقط مواتير الجولف 4 على الابيزا ال 94 لازم اعدل فى قواعد الفتيس و الموتور
ايه رايكوا فى الكلام ده؟

لأ مختلفة و المواتير دي متنفعش علي دي و لكن فيه مواتير مشتركه بين الموديلين و البلوكه عليها اماكن تثبيت قواعد للاتنين فقط بتفك جسم القاعده من الموتور و تركب القواعد اللي تصلح عندك لكن اسهلك عايز تسقط حاجه تجيبها من علي نص بقواعد زي اللي عندك و بس و تريح دماغك

انا معنديش مشكله اني اشتري فتيس استيراد احسن من الوقفه ف الطريق ..بس اتاكده ان المشكله ف الفتيس ..مش الكنترول مثلا ..ولا كابل من الكابلات ..انا محطيتش العربيه ع الكمبيوتر لسه للاسف ..
هل عند حضرتك خلفيه الفتيس سعره كام

للأمانه معرفش اسعار و الموضوع محتاج منك لفه كويسه عشان تاخد اسعار و حاجه نضيفة كما ذكرت

اما موضوع كابل او كنترول فمش هتخسر حاجه لما تحطها علي جهاز و تشوف الدنيا فيها ايه و كمان حد متخصص يراجعلك علي الحاجات دي و يا حبذا لو حطلك كنترول من عنده للتجربة لو تمام ماشي مش تمام يبقي خلاص

الفكرة كلها انك تحط ادامك بدايل كتير و حد متخصص يحاول معاك في حيز صغير غير مكلف و يمكن فيه الرجوع عشان متكلفش نفسك فلوس في الاخر احتمال تخسرها موجود

جرب و شيك و شوف و احنا معاك و ربنا يوفقك لما فيه الخير

[hossamalsadik]

[COLOR="rgb(160, 82, 45)"]أعتقد كده الفتيس نفسه فى مشكله
بس الكشف على الكمبيوتر مع واحد متخصص هيجبلك المفيد من اول مره وتريح دماغك
شوف الناس بتوع جسر السويس وأقرأ موضوع ورش الصيانه المثبت

قواعد الماتور sr 1600 يا أحمد مختلفه يعنى مثلا مافيش قاعده اماميه فى المنتصف وكمان فى قاعده أماميه بالاعلى يمين بس اماكنها موجوده فقط هتجيب القواعد ومكوناتها مع الماتور