مشلكة فى العربية بعد ما اشتريت بشهر

[Mohamed.GAMAL]

السلام عليكم

انا من شهر اشتريت عربيتى ابيزا 98 موتور 1000 سى سى انجكشن وكانت زى الفل واللى بايعهالى لسة مركب المكنة زيرو وكمان سبتها فى الرخصة يوم ما بعهالى لان الافراج كان لسة واصل المرور المهم العربية معايا من رمضان وكاشف عليها قبل ما اشتريها وكانت تمام

---- وفجأة من كام يوم جابت دخنة بيضاء ولفيت بيها على الميكانيكية كولو قالى مكنة خفيفة طيب ازاى وهيا لسة ركبة قالولى ممكن يكون مكنش العيب باين وبان على حظك انت المهم قلت اتاكد اخدت العربية وطلعت على الحرفيين امبارح السبت مع انى ساكن فى بنها وكان مشوار والدنيا حر بردو قالولى نفس الكلام

طيب دلوقتى انا اعمل اية مش عارف كلمت اللى اشتريت منو قالى انا مليش دعوة طيب اعمل اية حد ينصحنى وانا لسة شاريها
ودافع 32 الف جنية وملحقتش افرح بحاجة والله وكمان انا بمشى فى اليوم بالعربية 5 كيلو بروح الشغل وارجع تقف لتانى يوم طيب فوتت منى انا ازاى مش عارف . واسبوع من الشهر دة كانت وقفة لانى كنت بصيف .

------ طيب دلوقتى المكنة بتجيب دخنة بيضاء وفى بوجية عرق زيت بس المكنة ماشية كويس

------- ناس نصحتنى انى ابيع العربية على عيبها وخسارة قريبة زى ما بيقولو وناس تانية قلتلى امشى بيها وخلاص لحد ما تبتدى تقرفك واعمل شورت بلوك


طيب اعمل اانا اية دلوقتى بجد والله انا مش عارف ابيعها طيب نصحية لو بعتها على حليتها كدا تجيب كام
ولو سيبتها ممكن تعد معايا اد اية لحد ما تبتدى تتعبنى واعملها شورت بلوك او يكون ربنا كرم واجيب مكنة ااعلى منها وخلاص

اررررررررررررجو النصحية لاخوكم لانى تاية بجد ومش عارف اعمل اية

[mohammad isdf]

للأسف انت فى موقف لا تحسد عليه خصوصا انك لسه شارى العربية فالوجع النفسى عندك أكتر

روح لميكانيكى شاطر وأمين وهو يحدد هيا محتاجه إيه .. بالظبط والتكلفة أد ايه ومن هذا المنطلق تقدر تحدد انك تبيع والخسارة قريبة ( ودى فكرة عجبانى ) أو إنك تصلح وتدخل فى الدوامة دى

وفى حل بردوا انك تشوف صاحبها اللى باعهالك اشترى الموتور منين ويجي معاك وممكن لو فى محاولة انكم تغيروه وده احتمال صعب وبعيد لكن مش مستحيل

[ahmedfouad]

ربنا معاك .. اسال لو عملت طاقم شنبر نسبة نجاحة قد ايه ؟
لانى بسمع ان فى عربيات مش بينفع فيها شنبر او عمرة وبتبقى النتيجة على عكس المتوقع وبيضطروا فى الاخر يشتروا موتور بس بيكون بعد الخسارة
يا ريت حد يفيدك فى النقطة دى تحديداً..

[ايمن فهمى]

قدر الله وماشاء فعل
اوعى تزعل على اى حاجه كل دى حاجات عاديه جدا فى العربيات وبتحصل والله العظيم حصلت معايا فى عربيتى
وفى حد نصحنى نصيحه هقولهالك ( ان ممكن لاقدر الله العربيه تتخبط وهى واقفه وتدفع عليها اكتر مهتدفع فى تمن العمره ) وانا حبيت اقولهالك
وبعدين اكشف عند حد كويس ولو طلع طقم الشنبر بس دة حاجه سهله اعمله واتكل على الله
اما لو غير كده اعرف التكلفه وبيع على قد الخسارة

[Mohamed.GAMAL]

جزاكم الله خيرا والله وشكرا على الرد
اولا انا معنديش حد فى بنها بيفهم المانى علشان يعرف يعمل عمرة اصلا ثانيا لما روحت الحرفين امبارح قالولى دى بطيخة مقفولة لازم نفتحها علشان نقدر نحدد وكان اقرب حل موضوع الشورت بلوك طيب دلوقتى انا اعمل اية اعملها شورت بلوك فى حدود 1500 جنية ولا اصبر واجيب مكنة جديدة وتكون اعلى ولا ابيع وخلاص بخصارة قريبة شوية.

سؤال انا لو حبيت ابيع ممكن تجيب كام

وكمان بصراحة انا معرفش ميكانيكى ثقة شغال المانى فلو حد يعرف يقولى

[nesr6060]

امشى كدا ولما تف هاتلها بلوكه 1400

[Mohamed.GAMAL]

معلش ممكن توضيح وبكام ال ١٤٠٠

[yyy]

جزاكم الله خيرا والله وشكرا على الرد
اولا انا معنديش حد فى بنها بيفهم المانى علشان يعرف يعمل عمرة اصلا ثانيا لما روحت الحرفين امبارح قالولى دى بطيخة مقفولة لازم نفتحها علشان نقدر نحدد وكان اقرب حل موضوع الشورت بلوك طيب دلوقتى انا اعمل اية اعملها شورت بلوك فى حدود 1500 جنية ولا اصبر واجيب مكنة جديدة وتكون اعلى ولا ابيع وخلاص بخصارة قريبة شوية.

سؤال انا لو حبيت ابيع ممكن تجيب كام

وكمان بصراحة انا معرفش ميكانيكى ثقة شغال المانى فلو حد يعرف يقولى

ما الشورت بلوك ممكن تجيبة وتركبة وفى الاخر يطلع زى اللى معاك...الموتور اللى معاك (هاتغرم تمن جوان وش سلندر ومصنعية حل الوش ) تشوف ميكانيكى كويس يفك الوش ويشوف الشمايز لو لاقها كويسة ومش مجرحة ولا معتبة يركب طقم شمبر و يغيرلك كاوتش الصباب ولو محتاج رودية ماشى
لو لقى الشمايز فيها حاجة يبقى لازم عمرة فا تقفل الموتور تانى وتمشى بية لما يجيب اخرة

[abaza2107]

السلام عليكم
اولا ياباشا مبروك عليك العربيه وما تعقدش نفسك منها
ثانيا انت قبل ما تشتري المفروض تسال كويس وتاخد معاك حد بيفهم كويس في الموديلات ديه ويعرف عيوبها وبعدين حضرتك بتقول اشتريتها بــ 32 المفروض سعرها اعلى من كده شويه لو سليمه وبتقول صاحبها الي قبلك جيبلها موتور استيراد 1000 سي سي طيب جابه منين لانه قليل جدا انك تلاقيه فانا اعتقد ان الموتور ده خلع من عربيه تانيه
نصيحتي ليك في النهايه اكشف على العربيه كويس لان صاحبها الي قبليك مش محل ثقة ورده كان غريب لما قولتله على الموتور الي بيدخن فاكشف عليها كويس لو باقي الاجزاء سليمه من اساسيات وصالون وعفشة خليها معاك وركب بوجيهات سن قصير وامشي بيها لغاية لما تجيب اخره خالص ولو كشفت ولقيت فيها حاجه غير كده مؤثره فأنصحك بالبيع وربنا يوفقك وتابع معانا وان شاء الله كل اعضاء القسم يفيدوك ومعك خطوة خطوة

[Fo1Fo]

السلام عليكم

انا من شهر اشتريت عربيتى ابيزا 98 موتور 1000 سى سى انجكشن وكانت زى الفل واللى بايعهالى لسة مركب المكنة زيرو وكمان سبتها فى الرخصة يوم ما بعهالى لان الافراج كان لسة واصل المرور المهم العربية معايا من رمضان وكاشف عليها قبل ما اشتريها وكانت تمام

---- وفجأة من كام يوم جابت دخنة بيضاء ولفيت بيها على الميكانيكية كولو قالى مكنة خفيفة طيب ازاى وهيا لسة ركبة قالولى ممكن يكون مكنش العيب باين وبان على حظك انت المهم قلت اتاكد اخدت العربية وطلعت على الحرفيين امبارح السبت مع انى ساكن فى بنها وكان مشوار والدنيا حر بردو قالولى نفس الكلام

طيب دلوقتى انا اعمل اية مش عارف كلمت اللى اشتريت منو قالى انا مليش دعوة طيب اعمل اية حد ينصحنى وانا لسة شاريها
ودافع 32 الف جنية وملحقتش افرح بحاجة والله وكمان انا بمشى فى اليوم بالعربية 5 كيلو بروح الشغل وارجع تقف لتانى يوم طيب فوتت منى انا ازاى مش عارف . واسبوع من الشهر دة كانت وقفة لانى كنت بصيف .

------ طيب دلوقتى المكنة بتجيب دخنة بيضاء وفى بوجية عرق زيت بس المكنة ماشية كويس

------- ناس نصحتنى انى ابيع العربية على عيبها وخسارة قريبة زى ما بيقولو وناس تانية قلتلى امشى بيها وخلاص لحد ما تبتدى تقرفك واعمل شورت بلوك


طيب اعمل اانا اية دلوقتى بجد والله انا مش عارف ابيعها طيب نصحية لو بعتها على حليتها كدا تجيب كام
ولو سيبتها ممكن تعد معايا اد اية لحد ما تبتدى تتعبنى واعملها شورت بلوك او يكون ربنا كرم واجيب مكنة ااعلى منها وخلاص

اررررررررررررجو النصحية لاخوكم لانى تاية بجد ومش عارف اعمل اية

------ طيب دلوقتى المكنة بتجيب دخنة بيضاء وفى بوجية عرق زيت بس المكنة ماشية كويس ) مشكلله البوجيه اللى بيعرق حط مكانه بوجيه سن قصير النتيجه ها تتحسن ولو وصلت لحد ان ان العربيه (تتلت ) تمشى على تلاته بوجيه يعنى شيل معاك بوجيه أحتياطى ومفتاح بوجيهات . حكايه الدخنه البيضاء هو انت بستعمل زيت ايه ؟ جربت تستخدم زيت تقيل للمواتير الخفيفه ؟ زى شل الأحمر وده بيتغير على 3000 كم .
وسؤال تانى هى بتاكل زيت جامد ولا لأ ؟ يعنى من غيار الزيت الى غيار الزيت للنوع اللى بيتغير كل 3000 كم بتضطر تزود الزيت اد ايه ؟ ازا كل اللى فات ماجابش نتيجه او كانت نتيجته غير أقتصاديه يبقى تفكر فى اللى انت بتفكر فيه (شنبر او شورت بلوك او .........)

[Mohamed.GAMAL]

ما الشورت بلوك ممكن تجيبة وتركبة وفى الاخر يطلع زى اللى معاك...الموتور اللى معاك (هاتغرم تمن جوان وش سلندر ومصنعية حل الوش ) تشوف ميكانيكى كويس يفك الوش ويشوف الشمايز لو لاقها كويسة ومش مجرحة ولا معتبة يركب طقم شمبر و يغيرلك كاوتش الصباب ولو محتاج رودية ماشى
لو لقى الشمايز فيها حاجة يبقى لازم عمرة فا تقفل الموتور تانى وتمشى بية لما يجيب اخرة

طيب هو ينفع اى ميكانيكى للموضوع دة ولا لزم يكون بتاع المانى لانى معنديش حد بتاع المانى

[Mohamed.GAMAL]

------ طيب دلوقتى المكنة بتجيب دخنة بيضاء وفى بوجية عرق زيت بس المكنة ماشية كويس ) مشكلله البوجيه اللى بيعرق حط مكانه بوجيه سن قصير النتيجه ها تتحسن ولو وصلت لحد ان ان العربيه (تتلت ) تمشى على تلاته بوجيه يعنى شيل معاك بوجيه أحتياطى ومفتاح بوجيهات . حكايه الدخنه البيضاء هو انت بستعمل زيت ايه ؟ جربت تستخدم زيت تقيل للمواتير الخفيفه ؟ زى شل الأحمر وده بيتغير على 3000 كم .
وسؤال تانى هى بتاكل زيت جامد ولا لأ ؟ يعنى من غيار الزيت الى غيار الزيت للنوع اللى بيتغير كل 3000 كم بتضطر تزود الزيت اد ايه ؟ ازا كل اللى فات ماجابش نتيجه او كانت نتيجته غير أقتصاديه يبقى تفكر فى اللى انت بتفكر فيه (شنبر او شورت بلوك او .........)

على فكرة انا اول واحد يحط زيت للعربية بعد ما اشتريتها من الراجل لانو مكنش حط لسة زيت جديد والعربية لحد دلوقتى من ساعت ما اشترتها ما مشيتش غير ٧٠٠ كيلو وقيست الزيت امبارح مضبوط تماما وكمان انا اللى مغير البوجيهات لانو بردو مكنش غير البوجيهات بعد ما ركب المكنة

[Mohamed.GAMAL]

السلام عليكم
اولا ياباشا مبروك عليك العربيه وما تعقدش نفسك منها
ثانيا انت قبل ما تشتري المفروض تسال كويس وتاخد معاك حد بيفهم كويس في الموديلات ديه ويعرف عيوبها وبعدين حضرتك بتقول اشتريتها بــ 32 المفروض سعرها اعلى من كده شويه لو سليمه وبتقول صاحبها الي قبلك جيبلها موتور استيراد 1000 سي سي طيب جابه منين لانه قليل جدا انك تلاقيه فانا اعتقد ان الموتور ده خلع من عربيه تانيه
نصيحتي ليك في النهايه اكشف على العربيه كويس لان صاحبها الي قبليك مش محل ثقة ورده كان غريب لما قولتله على الموتور الي بيدخن فاكشف عليها كويس لو باقي الاجزاء سليمه من اساسيات وصالون وعفشة خليها معاك وركب بوجيهات سن قصير وامشي بيها لغاية لما تجيب اخره خالص ولو كشفت ولقيت فيها حاجه غير كده مؤثره فأنصحك بالبيع وربنا يوفقك وتابع معانا وان شاء الله كل اعضاء القسم يفيدوك ومعك خطوة خطوة

لما جيبت العربية فعلا شافعها سمكرى وقالى كويسة وكمان وريتها لتاجير عربيات عم صحبى ودة بقا فلاها وانا واقف وقالى كويسة سواء قوايم ولا اساسات وصالون اما العفشة فانا مش حاسس منها بحاجة بس هروح ب انهردة اكشف عليها

[ايمن فهمى]

لو عايز ميكانيكى بتاع المانى يجبلك من الاخر بس هتغرم جوان وش سلندر ومصنعيه فتح وهيديلك القرار النهائى فى ميكانيكى وانت جى من بنها مباشرة للمؤسسه هتكمل على طول دة شارع اسمه احمد حلمى عند محطه اسمها الاستديو خش يمين وقول فين عضمه بتاع الالمانى ودة مشهور جدا جدا وبالتوفيق

[hossamalsadik]

اخى الفاضل ربنا يعينك ومش عاوزك تزعل نفسك
هوا لما الواحد بيجيب عربيه غريبه عليه كاقطع غيار واماكن صيانه ومعرفه بالاسعار بيتعب شويه
لحد ما يفهم ويعرف بعد كده تلاقيه مبسوط منها والدنيا معاه مشيت
ممكن تنزل بيها القاهره وعندك أماكن الورش الى متجربه من الاعضاء هيحسبلك تكلفة انهاء مشكلة الماتور ده
وقتها هتحدد ميزانيتك بانك تعمر او تجيب بلوكه او ماتور وشيل وحط وانتهى
ولو سألتنى عن رأيى فهتلاقيه مخالف لناس كتير حتى فى القسم هنا - أنا برجح العمره ديماً وده من او مره ركبت فيها عربيات ليه لان أنا بجدد ماتورى عشان يقعد أفتراضياً فتره طويله وأداء الزيرو
بس الموضوع ده شاق جدا وعاوز ورشه ميكانيكا وخراط ممتازين وخبره وقطع غيار جديده اصلى وحط خطين تحتها
أذا توافر الشروط الثلاثه تتعمل العمره وأنتا الكسبان ماتوفرتش أو شفت ان تكلفة عيب الميكانيكا عندك يعالج باقل تكلفة واسرع وقت من خلال الإستيراد يبقى تعمله وأنتا وحظك وكده كده بيبقى الى جبته أستيراد على التجربة بس كل الى بتخسره مصنعية التركيب وشيل وحط
أنا عارف ان ماتورك صغير عمتا عالجه مؤقته بأقل تكلفة وعمل حسابك مستقبلياً أنك تجيب أحلى ماتور 1400cc راكب على نص ويكون كيلومترات قليل هيكون غالى شويه وهدور عليه بس هتريح دماغك فتره طويله جدا لان المواتير الالمانى معمره جدا وخدمه شاقه ولو قلتلى امال ده عمل معيا كده ليه ده قدرك الماتور 1000cc الأستيراد نادر جدا فالمرجح انه خلع للاسف

اسف على الاطله وربنا معاك
واى استفسار اسأل والناس كلها هنا فى القسم معاك