مساعده فى تركيب تابلو ابيزا 2000 على ابيزا 94

[nesr6060]

يا رجاله انا من فتره طويله وانا عاجبنى تابلو ال 2000 وبفكر اركبه على عربيتى وطبعا بعد مشاورات عديده قررت انى اخوض التجربه
دلوقتى انا جبت تابلو ابيزا 2000 كامل بالعدادات و الضفيره بتاعته كامله و علبه الفيوزات و علبه الكتاوت بتاعته و الشاشه بتاعته و كويل التكيف كمان و قطمه الدريكسيون
المطلوب الان تركيب الحاجات دى كلها بس انا عاوز اعرف كهربائى شاطر علشان يركبلى الحاجات دى ممكن بقى مساعده عن كهربائى شاطر لتركيب التابلو ده بكل الى فيه
وياترى مصنعيه التركيب هتبقى حوالى كام
ياريت الى يعرف كهربائى شاطر يقولى بس بلاش رشاد علشان غالى و مبيشتغلش غير بليل وانا مش عاوز اتسحل
وياسلام لو كهربائى قريب من شارع فيصل بس يبقى حافظ ضفيره التابلو بالكامل علشان هيقسمها من الاول


سؤال تانى بقى هو ايه الاحسن فى القوه و العزم والهورس باور موتور الجولف 4 و الاوكتافيا ال 1600 SR
ولا الفهد الابيض ال AFT
ياريت لو فى مقارنه بين الموتورين لان بفكر بعد ما اخلص عربيتى شد هسقطلها واحد من الاتنين ياما ال 1800 بتاع الجولف 4 ياما ال ABF طبعا المقارنه شامله قطع الغيار و الهورس باور واقصى سرعه والتسارع و الاداء و الاعتماديه فى القرص و السير على Rpm عالى

[ehab_mansour]

ربنا يوفقك و يعينك ... انت مش لسه مسقطلها موتور 1600 قريب ...

[nesr6060]

اه لسه مسقط موتور 1600 والحمد الله حالته حلوه وكنت جايبه عامل حوالى 80 الف او 60 مش فاكر
بس الموتور اخر ما جبت بيه كان 190 كم \ س Rpm 52
انا عاوز موتور بيقفل ال 220 زى الجديد ويكون مستريح
والاهم من ده كلوا التابلو عاوز اركبه ومش عارف اركبه فين

[nesr6060]

مفيش اى مساعده لتركيب التابلو و تحديد كهربائى شاطر ؟؟؟

[hossamalsadik]

علاء بالحرافيين شارع المرسيدس أسأل عليه كهربائى فولكس

[nesr6060]

مانا المشكله مستبعد حوار الحرفين ده انا عاوز كهربائى ريب منى

[hossamalsadik]

أنتظر ان شاء الله حد من سكان فيصل يدلك على كهربائى فولكس يكون كويس
لان الموضوع بتاعك عاوز حد حافظ العربيه مش لسى هيتعلم فيها
لأن ديه ضفيره وهيترتب عليها باقى كهربة العربيه كلها مش موضوع صغير وبعلجه
فهمنى

[nesr6060]

ايه يا رجاله محدش هنا يعرف كهربائى شاطر فى فبصل او الهرم
التابلو كدا عندى مرمى فى الشقه بالضفيره جواه و الكويل فقط محتاج كهربائى شاطر يوصل الضفيره

صحيح حد عنده اى افكار او اى تعديلات اعملها بعد مافك التابلو القديم و اركب الجديد
انا قررت اعمل عازل خلف التابلو ايه رايكم ياترى هقدر اعمله لوحدى ولا لازم سروجى لان لو لازم سروجى هتبقى صاعبه علشان الكهربائى لما يفك التابلو مش هعرف اتحرك بالعربيه واروح لسروجى

[saadelden]

بص خد رقم كريم الكهربائي اخو اسلام ف مصر الجديده شوف كدا هايقولك ايه ف الحوار دا
01112922009

[nesr6060]

بص خد رقم كريم الكهربائي اخو اسلام ف مصر الجديده شوف كدا هايقولك ايه ف الحوار دا
01112922009

مين كريم مين و اسلام مين
انا اول مره اسمع عنهم

[Sharkeyboy]

بص يا باشا انا رايح للاسطي عصام كمان ساعتين
فيه واحد شاطر اوى اسمه ياسر فالمهندسين بييجي لعصام يركب التابلوه
شوف انت تقابلني عند عصام واكلمه يقابلنا عنده لان بردو هظبط شويه حاجات عندي
وواحد هيظبط التابلوه بتاعو بردو

انا من الهرم جنبك وعصام جنبينا اكيد انت عارفه
ونقعد نشب شاي ونتفرج عالتابلوه

شوف وكلمنى
٠١٠٠٣٥٩١٤٨٨
وليد

[nesr6060]

انا اتصلت بعصام واكدلى ان احسن واحد للكلام ده هو رشاد وشكلها فى الاخر هترسى على رشاد
وودى نمرتى
01144645241

[egman]

انا اعرف كهربائي كويس جدا جدا فى الحرفيين برده وسريع فى شغله وما بيشتغلش غير فى الماركات بتاعتنا ده وبيعمل

كتير التعديلات فى التابلوهات ده هو إسمه الأسطى إسلام / رقمه : 01227720390 كلمه وشوف هيقولك اية .

هو عن تجربه فك التابلوه وتركيب الكويل وتركيب التابلوه ما اخدش فيهم ساعه بالكتير ... وفاهم وحافظ بيعمل ايه .

ويا ريت تقولى حضرتك جبت التابلوه ده بكام ومنين ؟

[seatibiza]

قولنا عملت ايه ؟؟؟