مشكله فى كهربا العربيه

[mohamedibeza]

عربيتى ابيزا 2002 ولسه عامل شورت بلوك من 10 ايام تقريبا ...المهم وانا ماااشى بالعربيه لقيت كهربا العربيه انوار ومساحات وسنتر وازاز كل حاجه ضعفت لحد ما العربيه فصلت خالص المهم رحت جبت وصله بطاريه ودارت العربيه مشيت بيها 5 دقايق وحصل نفس الحكايه جبت وصله تانيه وتالته ورابعه وفى الاخر العربيه مستجبتش لاى وصله تانى وبقيت اسمع صوت طرقعه من عند الماتور ....رحت للكهربائى قالى الدينامو مابيشحنش وجيبت دينامو استيراد ودارت العربيه ومشيت بيها يومين ....جيت ادور العربيه امبارح مش عايزه تدور خالص بس لمبه البطاريه منوره ..ولما بنزل الازاز او اشغل المساحه نور التابلوه بيرعش وبيضعف .......افيدونى ولو حد يقدر يحددلى العيب فين بالظبط يبقى كتر خيره ..

[Mecha]

it looks like loose cable

check earth is tight to the battery , chassis and engine
make sure wire is full into terminals not torn or loose or you have to crimp it

another round on positive side to battery , starter , and alternator
I guess the trouble started because of the last engine job
he left loose or damaged wires

[pharonicking]

البطارية شكلها خلص "" غير مية البطارية واشحنها "" وجربها تانى""

[ehab_mansour]

بالضبط كما قال الاخ سابقا الموضوع لا يتخطي كونه احد اسلاك دائرة الارضي او الكهرباء في العربية مش مربوطه كويس و خلي بالك ان فيه كابلات كتير مربوطه مع حاجات في العربية زي مثلا المارش مربوط مع مساميره كابل ارضي كبير و مهم جدا للمحرك و ده كان سبب لمشاكل قريبة من اللي بتتكلم عنها لي سابقا مع عربيتي السابقة و ايضا معظم مكونات المحرك معاها كابل ارضي مع جسمها سواء موبينه او بوابة حقن او ...

[mohamedibeza]

يارب تطلع المشكله فى كده وتكون قصه كابلات واسلاك لانى بصراحه بقالى 10 ايام عمال بصرف وخلاص فلست ...ربنا يطمنكم

[ehab_mansour]

يا افندم كهربائي بيفهم هيحل المشكلة دي في عشر دقائق او نصف ساعه علي الاكثر

[hossamalsadik]

بالظبط كما قال الاخوه الأفاضل
الموضوع مش مستاهل وبسيط بس كهربائى يتمتع بقواه العقليه بس كده
والموضوع لن يخرج عن تربيط كبلات فقط بعد التأكد من شحن وسلامة الدينمو والبطاريه

[mohamedibeza]

رحت كشفت على البطاريه فى المحل اللى جبتها منو قالى البطاريه بايظه والمفروض انها فى الضمان ...المهم قالى روح بيها الشركه وهما هيكشفوا عليها لو عيب صناعه هيبدلوها وتدفع فرق استهلاك لو عيب استخدام يبقى مش هيغيرها وانا مش مقتنع بكلامه ...فالكلام ده حقيقى ولا بيشتغلنى ولا ايه ....نادرا جدا لما بجيب بطاريه فمعرفش النظام ده !!!!!

[hossamalsadik]

روح الشركه ومعاك الضمان ولو عيب صناعه هيبدلوها بدون مشاكل
خد بالك
بس فى الضمان لازم تكون بتكشف بشكل دورى ( كل شهر طوال فترة الضمان) على البطاريه وعمل الصيانه اللازمه لها ان وجد وحالة الدينمو بيقاس فى الكشف ده وبيدون ذلك فى الضمان من قبل البائع كده الضمان بيكون سارى
لاكن لو مش بتعمل كده هيقلك انتا بقالك فتره مش بتعمل صيانه وكده العيب هيكون عليك .

[mohamedibeza]

المشكله كانت فى البطاريه فعلا ...وانا مكنتش بعملها صيانه كل شهر وقالى نفس الكلام بس الحمد لله الراجل استجدع معايا وراح غيرهالى وجبلى واحده جديده وخد 50 جنيه فرق استهلاك ...من امبارح للنهارده ماشى حوالى 180 ك والحمد لله

[Mecha]

So this battery must have problem with you
before the engine job???

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[mohamedibeza]

للاسف العربيه عملتها تانى والبطاريه نامت مع العلم انى غيرت البطاريه ....وكل لما اروح للكهربائى يقولى البطاريه والدينامو زى الفل مفيش اى حاجه ....والواحد اتخنق وابتديت اكره العربيات لانى بقالى اسبوعين اشحن البطاريه وبعد يومين تنام تانى واروح اشحنها واروح للكهربائى يقولى نفس الكلام امبارح قالى لما تركن شيل كبل البطاريه ولما تنزل ابقى حط الكبل ودور وانا مش مقتنع بالكلام ده لانى انا مش شاكك فى البطاريه ....بس فى حاجه انا ملحظها زار الازاز الكهربا اليمين مكانش بيرفع الازاز انهارده لما حطيت كبل البطاريه لقيت السنتر الداخلى بتاع العربيه مش شغال بس لقيت الزرار بتاع الازاز اشتغل زى الفل والغريب ان العربيه نعمت وطلعتها على الاول بقت احسن كتيييير ...!!! ياريت اى حد عرف المشكله فين بالظبط يقولى اقول ايه للكهربائى علشان يقدر يحدد المشكله فين ...لان اخر مره الكهربائى قالى انه هيعيد على تغذيه الكهربا كلها وده صعب !!!

[mohamedibeza]

فى حاجه كمان حاسس ان نور التابلوه مش هو اللى كان قبل كده

[hossamalsadik]

البطاريه بتنام بعد يومين راكن العربيه
العيب أما فى الدينامو مابيشحن كويس او هوا نفسه بيهرب كهربا لمابيبرد ( ده الوقت الى انتا بتسيب فيه العربيه )
أو البطاريه ولازم تقاس وتديك على المقياس 12.7
أو فى تهريب كهربا عندك
المفروض الكهربائى يكون عمل أختبار تهريب الكهربا
أنا عوزك تقله أعمل أختبار تهريب الكهربا والعربيه بارده

موضوع نور التبلوه فى زرار التحكم بدرجة أضاءة التبلوه موجود بجوار مفتاخ النور
على نور التبلوه منه

الموضوع عندك بسيط عاوز كهربائى بيفهم شويه مش أكتر

[mohamedibeza]

مبركنش العربيه يومين ولا حاجه ...كل يوم بروح بيها مشاوير بس بتيجى فى اليوم التالت والبطاريه تنام ....قبل ماتنام بيوم كنت قياس البطاريه 12.5 ....كل مره تعملها معايا ببقى راكن 2 باليل وانزل 1 الضهر ....هو فى بدايه ما ادور بيبقى فى رجه فى العربيه زى ما يكون رزعه ممكن يكون ليه علاقه