تكلفة تسقيط ماتور 1400 لسيات ابيزا 2002

[hosam_czar]

ارجوا من الاعضاء الكرام يفيدونى عايز اعرف تكلفة تسقيط ماتور 1400 لسيات ابيزا 2002 واجيب ماتور مضمون منين ويارتى فى حد ممكن ياخد الماتور 1000 ويدينى 1400 وادفع فرق بسيط محتاج خبرتكم يا شباب ؟؟؟

[Karim Ibiza]

على حسب اذا كنت هتجيب شورت بلوك ولا موتور كامل ولا موتور بالفتيس ولا موتور بالفتيس والضفير والكونترول
هو عموما من 1800 الى 4500 على حسب انت هتجيب ايه

بس ايه المشكلة عندك عشان نقولك بالظبط هتحتاج ايه

[hossamalsadik]

التكلف هتكون مابين 4000 و 5500 وده بيفرق من ماتور راكب فى نص وكيلوهاته وماتور على الارض وحسب التاجر
أهم حاجه انك تاخد حاجه نضيفه
ضيف مصنعيه و زيوت فى حدو 1000 جنيه
ونتا بتاخد الماتور الجديد لو ماتورك شغال فى العربيه قول للمحل أنك عاوز تدخل ده فيه بس متتوقعش سعر عالى يعنى
بس سؤال ايه مشكلة ماتورك 1000cc

[hosam_czar]

انا بخلص فى عربيه ماتورها الف وناس كتير خوفتنى من الماتور 1000 انا بحسب لو جيبتها وعايز اسقط ماتور هتكلف كام

[hossamalsadik]

الماتور ال 1000cc هيكون معاك زى الفل
هوا معيا وتمام ألا لو بتحب الشد والجرى والفحت والردم

[hosam_czar]

كل الناس بتقولى هات لانوس افضل بس انا متمسك بالابيزا انا كده صح ولا فعلا اللانوس افضل فيدونى ربنا يكرمكم

[hossamalsadik]

اللانوس حاجه والابيزا حاجه تانيه خالص
مع كامل الاحترام ليها ولملكها

كلامى على الامان والثبات الركوبه يعنى وجودة الخامات أحساس القياده الشكل وده طبعا ازواق
لو هنخاف مكنش حد هنا ركبها تفتكر بنعمل صيانه فى دوله تانيه ولا بنشترى حاجتها من الخارج
ماكله موجود هنا بس زيها زى اى عربيه ببتعب لحد ماتعرف قصتها من صيانه لقطع غيار فين اعملها ومنين أشترى
سعر قطع غيارها معقوله لان بمقارنته بمثيلتها هتلاقيها معمره أكتر

[mohanad hani]

لو عربية موديل ٢٠٠١ و مكنتها ١٠٠٠cc و عايز أسقطلها ١٤٠٠ مع العلم إن ال ١٠٠٠cc سليم و كل مشتملاته سليمه. هحتاج أغير إيه ؟! يعني نفس الفتيس و ال دينمو و المارش بتاع ال ١٠٠٠ cc يركب على ال ١٤٠٠ ولا إيه ؟!

[hossamalsadik]

جميع ادوات التغزيه هتمشى مارش - دينامو
بس الفتيس والكنترول الى هيتغير فقط عشان تاخد أداء افضل
بس لو مغيرتهمش هيركبو عادى وهتمشى عادى بس بأداء أقل قليلا وده ممكن تحسه فى التسارع على السرعات العاليه فقط

[Karim Ibiza]

اضافة لكلام اخونا حسام
مش كل كونترولات 1000 تركب على ال 1400
لو الكنترول اللى عندك كونترول 1000 بس هتلاقى العربية مش مظبوطة والار بى ام بيطلع وينزل فى السلانسيه وخنقة فى المشى

[khalil mohamed]

ممكن صورة للماتور 1000 سى سى ؟ اللى موجود فى العربية من اﻻساس

[Karim Ibiza]

ممكن صورة للماتور 1000 سى سى ؟ اللى موجود فى العربية من اﻻساس

ده شكله بالغطاء



وده من غير

[khalil mohamed]

مشكور يا باشا بس هو فيه سؤال هو لو شخص مركب غطا ماتور 1.4 على ماتور 1.0 ده طبيعى يعنى وميقللش من مصدقيته فى العربية فبريكا ؟

[Karim Ibiza]

متاخدش بالغطاء اللى راكب
خد بكود الموتور
الـ 1.0 الكود بتاعه ald و الـ1.4 الكود بتاعه akk او aud

[nesr6060]

هو الموتور ال 1000 ده هو هو الى بينزل فى البولو صح ؟؟

طيب هو بيركب فى الابيزا بالقاعده الجانبيه زى البولو ولا قاعده قدام وورا وبس زى بتاعه الابيزا