دواسة البنزين سيات ابيزا 2009

[ahmedali889]

السلام عليكم ورحمة الله

ارجو المساعدة ضروري..

انا اشتريت سيارة ابيزا 2009 قاطعة 109000 كم
السيارة حالتها جيدة بس فيه مشكلة عندي في دواسة البنزين
لما بكون لسه طالع بالعربية عادي بتلقط بنزين بس لو وقفت في اشارة او هديت عند مطب واجي ادوس بنزين تاني مش بلاقي اي استجابة خالص وكانها فصلت بنزين مرة واحدة بقوم رافع رجلي وادوس تاني تقوم تلقط معايا... الحكاية دي بتحصل بس مش كتير.. وانا مش بفهم في ميكانيكية السيارة .. برجاء المساعدة وشكرا جزيلا

[mohammad isdf]

العرض ده سبب حاجات كتير

منها الطرمبة بتاعة البنزين ومنها ظبط الإنجيكشن

[Mecha]

check under the pedal does it have tps throttle position sensor
check the wiring is secure
or go to throttle body
if the tps is there and check wiring

it like loose connection

[hossamalsadik]

ممكن يكون زى مقال Mecha
أتأكد من فيشة راكبه على حساس البوابه throttle body
و الافضل انك تكشف كمبيوتر ومتأكد ان عيب زى ده هيظهر بمجرد الكشف وهيكون بسيط واضح أن شاء الله
وياريت تطلعنا على النتائج

[ehab_mansour]

غالبا المشكلة في الدواسة نفسها او وصلاتها

[ahmedali889]

ِشكرا للجميع

السلام عليكم

شكرا جدا لكل الاخوة اللي ردوا على الموضوع ... شكرا جزيلا

انا روحت التوكيل وعملت فحص كامل والعيب طلع في حاجة اسمها سويتش هو قطعة سوداء صغيرة كدا غيروها ب 90 ريال ما يساوي 170 جنيه مصري

والحمد لله المشكلة اختفت...

[Moda_ElNakoury]

السلام عليكم

شكرا جدا لكل الاخوة اللي ردوا على الموضوع ... شكرا جزيلا

انا روحت التوكيل وعملت فحص كامل والعيب طلع في حاجة اسمها سويتش هو قطعة سوداء صغيرة كدا غيروها ب 90 ريال ما يساوي 170 جنيه مصري

والحمد لله المشكلة اختفت...

انا الموضوع ده حصل معايا لما استلمت عربيتى و لسه فى الطريق رايح ارخصها بعد ما اعدي المطب مثلا و ادوس تمشي براحه خالص و مافيش استجابة لدوسة البنزين لازم اقف و اجيب فرامل و العربية تقف خالص و اشيل فرامل و ادوس بنزين علشان تمشى رجعتهالم و لسه مستنى عربية تانيه غيرها