توليدو هاي لاين ولا ليون الفئة التانية و الاتنين ٢٠١٤

[Mohamed_Hanafi]

السلام عليكم،

يا جماعة انا محتار جداً، العربيتين حلوييييييين اوي و مش عارف اختار انهي فيهم ولا استني ٢٠١٥ و ساعتها اقارن!

[blazer]

متجبش اى عربيه فتيسها dsg

[Mohamed_Hanafi]

متجبش اى عربيه فتيسها dsg

فتيس الليون dsg بس ٧ سرعات و ده اللي كل الناس بتشتكي منه و فيه مشاكل و الوكيل بيقول في الزحمة اقلبها مانيوال

اما فتيس التوليدو dsg بردو بس ٦ سرعات و ده موجود من زمان و ماحدش اشتكي منه خالص

بس لو بصينا للاوبشنز هانلاقي الليون تكسب

محتار جداً بردو العربيتين حلويين اوي و بعدين مؤخراً بدأت اخد بالي من السوبارو امبريزا انا هاتجنن و عايز اجيب عربية ماغيرهاش الا كمان ١٠ سنين مثلاً

[ibizaman]

راي التوليدو عمليه اكتر من اليون ونسبه المشاكل اقل
رغم ان اليون فئه اعلي واوبشنز اكتر
بس خليك ف الامن التوليدو

[Mohamedjetta]

اليون طبعا

[atef_5005]

الليون فئه الجيتا و الاوكتافيا و التوليدو فئه الرابيد

[Karim Ibiza]

فتيس الليون dsg بس ٧ سرعات و ده اللي كل الناس بتشتكي منه و فيه مشاكل و الوكيل بيقول في الزحمة اقلبها مانيوال

اما فتيس التوليدو dsg بردو بس ٦ سرعات و ده موجود من زمان و ماحدش اشتكي منه خالص

بس لو بصينا للاوبشنز هانلاقي الليون تكسب

محتار جداً بردو العربيتين حلويين اوي و بعدين مؤخراً بدأت اخد بالي من السوبارو امبريزا انا هاتجنن و عايز اجيب عربية ماغيرهاش الا كمان ١٠ سنين مثلاً

اهلا بيك ياباشا فى قسم سيات

بعد اذن حضرتك ليا تعقيب وتصحيح على الكلام ده

-المشاكل بتاعت الـ dsg كلها كانت فى الجيل الأول اللى كان 6 سرعات

-والجيل الجديد الـ 7 سرعات عملوا تغيير للميكاترونيك اللى هى عقل الفتيس والمشاكل مبقتش بتظهر

-كلنا بننصح انك تقلبها مانيوال فى الزحمة وده عشان تطول عمر الفتيس معاك + ان الزحمة اللى عندنا دى مش زحمة عادية + ان الموضوع مش متعب لأن مفيش دبرياج وبالعكس انا شايفه ممتع جدا (انا معايا عربية اواتوماتيك بدون ذكر اسمها والفتيس بتاعها اللى هو الاوتوماتيك العادى جدا وبقلبها مانيوال فى الزحمة عشان دايما تبقى حاضرة تحت رجلى فى حالة اى ظرف طارق)

- الليون الجديدة مفيش حد اشتكى منها لغاية دلوقتى والجولف 7 نفس الفتيس ومفيش حد اشتكى منها والابيزا الجديدة نفس الفتيس ومفيش حد اشتكى منها ولو فيه بتبقى حالات فردية مش بنفس الكمية بتاعت زمان

- التوليدو الجديدة مش نازل اصلا بفتيس dsg, الفتيس بتاعها تبترونك 6 نقلات

تحياتى

[Karim Ibiza]

السلام عليكم،

يا جماعة انا محتار جداً، العربيتين حلوييييييين اوي و مش عارف اختار انهي فيهم ولا استني ٢٠١٥ و ساعتها اقارن!

حسب احتياجاتك واستخدامك للعربية والغرض منها

الموضوع ببساطة

الليون عربية شبابى
التوليدو عربية عائلية

[hossamalsadik]

للاسف لازم اقول كده
أزاى اجيب عربيه اتوماتيك ووقت ما أحب أو جه وقت استخدامه اقوم قلبه منوال
طب منا أجيب منول من الاول
بصراحه الموضوع ده يضايق

[Mohamed_Hanafi]

اهلا بيك ياباشا فى قسم سيات

بعد اذن حضرتك ليا تعقيب وتصحيح على الكلام ده

-المشاكل بتاعت الـ dsg كلها كانت فى الجيل الأول اللى كان 6 سرعات

-والجيل الجديد الـ 7 سرعات عملوا تغيير للميكاترونيك اللى هى عقل الفتيس والمشاكل مبقتش بتظهر

-كلنا بننصح انك تقلبها مانيوال فى الزحمة وده عشان تطول عمر الفتيس معاك + ان الزحمة اللى عندنا دى مش زحمة عادية + ان الموضوع مش متعب لأن مفيش دبرياج وبالعكس انا شايفه ممتع جدا (انا معايا عربية اواتوماتيك بدون ذكر اسمها والفتيس بتاعها اللى هو الاوتوماتيك العادى جدا وبقلبها مانيوال فى الزحمة عشان دايما تبقى حاضرة تحت رجلى فى حالة اى ظرف طارق)

- الليون الجديدة مفيش حد اشتكى منها لغاية دلوقتى والجولف 7 نفس الفتيس ومفيش حد اشتكى منها والابيزا الجديدة نفس الفتيس ومفيش حد اشتكى منها ولو فيه بتبقى حالات فردية مش بنفس الكمية بتاعت زمان

- التوليدو الجديدة مش نازل اصلا بفتيس dsg, الفتيس بتاعها تبترونك 6 نقلات

تحياتى

يا باشا متشكرين جدا جدا للتوضيح؛ جزاك الله كل خير. انا ان شاء الله نويت الليون الفئة التانية بس فيه حاجتين مضايقني فيها، المرايا مش ضم كهربا و مافيهاش باركينج سينسور بس ان شاء الله اشوف ايه نظامهم في التوكيل يمكن يظبطوهم و يعرفوا يحطوهم في العربية

[Mohamed_Hanafi]

للاسف لازم اقول كده
أزاى اجيب عربيه اتوماتيك ووقت ما أحب أو جه وقت استخدامه اقوم قلبه منوال
طب منا أجيب منول من الاول
بصراحه الموضوع ده يضايق

ده كان من ضمن الحاجات اللي مخلياني قلقان من العربية بصراحة بس فكرت فيها و حسبتها لقيت ان بلدنا اصلاً تخرب اللي مايتخربش

انا بابصلها كمان من وجهة نظر تانية، انا كده كده تحركاتي كلها بالعربية بس انا قليل لما باعمل مشاوير والحمدلله انا عارف الطرق كويس فا تلاقيني بامشي في طرق مافيهاش زحمة حتي لو لفيت شوية اكتر من المسافة الطبيعية بتاعتي يعني

[Mohamed_Hanafi]

يا جماعة متشكر جداً علي الردود و مستني ان شاء الله تفاعلات و ردود من باقي الاعضاء :)

[ibizaman]

اتفرجت علي اليون بصراحه رائعه
بس اخبار علوها عن الارض اييه

[Mohamed_Hanafi]

اتفرجت علي اليون بصراحه رائعه
بس اخبار علوها عن الارض اييه

العربية عالية بما فيه الكفاية انك تعدي اي مطب من غير ما تحك ما شاء الله

[Karim Ibiza]

اتفرجت علي اليون بصراحه رائعه
بس اخبار علوها عن الارض اييه

ارتفاعها 14 سم وعموما العفشة الالمانى مش من النوع الطرى اللى بيتأثر بالاحمال بسهولة